1 KORINHTU 16:18 - Jinghpaw Hanson Version Bible

¹⁸ ngai hte nanhte a wenyi hpe shangwi shapyaw ya mi ai. Dai rai nna shing re ai ni hpe dum sha-a nga mu.

Jinghpaw Common Language Bible 2009

¹⁸ Shanhte gaw nanhte a myit hpe shangwi shapyaw ai zawn, nye a myit hpe mung shangwi shapyaw ya mi ai. Shing re ai masha ni gaw, masat masa galaw ai lam hkam la ging nga ma ai.

1 KORINHTU 16:18 ပူးပေါင်းရင်းမြစ်များ

GA SHAGAWP 25:13

Mam dan ai aten hta hkyen a majaw katsi ai zawn, Kangka re ai kasa gaw, shangun dat ai wa a matu rai nga ai: Shi gaw madu ni a myit hpe shakawp ya na ra ai.

GA SHAGAWP 25:25

Sumtsan mung na du ai kabu gara shiga gaw, Hpang kara ai wa a matu, katsi ai ntsin zawn, rai nga ai.

ROMA 15:32

Karai Kasang kaw nye a matu mara akyu hpyi let, nanhte gaw ngai hte rau shingjawng nga na, anhte a Madu Yesu Hkristu a marang e mung, Wenyi a tsawra ai a marang e mung ngai nanhte hpe shadut shahkat dat made ai.

2 KORINHTU 7:13

Dai lam hta e anhte shangwi shapyaw ai hkam ga ai. Anhte a shangwi shapyaw ai hkam lu ga ai hta n-ga, Titu a kabu gara ai lam majaw grau nna kabu gara nga ga ai; kaning rai nme law, nanhte nlang a majaw shi a wenyi kabu awng nga ai.

KOLOSE 4:8

nanhte gaw anhte a lam chye lu nna, nanhte a myit masin hpe shangwi shapyaw ai hkrum lu malit ga, ndai lam a majaw nan, ngai shi hpe nanhte hpang de shangun dat se ai.

1 HTESALONI 5:12

Dai hta kaga, hpunau ni e, nanhte hta bungli gun hpai nna, dai Madu hta nanhte a ntsa e up nga ai hte, nanhte hpe shadum jahprang nga ai ni hpe adum nga nna,

HPILEMON 1:20

Rai sa, hpunau wa e, na a majaw, dai Madu hta, ngai kabu gara nga lu n-ga; Hkristu hta e nye a myit masin hpe shangwi shapyaw ya rit.

HPILEMON 1:7

Kaning rai nme law, hpunau wa e, na a marang e chyoi pra ai ni a myit masin shalan shabran hkrum lu ai majaw, na tsawra myit hta ngai grai wa kabu gara ai hte shangwi shapyaw hkrum nngai.

HEBRE 13:7

Karai Kasang a mungga nanhte hpe tsun dan ai, nanhte a lam woi ningshawng ni hpe, adum nga mu: shanhte prat lai hkra hkan wa sai lailen ningli hpe myit sumru yu nna, shanhte a kamsham ai hpunda hkap hkra, hkan sharau nga mu.

3 YAWHAN 1:4

Ngai shu ngai sha ni gaw, dai tengman ai lam hta hkan hkawm ma ai hpe, ngai na lu ai kabu gara ai shara hta, grau nna kabu gara ai shara ngai n lu nngai.