1 KORINHTU 2:10 - Jinghpaw Hanson Version Bible

¹⁰ Karai Kasang chyawm gaw, Wenyi a lata hte ndai lam hte hpe anhte kaw shapraw shadan dan mi ai: kaning rai nme law, dai Wenyi gaw Karai Kasang a sung htum ai kaw du hkra, yawng mayawng hte hpe manaw yu nga ai.

Jinghpaw Common Language Bible 2009

¹⁰ Karai Kasang chyawm gaw shi a Wenyi hku nna shi a makoi magap da ai lam anhte hpe shapraw shadan dan mi ai. Dai Wenyi gaw arai yawng mayawng hpe sha n rai, Karai Kasang a sung htum ai hte makoi magap da ai shatawng shada ai lam ni hpe pyi manaw sawk yu nga ai.

1 KORINHTU 2:10 ပူးပေါင်းရင်းမြစ်များ

YOBA 12:22

Asin amang hta na, sung htum ai arai shi shadan dan nna, si ai shingnip hpe nhtoi hta shapraw dan wu ai.

ESAIA 48:16

Ngai hpang de sit sa nna, ndai ga madat mara mu; ngai gaw npawt kaw nna mayun e tsun ai n rai: byin pru ai shani kaw nna ngai lawm nga nngai; ya mung Madu Yehowa hte shi a Wenyi ngai hpe shangun dat nngai.

ESAIA 59:21

Bai Yehowa gaw, “Ngai shanhte hte tawn da ai, nye a ga shaka gaw, da ndai rai nga ai: na ntsa e dung ai nye a wenyi mung, na n-gup hta ngai bang da ai nye a sumtu ga mung, na a n-gup hta na mung, na nshu nsha ni a n-gup hta na mung, na a shu mashi shu masha ni a n-gup hta na mung, ya kaw nna htani htana prat du hkra, htum mat na n rai,” nga nna Yehowa tsun ai.

Daniela 2:22

shi gaw, sung htum ai hte makoi magap da ai lam ni hpe, shapraw dan wu ai; nsin hta rawng marawng hpe shi chye nna, nhtoi gaw shi hte rau shanu nga ai.

AMO LAIKA (AMOS) 3:7

Gaja wa, Madu Yehowa gaw, shi myit maw ai lam, shi a shangun ma myihtoi ni hpe garai n shapraw dan yang, hpa mung galaw na n rai.

MAHTE 13:11

Shi htan nna, “Sumsing lamu a mungdan a sung htum ai lam ni hpe chye na shara, nanhte a matu hku nga malit dai; wora ni a matu chye na shara n hku malu ai.

MAHTE 16:17

Dai rai nna Yesu gaw, “Bara-Yona Simun e, nang a lu ndai: ashan hte asai gaw, nang hpe dai madun dan ai n rai; sumsing lamu e nga ai nye a Wa gaw dai hpe madun dan da ndai.

LUKA 10:21

Dai ahkying hta Yesu gaw Chyoi pra ai Wenyi hta kabu nna, Sumsing lamu hte ginding aga a Madu, Wa e: hpaji byeng-ya rawng ai ni hte myit kunghpan ai ni kaw na, ndai lam ni hpe nang makoi magap da nhtawm, ma kaji ni hpe madun dan ndai majaw, ngai nang hpe shakawn kungdawn nngai: rai sa, Wa e, dai gaw nang tsaw ai hku rai nga lit dai.

LUKA 2:26

Shi gaw, dai Madu a Hkristu hpe garai n mu yang, si na n rai, nga nna Chyoi pra ai Wenyi hte madun dan ai lu la wu ai.

YAWHAN 14:26

Nye Wa e nye a amying hte shangun dat na ra ai, Shalan Shabran ai wa ngu ai, Chyoi pra ai Wenyi gaw, nanhte hpe lam magup sharin ya nna, ngai nanhte hpe tsun da ai ga yawng mayawng, nanhte hpe shadum jahprang ya na ra ai.

