1 KORINHTU 15:32 - Jinghpaw Hanson Version Bible

³² Ngai gaw Ehpesu mare hta e masha ni zawn, matse labye hte gasat nngai rai timung, nye a matu hpa akyu nga a ta? Si mat ai ni bai n hkrung rawt wa na rai yang gaw, anhte sha ga, lu ga, hpawt ni she si na ga ai.

Jinghpaw Common Language Bible 2009

³² Lama wa ngai shinggyim masha a maw mawn ai myit hte sha mungkan akyu hpe myit mada let Ehpesu Mare na matse labye dusat ni hte gasat hkat nngai rai yang gaw, nye a matu hpa akyu nga na a ta? Si mat ai ni bai n hkrung rawt wa na rai yang gaw, masha ni tsun ga ai ga, “Anhte lu ga, sha ga, pyaw pyaw rai nga ga, hpawt ni anhte si na ga ai,” nga ai hte maren sha rai na rai nga ai.

1 KORINHTU 15:32 ပူးပေါင်းရင်းမြစ်များ

YOBA 35:3

Ngai yubak galaw tim’ maren akyu lu la na, n rai ni?” nga nna nang tsun ai gaw, tara hku re ai, nawn da wu ni?

SHAKAWN KUNGDAWN 73:13

Gaja wa, ngai gaw nye a myit kaman sha shapra nga nna, Nye a lata hpe, mara n kap hkra, kashin kau we ai.

HPAJI NINGLI 11:9

Shabrang wa e, na a brang ram prat e kabu gara nga u; brang ram aten e na a myit masin ngwipyaw nga nna, nang myit sharawng awng ai hte, na a myi madun ai de, hkan sa u; rai timung, dai lam yawng mayawng a matu, Karai Kasang nang hpe tara dara na ra ai, adum nga u.

HPAJI NINGLI 2:24

Masha gaw shi a amu bungli galaw let, lusha nna myit pyaw nga lu ai hta, grau kaja ai gaw nga lu ai n rai; dai mung Karai Kasang a lata kaw na rai nga ai hpe ngai mu chye nngai.

ESAIA 22:13

yu mu, shanhte gaw, pyaw pyaw ngawn ngawn, kabu gara nga let, “Sha ga, lu ga, hpawt ni she si na ga ai,” nga nna sagu dumsu sat ai hte shan sha, tsabyi jahku lu rai ma hka.

ESAIA 56:12

shanhte gaw, “Sa marit, ngai tsabyi jahku shapraw la nna, anhte chyaru nang hkra lu ga; hpawt ni mung dai ni zawn rai na ra ai; dai hta grau nna pyi pyaw na ra ai,” nga nna tsun ma ai.

LUKA 12:19

nye a myit masin hpe ning ngu na we ai, ‘Myit masin e, law law ning a matu arai kaja law law nang shinggyin da nit dai: asan apan rai nga nu, lu nu, sha nu, pyaw pyaw rai nga nu’ ngu na we ai,” nga ai.

LUKA 9:25

Masha gaw, ndai mungkan ting hpe madu lu da nna, tinang dai hten byak sum mat yang gaw, shi a matu hpa akyu nga lu ta?

KASA 18:19

Shaloi shanhte Ehpesu mare de du nna, shi shan hpe dai yang e jahka tawn da mu ai: shi chyawm gaw tara jawng de shang nna, Yuda ni hte tsun hkat nga ai.

KASA 18:21

Karai Kasang hkraw yang gaw, ngai nanhte hpang de bai du na ring ngai,” ngu nna shanhte hpe shakram da nhtawm, Ehpesu kaw na li hte pru mat wa ai.

KASA 19:1

Ya Apolo Korinhtu mare e nga nga yang, Pawlu gaw lahta mung hku ga sa wa nna, Ehpesu mare de du ai: dai yang shi sape nkau mi hpe hkrum ai rai nna,

ROMA 3:5

Ya, anhte a n ding n hpring ai gaw, Karai Kasang a dinghpring ai hpe shapraw shadan dat a yang gaw, anhte kaning ngu tsun na rai ta? pawt bu ari jaw ai Karai Kasang gaw n ding n hpring na, n rai ni? (shing nga ai gaw, masha a hku hkan nna sha tsun nngai;)

ROMA 6:19

Nanhte gawng shingma kya nga myit dai majaw, masha a hku hkan nna sha ngai tsun nngai: kaning rai nme law, n tara ai bungli galaw u ga, nanhte a daw shan ni hpe awu asin re ai hte n tara ai a mayam ni tai na, nanhte ap kau manit dai hte maren, chyoi pra ai lu la hkra, dinghpring ai a mayam ni tai na, nanhte a daw shan ni hpe ya e ap ya mu.

1 KORINHTU 16:8

Dai Pentekoti poi du hkra, Ehpesu mare hta e ngai naw anga nga na nngai.

GALATI 3:15

Hpunau ni e, masha myit ai hku hkan nna ngai tsun n ga: Masha e gaw da ngut sai ga ndat jahpan hpe pyi, kadai mung lai kau lu ai n rai, kadai mung dai hta set jat lu ai n rai.

2 PETRU 2:12

Dai masha ni mahtang gyit hkang la nna, jahten shabya na matu mara myit n leng ai ashu ashan ni zawn pra wa ai ni nan, rai nga ma ai; n chye n chyang ai hpa lam hpe mung shanhte shatan nhkan mu ai rai nna, tinang ni e jahten shabya di ai lam hta jahten shabya ai hkrum na hte, n ding n man ai amu a matu mara n ding n man ai shabrai hkam la na maru ai.

YUDA 1:10

Dai ni mahtang gaw, shanhte n chye n chyang ai hpa lam hpe mung, shatan nhkan nga ma ai; myit n leng ai ashu ashan ni zawn, tinang myit hte chye na lu ai lam hta pyi, tinang dai tinang hkum hpe jahten shabya kau mu ai.