1 KORINHTU 16:11 - Jinghpaw Hanson Version Bible

¹¹ Dai re ai majaw kadai mung shi hpe n gawn n sawn, n di u ga. Ngai hpang de shi bai wa lu u ga, shi hpe apyaw sha sa dat mu; hpunau ni hte nawng shi wa na ra ai hpe, ngai ala nga na nngai.

Jinghpaw Common Language Bible 2009

¹¹ Kadai mung shi hpe n gawn n sawn n di u ga, shi a hkrun lam hpe angwi apyaw sha matut hkawm sa wa lu u ga, nanhte shi hpe karum madi shadaw dat lu na rai myit dai; shing rai Hkristan hpu nau ni hte rau, ngai hpang de bai du sa wa na ra ai, ngu nna ngai myit mada ala nga nngai.

1 KORINHTU 16:11 ပူးပေါင်းရင်းမြစ်များ

LUKA 10:16

Nanhte a ga madat ai wa gaw, nye a ga madat ai mung, rai nga ai. nanhte hpe gang kau ai wa gaw, ngai hpe mung gang kau ai, rai nga ai: ngai hpe gang kau ai wa gaw, ngai hpe shangun dat ai wa hpe mung, gang kau ai rai nga ai,” ngu nna tsun dat mu ai.

KASA 15:3

shing rai Hpung masha ni shanhte hpe sa sa jang, shanhte gaw Hpinisi mung hte Samari mung ga sa wa let, maigan masha ni a myit malai ai lam hkai dan nna, hpunau ni yawng mayawng hpe grai kabu shangun mu ai.

KASA 15:33

Dai yang e tawng marang mi na hkra nga nga ai hpang, shanhte hpe shangun dat ai hpunau ni hpang de, ngwipyaw ai hte bai shabawn dat mu ai.

1 KORINHTU 16:10

Timohti nanhte kaw du dam a yang gaw, shi n hkrit ai sha nanhte hte rau nga nga lu u ga, yu yu nga mu; kaning rai nme law, shi gaw ngai hte maren dai Madu a magam bungli hpe gun hpai nga ai.

1 KORINHTU 16:6

ngai gade pru hkawm rai timung, nanhte ngai hpe hkan sa dat lu myit ga, ngai nanhte hte rau hkring nga lu nna, kashung ta pyi naw lai lu nhten.

2 KORINHTU 1:16

nanhte a makau hku hprang let Makedoni mung de sa nhtawm, Makedoni kaw na nanhte hpang de bai wa nna, nanhte ngai hpe Yuda mung de hkan sa dat mi ga, ngai myit da nga nngai.

1 HTESALONI 4:8

Dai rai nna, n kaw n law re ai wa kadai mung, masha hpe n rai, nanhte hta shi a Chyoi pra ai Wenyi jaw ya ai Karai Kasang hpe n kaw n law di da wu ai.

1 TIMOHTI 4:12

Na a brang ram prat e, nang hpe kadai mung n shatan u ga: tsun ai ga hte mung, arawn alai hte mung, tsawra ai hte mung, kamsham nna chyoi pra ai hte mung, kamsham ai ni a matu mara, kasi kamang tai nga u.

TITU 2:15

Ndai lam ni hpe ahkang aya hkum hkum hte tsun dan u, shadum jahprang nna daru sharin nga u: kadai mung nang hpe n gawn n sawn n rai mu ga.

3 YAWHAN 1:6

shanhte mung, na a tsawra ai lam hpe Hpung ni a man e sakse hkam ma ai; Karai Kasang a man e ging dan ai hku hte maren, shanhte hpe naw sa dat mu yang gaw, nang kaja ai amu galaw na ndai: