1 KORINHTU 2:15 - Jinghpaw Hanson Version Bible

¹⁵ Wenyi rawng ai wa chyawm gaw yawng mayawng hte hpe jeyang lu nga ai; shi hpe mahtang gaw kadai rai timung jeyang ya lu ai n rai.

Jinghpaw Common Language Bible 2009

¹⁵ Wenyi rawng ai wa chyawm gaw arai yawng mayawng a manu rawng ai lam hpe daw dan lu nga ai; shi hpe mahtang gaw kadai e mung daw dan lu ai n rai.

1 KORINHTU 2:15 ပူးပေါင်းရင်းမြစ်များ

2 SAMUELA 14:17

Dai re ai majaw, “Nye madu hkawhkam wa gaw Karai Kasang a lamu kasa zawn, kaja ai hte n kaja ai chye ginhka nga ai rai nna, nye madu hkawhkam wa a ga hte lawt lu u ga, ngu nna, na a mayam jan ning nga hpyi wam ai rai nga ai: na a Karai Kasang Yehowa mung, nang hte rau anga nga u ga,” ngu wu ai.

SHAKAWN KUNGDAWN 25:14

Yehowa hpe hkrit kamyin ai ni, shi a sung ai lam chye nga nna, shi shanhte hpe shi a ga shaka chye lu shangun mu ai.

GA SHAGAWP 28:5

N shawp ai ni gaw, tara malang ai hku n chye ma ai; Yehowa hpe hkan tam ai ni chyawm gaw, lam shagu chye ginhka ma ai.

HPAJI NINGLI 8:5

Hkang da ai ga hkan ai wa gaw, mara kap na n rai? Hpaji rawng ai wa a myit masin gaw ahkying ladaw hte tara dawdan ai lam chye ginhka nga ai:

YAWHAN 7:17

Dai wa a myit hkan mayu ai wa rai yang gaw, sharin shaga ai ga ndai, Karai Kasang kaw na re ai, shing n rai, nye a myit hte tsun nga ai ga re ai, chye ginhka lu na wu ai.

KASA 16:3

Pawlu gaw dai wa hpe shanan la mayu ai rai nna, shi a kawa Heleni masha rai nga ai gaw, dai yang na Yuda masha ni nlang chye ma ai majaw, shanhte hpe tau nna, shi hpe matu gadoi hking jaw wu ai.

1 KORINHTU 14:37

Marai langai ngai myihtoi, shing n rai Wenyi rawng ai wa rai nga nngai, nga nna myit la a yang gaw, ngai nanhte hpe ka ya ai lam gaw, dai madu a htet da ai ga rai nga ai, dum chye u ga.

1 KORINHTU 3:1

Ngai chyawm gaw, hpunau ni e, Wenyi myit rawng ai ni hpe zawn, nanhte hpe tsun dan lu made ai n rai; shinggyim ta naw re ai ni hte, Hkristu hta e ma chyangai hpe zawn, tsun dan yu masade ai.

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

GALATI 6:1

Hpunau ni e, masha langai ngai n dum shami e yubak galaw hkrup a yang gaw, Wenyi rawng ai ni nanhte gaw, shing re ai wa hpe shingdi ai myit hte shadaw shalan rai nga mu: nang mung agung alau n hkrum u ga, tinang dai sadi nga u.

HPILIPI 1:10

Yesu Hkristu a marang e, Karai Kasang a hpung shingkang hte mahkawn mangoi ai lam a matu rai nga ai dinghpring ai a asi hte hpring chyat lu myit ga,

KOLOSE 1:9

Dai re ai majaw, anhte mung na yu lu ai shani kaw nna, nanhte a matu mara akyu hpyi na, n sim n sa rai nga ai hte: Wenyi hte seng ai hpaji byeng-ya hte nyan amyu myu hta shi a myit mang ai a chye chyang ai lam hte nanhte hpring chyat lu nna,

1 HTESALONI 5:21

Lam yawng mayawng hpe chyam dinglik yu nga mu, mai kaja ai hpe mahkyu nga mu.

HEBRE 5:14

Ja ai shahpa chyawm gaw, kaja ai hte n kaja ai hpe chye ginhka lu hkra, tinang a myit mang ai lam hpe len shaman ai hte shakung jahpan chye nna, hkum tsup nga ai ni a matu rai nga ai.

1 YAWHAN 2:20

Nanhte mahtang gaw dai Chyoi Pra ai wa kaw na nam man chya ai chyeju hpe hkam la lu myit dai rai nna, yawng mayawng hte hpe chye lu myit dai.

1 YAWHAN 4:1

Tsawra ai ni e, wenyi shagu hpe hkum kam nga myit; dai wenyi ni Karai Kasang kaw na rai nga ma ai kun, chyam yu nga mu; kaning rai nme law, masu ai myihtoi law law wa, mungkan ga de sa wa masai.