1 KORINHTU 16:2 - Jinghpaw Hanson Version Bible

² Ngai sa du ai shaloi e lahkawn shara n nga nga la u ga, bat shagu na shawng shani hta e, langai hte langai ngamu ngamai ai hte maren, tinang a alu mahkawng da nga ma la.

Jinghpaw Common Language Bible 2009

² Ngai sa du ai shaloi alu gumhpraw kaga mi n lahkawn ra u ga, Laban shani shagu nanhte langai hte langai gaw tinang a ngamu ngamai ai made hta na alu gumhpraw ni hpe garan mahkawng da nga mala.

1 KORINHTU 16:2 ပူးပေါင်းရင်းမြစ်များ

NINGPAWT NINGHPANG 26:12

Ya, Isak gaw dai mung e yi galaw wu ai rai nna, dai shaning hta htam latsa lu la wu ai: Yehowa mung shi hpe shaman ya wu ai:

NINGPAWT NINGHPANG 30:27

Shaloi Laban gaw, Na a man e ngai myi man pa ni ai rai yang gaw naw hkring et; na a majaw Yehowa ngai hpe shaman ya ni ai, ngu nna ngai dum nga nngai:

NINGPAWT NINGHPANG 30:30

Ngai garai n du yang na a sutgan loi sha mi rai lit dai; ya chyawm gaw law law wa jat wa salit dai: ngai galaw ai lam shagu hta Yehowa nang hpe shaman ya nit dai: ya mung nye a nta a matu ngai galoi ai me shachyip lu na rai nga a ta? ngu nna tsun wu ai.

NINGPAWT NINGHPANG 32:10

Bai Yaku gaw, Ngai ji Abraham a Karai Kasang, ngai wa Isak a Karai Kasang, ngai hpe, Na a buga, na a baw sang ni hpang de bai wa nu, ngai nang hpe ngamu ngamai shangun na de ai, nga nna tsun ai Yehowa e:

NINGPAWT NINGHPANG 33:11

nang kaw du ai nye a kumhpa gaw she hkap la u; Karai Kasang ngai hpe chyeju jaw ni ai rai nna, nye a matu gaw law nga li ai, nga nna agaw ya wu ai majaw, dai hpe hkap la wu ai.

2 HKAWHKAM LABAU 31:10

Zadok a dap lakung na hkinjawng Agyi Azaria gaw, Mung masha ni gaw dai kumpaw kumhpa hpe, Yehowa nta hta jashawn ai shani kaw nna, anhte sha law ai hta n-ga, law law naw ngam nga ai: Yehowa gaw shi a amyu masha ni hpe shaman ya mu ai rai nna, naw ngam nga ai gaw, ndai arung arai ni rai nga ai, nga ai.

MARKU 14:8

Shi gaw rai lu ai hte maren galaw nu ai; lup makoi na matu, shi nye a hkum hpe hkap chya ya ni ai.

LUKA 16:10

Amu kaji hta kangka re ai wa gaw, amu kaba hta mung kangka rai na ra ai: amu kaji hta n ding n man ai wa gaw, amu kaba hta mung n ding n man ga ai.

LUKA 24:1

Rai timung, hpang na nhtoi bat shawng shani na nhtoi mahka de, shanhte gaw lajang da ai manam pyaw ai baw la gun nna, lup de sa wa ma ai.

YAWHAN 20:19

Dai re ai majaw, dai nhtoi bat shawng shani na nsin rim e, Yuda masha ni hpe hkrit ma ai majaw, sape ni nga ai nta e chyinghka ni la kau ma sayang, Yesu sa du nna shanhte a ka-ang e tsap let, “Nanhte ngwipyaw nga myit ga,” ngu nna shanhte hpe tsun wu ai.

YAWHAN 20:26

Dai hpang matsat ya rai jang, sape ni gaw nhku e bai rawng nga ma ai rai nna, Htawma mung shanhte hte rau rai nga ai. Chyinghka la da nga yang, Yesu sa du nna shanhte a ka-ang e tsap let, “Nanhte ngwipyaw nga myit ga law,” ngu wu ai.

KASA 20:7

Ya nhtoi bat a langai ya ngu na shani e, muk ahkyep na matu anhte zuphpawng nga yang, Pawlu gaw hpang jahpawt pru na maw ai majaw, sape ni hpe sharin shaga let, yuptung tung hkra ga tsun galu nga ai.

2 KORINHTU 8:10

Ndai lam hta nye a mung sumtu ngai madun nga nngai: kaning rai nme law, maning nna pyi galaw hpang ai hta n-ga, galaw mayu ai myit shawng madun ai ni, nanhte rai nga myit dai majaw, dai gaw nanhte a matu sut nga malit dai.

TARA JAHPRANG 8:18

Na a Karai Kasang Yehowa hpe chyu sha dum nga lu na rai ndai: kaning rai nme law, na a nji nwa ni e dagam da ai ga shaka hpe, dai ni rai nga ai hte maren shagrin da na nga, Karai Kasang gaw sutgan lu su chye ai atsam nang hpe jaw nit dai.

SHINGRAN 1:10

Dai Madu a nhtoi hta e Wenyi hta ngai nawng mat wa ai rai nna, Nang mu ai hte maren laika hta ka la nhtawm, Ehpesu, Samurna, Pergamu, Htuatira, Sardi, Hpiladehpi hte Ladoki mare ni hta nga ai,