1 KORINHTU 16:16 - Jinghpaw Hanson Version Bible

¹⁶ nanhte gaw shing re ai ni a npu e mung, shingdep shingtau ai ni hte, bungli gun hpai ai ni nlang hte a npu e mung, a taw nga mu.

Jinghpaw Common Language Bible 2009

¹⁶ Hpu nau ni e, shing re ai ni a woi awn ai lam hpe mung, shanhte hte rau shingdep shingtau nna amu bungli galaw daw jau nga ai ni a woi awn ai hpe mung, hkap la hkan sa na matu, nanhte hpe ngai hpyi nem dat made ai.

1 KORINHTU 16:16 ပူးပေါင်းရင်းမြစ်များ

1 HKAWHKAM LABAU 12:18

Shaloi marai sumshi a agyi Amasai a ntsa e Wenyi dung nga nna, Dawi e, na a masha ni anhte rai nga ga ai; Yese a kasha e, nang hpang maga anhte lawm nga ga ai. Na a Karai Kasang nang hpe Karum ai majaw, “Nang hta ngwi ngwipyaw pyaw rai nga u ga law; Nang hpe karum ai ni mung ngwipyaw nga mu ga law,” ngu nna htan wu yang, Dawi shanhte hpe hkap hkalum la nhtawm, luksuk ni a bu aya dang da mu ai.

HPAJI NINGLI 1:3

Shinggyim masha gaw jan a npu e shachyen ai amu bungli yawng hta na, hpa akyu hkam la lu a ta?

ROMA 16:12

Dai Madu a bungli gun hpai ai Truhpena hte Truhpawsa hpe shakram ya mi. Dai Madu hta e grai wa shakut sharang ai, tsawra ai Persi hpe shakram ya mi.

ROMA 16:3

Ngai hte rau Yesu Hkristu a amu shingtau ai Priska yan Akula hpe shakram ya mi;

ROMA 16:6

Nanhte a matu mara grai wa shakut sharang yu sai Mari hpe shakram ya mi.

ROMA 16:9

Anhte hte rau Hkristu a amu shingtau ai Orban hte, ngai tsawra ai Staku hpe shakram ya mi.

1 KORINHTU 12:28

Karai Kasang chyawm gaw nkau mi hpe dai Hpung hta e, langai ngu na hta kasa ni, lahkawng ngu na hta myihtoi ni, masum ngu na hta sara ni, dai hpang e lamik kumla galaw ai ni, dai hpang e machyi makaw shamai shatsai na chyeju lu ai ni, shingdep shingtau ai ni, salang bawmung ni hte ga amyu myu chye tsun ai ni, san tawn da manu ai.

1 KORINHTU 3:9

Anhte chyawm gaw Karai Kasang a shingdep shingtau ni rai nga ga ai: nanhte gaw Karai Kasang a yi hkauna hte, Karai Kasang a wahpang htingnu, rai nga myit dai.

EHPESU 5:21

Hkristu hpe hkrit kamyin ai hte nanhte shada da a npu e a taw nga mu.

HPILIPI 4:3

Nye a nrum ntau majing e, dai num yan hpe hkap tau la na, ngai nang hpe mung hpyi nngai; shan gaw Klemen hte, asak jahpan laika hta tinang a amying lawm ai nye a shingdep shingtau shaje ni hte, dai kabu gara shiga hta, ngai hte rau bungli galaw ma ai.

1 HTESALONI 1:3

anhte a Kawa Karai Kasang a man e, nanhte a makam masham a bungli mung, tsawra ai myit majaw magam shachyen ai mung, anhte a Madu Yesu Hkristu a myit mada ai lam a shakut sharang ai hpe mung, anhte n sim n sa adum nga ga ai.

1 HTESALONI 2:9

Dai hta kaga, hpunau ni e, anhte a amu bungli hte atsu atsam hpe nanhte naw dum nga myit dai: nanhte hta langai mi hpe mung lit n shagun u ga, shani shana bungli galaw let, Karai Kasang a kabu gara shiga anhte nanhte hpe hkaw dan ga ai.

1 HTESALONI 5:12

Dai hta kaga, hpunau ni e, nanhte hta bungli gun hpai nna, dai Madu hta nanhte a ntsa e up nga ai hte, nanhte hpe shadum jahprang nga ai ni hpe adum nga nna,

1 TIMOHTI 5:17

Atsawm sha up nga ai Hpung salang ni hpe hkungga lara shagup na ging nga ai hta, dai mungga hte sharin shaga ai lam hta amu bungli gun hpai ai salang ni hpe, grau nna hkungga lara ging nga ai, dum nga mu.

HEBRE 13:17

Nanhte a lam woi ningshawng ni a ga madat mara nna, shanhte a npu e taw nga mu: kaning rai nme law, shanhte gaw jahpan dan na ni rai ma ai rai nna, nanhte a myit masin a matu mara a maja nga ma ai: jahpan dan ai shaloi e, nanhte a matu akyu n shabyin lu ai yawn madai ai hte n rai, kabu gara ai myit hte dan lu mu ga, shanhte a npu e taw nga mu.

HEBRE 13:24

Nanhte a lam woi ningshawng ni nlang hte hte, chyoi pra ai ni yawng mayawng hte hpe, shakram ya mi: Itali mung na ni, nanhte hpe shakram dat ma ai.

HEBRE 6:10

Kaning rai nme law, nanhte chyoi pra ai ni hpe galaw daw manit dai hta n ga, galaw daw dingyang rai nga let, Karai Kasang a mying nsang a matu magam bungli gun hpai nna tsawra ai myit madun ai lam hpe, malap kau ya na gaw, shi n ding n hpring nga ai, n rai.

1 PETRU 5:5

Dai hte maren, brang ram ni e, salang ni a npu e a taw nga mu. Dai hta n-ga, nanhte nlang shada da daw nga myit ga, myit gyip ngu ai hpajet hpe kyit nga mu: kaning rai nme law, “Karai Kasang gaw gumrawng ai ni hpe shadang da timung, myit gyip ai ni hpe chyeju jaw mu ai law.”

3 YAWHAN 1:8

Dai re ai majaw, dai tengman ai lam hta e anhte mung shingdep shingtau tai lu na, dai zawn re ai masha hpe anhte hkap hkalum la na mai nga ga ai.

SHINGRAN 2:3

Nang shakut sharang nga nna, nye a amying nsang a matu mara tsin-yam tsindam hkam ai hte, nang n hki n ba nga ndai.