YAWHAN 16:13

Rai timung, dai tengman ai Wenyi du sa jang, shi gaw tengman ai lam yawng mayawng nanhte hpe madun na ra ai: dai wa gaw shi a myit hte tsun na ra ai n rai; na la lu ai hte made tsun dan na ra ai: htawm hpang de byin na ra ai lam mung, shi nanhte hpe tsun dan na ra ai.

1 KORINHTU 14:30

Rai timung, rau dung nga ai wa kaga kaw shingran ga pru a yang gaw, shawng na wa atsin sha nga u ga.

1 KORINHTU 2:11

Masha hta rawng ai wenyi sha n rai yang gaw, masha hte seng ai hte hpe kadai wa chye lu a ta? Dai hte maren, Karai Kasang a Wenyi sha n rai yang gaw, Karai Kasang hte seng ai hte hpe gade ai mung n chye lu nga ai.

GALATI 1:12

Kaning rai nme law, masha kaw na ngai dai hpe hkam la nngai n rai; sharin achyin ya ai hte mung ngai n hkam la ai sha, Yesu Hkristu a shingran ga hte nan hkam la nngai.

EHPESU 3:3

Karai Kasang kaw na pru nna, nanhte a matu mara ngai hpe jaw da ai chyeju aya a lam, nanhte naw na yu taw gaw;

EHPESU 3:5

dai lam chyawm gaw, dai kabu gara shiga a marang e, Hkristu Yesu hta e, maigan amyu ni gaw Yuda ni hte rau, ga ndat a sali wunli hkam la lu nna, shanhte hte rau hkumhkrang langai sha hte, ga ndat ni hpe jawm lu jawm la ai ni rai nga ma ai hpe,

1 TIMOHTI 4:1

Rai timung, htawm hpang prat e nkau mi gaw makam masham lam hta na htak wa nhtawm, masu magaw ga tsun ai hpyi hpun ai ni a marang e

1 PETRU 1:12

Kaning rai nme law, ndai shanhte daw ai amu hte gaw, tinang a matu n re ai sha, nanhte a matu rai nga ai hte, sumsing lamu de na shangun dat ai Chyoi pra ai Wenyi a ahkang hte, kabu gara ai shiga, nanhte hpe hkaw dan ai ni, ya nanhte hpe gawn dan lu na amu rai nga ai gaw, shanhte hpe mung madun dan manu ai: dai amu hte hta lamu kasa ni mung, azi yu mayu nga ma ai.

1 YAWHAN 2:20

Nanhte mahtang gaw dai Chyoi Pra ai wa kaw na nam man chya ai chyeju hpe hkam la lu myit dai rai nna, yawng mayawng hte hpe chye lu myit dai.

1 YAWHAN 2:27

Nanhte hta chyawm gaw, shi kaw nna nanhte lu la ai nam man chya ai chyeju gaw, anga nga ai rai nna, kadai wa mi nanhte hpe sharin shaga lu na shara n nga ai. Rai timung, shi a namman chya ai chyeju gaw, lam shagu hta e nanhte hpe sharin shaga nga ai hte, dai gaw tengman nga ai rai nna, masu ai hpa n lawm ai sha, nanhte hpe sharin shaga nga ai hte maren, shi hta e nanhte anga nga myit dai.

SHINGRAN 1:1

Da ndai gaw, ahkying ladaw gade n na yang, byin wa na ra ai lam ni hpe, Hkristu a shangun ma ni e madun dan na matu, Karai Kasang gaw dai Madu hpe jaw dat ai, Yesu Hkristu a shingran ga rai nga ai; dai Madu gaw shagun dat nna shi a lamu Kasa a lata hte shi a shangun ma Yawhan hpe dai shingran ga shadan dan wu ai:

SHINGRAN 2:24

Dai hta kaga, masha ni shamying dam ai, Satan a sung htum ai lam hpe n chye n chyap ma ai hte, dai sharin shaga ai lam hpe n hkan nang ai, Htuatira mare hta naw ngam nga ai ni nanhte hpe ngai tsun made ai gaw, Ngai nanhte hta lit kaga naw n shajat na ni ai: