1 KORINHTU 2:14 - Jinghpaw Hanson Version Bible

¹⁴ Myi na ta naw re ai shinggyim masha gaw, Karai Kasang a Wenyi hte seng ai lam hte hpe hkam la lu ai n rai, dai hte gaw shi a matu angawk angak rai nga ai rai nna, Wenyi myit e sha dai hte hpe jeyang lu ai re ai majaw, shi gaw dai hte hpe chye na lu ai n rai.

Jinghpaw Common Language Bible 2009

¹⁴ Dai Wenyi hpe n hkap la ai, mi na ta naw re ai shinggyim masha kadai mung, Karai Kasang a Wenyi e jaw ai chyeju kumhpaw kumhpa ni hpe n hkam la lu nga ai. Dai ni gaw shi a matu angawk angak lam rai nga ai rai nna, Wenyi myit e sha dai lam ni a manu hpe daw dan ya lu nga ai majaw, shi gaw dai hte hpe chye na lu ai n rai.

1 KORINHTU 2:14 ပူးပေါင်းရင်းမြစ်များ

GA SHAGAWP 14:6

N kaw n law re ai wa gaw hpaji tam timung, n mu nga ai; Myit gawp ai wa chyawm gaw, hpaji lu loi nga ai.

MAHTE 16:23

Shi mahtang kayin nhtawm Petru hpe, “Satan e, nye hpang de sit mat wa u; Karai Kasang hte seng ai lam n rai, masha hte seng ai lam hpe sha nang myit nga ndai majaw, nye a matu myit kataw shara nang rai nga ndai,” ngu nna tsun wu ai.

YAWHAN 10:20

Shanhte hta na law law gaw, “Shi nat shung nna mana nga ai: shi a ga hpe hpa rai madat nga myit ta?” nga ma ai.

YAWHAN 12:37

Lamik kumla ndai hte wa shanhte a man e shi madun dan mu timung,

YAWHAN 14:17

mungkan ga gaw dai Wenyi hpe n mu n chye ma ai majaw, n hkap la lu ma ai: nanhte chyawm gaw dai Wenyi hpe chye nga myit dai; kaning rai nme law, shi gaw nanhte hte rau rai nga ai, nanhte hta mung rawng nga na ra ai.

YAWHAN 14:26

Nye Wa e nye a amying hte shangun dat na ra ai, Shalan Shabran ai wa ngu ai, Chyoi pra ai Wenyi gaw, nanhte hpe lam magup sharin ya nna, ngai nanhte hpe tsun da ai ga yawng mayawng, nanhte hpe shadum jahprang ya na ra ai.

YAWHAN 15:26

Nye Wa kaw nna, nanhte hpang de ngai shangun dat ya na ring ngai, Shalan Shabran ai wa ngu ai, Wa kaw nna pru sa ai tengman ai a Wenyi du jang, shi gaw nye a lam sakse hkam ya na ra ai.

YAWHAN 5:44

Shada da jaw ai arawng sadang hkam la nna, langai sha rai nga ai Karai Kasang e jaw ai arawng sadang hpe n tam ai ni, nanhte wa mi, kaning rai kamsham lu na myit ta?

YAWHAN 8:43

Ngai tsun ai lam nanhte hpa rai n chye na myit ta? Nye a ga n madat la lu ai majaw, rai nga myit dai.

KASA 16:14

Shaloi, Karai Kasang hpe nawku ai, Htuatira mare na, sumpan hkyeng dut ai num, Ludi ngu ai jan anhte a ga na la nna, Pawlu tsun dan ai lam hpe madat mara u ga nga, Madu gaw shi a myit hpaw ya wu ai.

KASA 17:18

Dai rai nna, Epikuri lam hte Sto-i lam hkan ai hpaji sara ni nkau mi, shi hte dangrang hkat ma ai rai nna, nkau mi gaw, “Ndai baw law ai wa hpa tsun mayu nga ai kun?” nga nna mung, nkau mi gaw, “Hpara kaga ni a lam tsun dan ai wa rai sam ai,” nga nna mung, tsun shajang ma ai: dai gaw, shi Yesu a lam hte bai hkrung rawt wa ai lam tsun dan ai majaw rai nga ai.

KASA 17:32

Si sai ni bai hkrung rawt ai nga ai lam na jang, nkau mi gaw jahpoi asawng ma ai: nkau mi chyawm gaw, “Ndai lam, na a ga anhte lang mi naw madat yu na ga ai,” nga nna tsun ma ai.

KASA 18:15

rai timung, aga sumtu lam, amying shingjawng lam hte, nanhte a tara lam sha tsun hkat ai rai yang gaw, nanhte dai nanhte yu la mu: dai zawn re ai amu a matu ngai tara agyi n tai mayu nngai,” ngu nna Yuda masha ni hpe daru kau wu ai.

KASA 25:19

shanhte a nawku htung lam hte, si mat sai, Yesu ngu ai wa langai mi a lam sha, shi hte dangrang hkat ma ai; dai Yesu gaw naw hkrung nga ai, nga nna Pawlu a tsun nga ai.

1 KORINHTU 1:18

Kaning rai nme law, dai wudang a sumtu aga lachyum gaw sum mat hkrum ai ni a matu, angawk angak ga rai nga ai; rai timung, dai gaw hkye hkrang la hkrum ai anhte a matu mara, Karai Kasang a atsam rai nga ai.

1 KORINHTU 1:21

Kaning rai nme law, Karai Kasang hpaji daw ai hte maren, mungkan ga gaw tinang a hpaji byeng-ya hte Karai Kasang hpe n chye lu ai majaw, angawk angak ngu ai hkaw dan ai ga hte kamsham ai ni hpe hkye hkrang la na, Karai Kasang ra ai hku rai nga ai.

1 KORINHTU 1:23

anhte chyawm gaw, Wudang hta jen da hkrum ai Hkristu a lam hkaw dan ga ai; dai wa Yuda ni a man e myit kataw shara, maigan amyu ni a man e angawk angak, rai nga ai:

1 KORINHTU 1:25

Kaning rai nme law, Karai Kasang kaw na angawk angak ngu ai gaw, masha a hpaji byeng-ya hta grau nga ai: Karai Kasang a gawng kya ai gaw, masha a n-gun lagaw hta grau nga ai.

1 KORINHTU 15:44

dinghta hkum tsawp hte gat hkai nga ai, wenyi a hkum hte bai hkrung rawt wa ai. Dinghta hkum tsawp nga ai rai yang gaw, wenyi a hkum mung nga na rai nga ai.

1 KORINHTU 15:46

Wenyi hte seng ai mahtang gaw shawng nga ai n rai, dinghta ga hte seng ai shawng nga nga ai; dai hpang wenyi hte seng ai bai nga ai.

1 KORINHTU 2:12

Anhte chyawm gaw mungkan ga a wenyi hpe hkam la saga ai n rai; Karai Kasang e anhte hpe jaw da ai chyeju hpe anhte chye lu u ga, Karai Kasang kaw na Wenyi hpe anhte hkam la saga ai:

1 KORINHTU 3:1

Ngai chyawm gaw, hpunau ni e, Wenyi myit rawng ai ni hpe zawn, nanhte hpe tsun dan lu made ai n rai; shinggyim ta naw re ai ni hte, Hkristu hta e ma chyangai hpe zawn, tsun dan yu masade ai.

YAKU 3:15

Shing re ai hpaji byeng-ya chyawm gaw, ntsa de nna yu hkrat wa ai hpaji byeng-ya n rai; dai gaw, dinghta ga a, ashu ashan a hte ji nat a hpaji byeng-ya hkrai rai nga ai.

1 YAWHAN 2:20

Nanhte mahtang gaw dai Chyoi Pra ai wa kaw na nam man chya ai chyeju hpe hkam la lu myit dai rai nna, yawng mayawng hte hpe chye lu myit dai.

1 YAWHAN 2:27

Nanhte hta chyawm gaw, shi kaw nna nanhte lu la ai nam man chya ai chyeju gaw, anga nga ai rai nna, kadai wa mi nanhte hpe sharin shaga lu na shara n nga ai. Rai timung, shi a namman chya ai chyeju gaw, lam shagu hta e nanhte hpe sharin shaga nga ai hte, dai gaw tengman nga ai rai nna, masu ai hpa n lawm ai sha, nanhte hpe sharin shaga nga ai hte maren, shi hta e nanhte anga nga myit dai.

1 YAWHAN 5:20

Dai hta kaga, Karai Kasang a Kasha du wa sai rai nna, dai tengman ai wa hpe chye chyang lu na myit, shi anhte hpe jaw da mi ai gaw, anhte chye nga ga ai: dai tengman ai wa hta e, ngu ai, shi a Kasha Yesu Hkristu hta e, anhte anga nga ga ai. Dai wa gaw, tengman ai Karai Kasang hte, n htum n wai asak mung, rai nga ai.

YUDA 1:19

Dai masha ni gaw, hpawng shingra sharun ai ni, wenyi kata ai tuk shamak re ai ni, rai nga ma ai.