1 KORINHTU 15:2 - Jinghpaw Hanson Version Bible

² ngai nanhte hpe tsun dan yu ai mungga hpe nanhte a manat nga nna, kaman lila sha kamsham ai n rai myit yang gaw, de a jaw e mung nanhte hkye hkrang la ai hkrum myit dai.

Jinghpaw Common Language Bible 2009

² Dai Kabu Gara Shiga gaw ngai nanhte hpe hkaw dan yu sai mungga rai nga ai. Nanhte gaw dai Kabu Gara Shiga hpe ngang ngang kang kang kam sham manoi manat ai rai yang, nanhte hkye hkrang la ai hkrum na rai nga ai. Dai n rai yang nanhte a kam sham ai gaw kaman lila kam sham ai lam sha rai na rai nga ai.

1 KORINHTU 15:2 ပူးပေါင်းရင်းမြစ်များ

GA SHAGAWP 23:23

Tengman ai hpe mari la u, hkum dut kau et; Hpaji byeng-ya, sharin achyin ai hte chye chyang ai hpe mung, mari la u.

GA SHAGAWP 3:1

Ngai sha e, nye tara hpe hkum malap kau et; Na a myit masin gaw, ngai htet da ai ga hpe matsing u ga.

GA SHAGAWP 4:13

Sharin achyin ai lam hpe manat nga u; dai hpe hkum dat dat u; Dai gaw na a asak rai nga ai majaw, sin da u.

LUKA 8:13

Nlung hta nga ai ni gaw, dai mungga hpe na jang, kabu gara ai myit hte hta la ai rai timung, ru n jung ma ai majaw, tawng marang mi sha kamsham nhtawm, gunglau hkrum ai nhtoi hta e bai htak mat wa ai ni rai ma ai.

KASA 2:47

Karai Kasang hpe shakawn kungdawn let, kabu gara ai hte myit tsup rai lusha shahpa sha ma ai; masha mahkra a man e mung myi man pa lu ma ai. Dai Madu mung, hkye hkrang la hkrum ai ni hpe, shani shagu shanhte hta jat wa shangun ya mu ai.

KASA 8:13

Simun shi mung kamsham nna, baptisma hkam la ngut jang, Hpilip kaw hkan nang nga ai: lamik kumla hte mauhpa amu kaba ni shi mu jang, mau mahka mat nga ai.

ROMA 1:16

Kaning rai nme law, dai kabu gara shiga hta ngai kaya shara rawng ai n rai: dai gaw shawng nnan e Yuda ni, dai hpang e Heleni masha ni hta kamsham ai ni kadai hpe mung hkye hkrang la shangun lu ai Karai Kasang a atsam rai nga ai.

ROMA 11:22

Dai re ai majaw, Karai Kasang a chyeju hte masin ja ai hpe myit yu mu. Kataw nga ai ni a ntsa e masin ja nga ai rai nna, Karai Kasang a chyeju hta e nang naw nga nga n yang gaw, shi a chyeju na ntsa e rai nga ai, dai n rai taw gaw, nang mung krum kau ai hkrum na rin dai.

1 KORINHTU 1:18

Kaning rai nme law, dai wudang a sumtu aga lachyum gaw sum mat hkrum ai ni a matu, angawk angak ga rai nga ai; rai timung, dai gaw hkye hkrang la hkrum ai anhte a matu mara, Karai Kasang a atsam rai nga ai.

1 KORINHTU 1:21

Kaning rai nme law, Karai Kasang hpaji daw ai hte maren, mungkan ga gaw tinang a hpaji byeng-ya hte Karai Kasang hpe n chye lu ai majaw, angawk angak ngu ai hkaw dan ai ga hte kamsham ai ni hpe hkye hkrang la na, Karai Kasang ra ai hku rai nga ai.

1 KORINHTU 11:2

Nanhte gaw lam shagu hta e ngai hpe adum nga nna, ngai nanhte hpe dai matsun maroi ga madat da ai hte maren, nanhte hkan sharau myit dai majaw, ngai nanhte hpe shakawn made ai.

1 KORINHTU 15:14

Hkristu gaw bai n hkrung rawt a yang gaw, anhte a hkaw dan ai ga kaman lila rai nga ai hte, nanhte a makam masham mung kaman lila sha rai nga ai;

2 KORINHTU 2:15

Kaning rai nme law, anhte gaw hkye hkrang la hkrum ai ni hta mung, sum mat hkrum ai ni hta mung, Karai Kasang a man e Hkristu hta ngwipyaw bat rai nga ga ai:

2 KORINHTU 6:1

Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

GALATI 3:4

Ning san ai nni nkri hpe nanhte kaman sha hkam kau manu ni? gaja wa, dai gaw kaman lila mahkoi rai nga ai kun.

EHPESU 2:8

Kaning rai nme law, makam masham a marang e, chyeju hte sha, nanhte hkye hkrang la ai hkrum manit dai: dai gaw nanhte kaw na n rai, Karai Kasang a kumhpaw kumhpa sha rai nga ai:

KOLOSE 1:23

shi a si hkam ai a marang e, shi a hkumhkrang na ashan hta e shi ya e nanhte hpe htinglu htinglai ya manit dai: dai kabu gara shiga a gun hpai ai wa ngai Pawlu nan tai wa ni ai.

2 HTESALONI 2:15

Dai re ai majaw, hpunau ni e, anhte a sumtu ga hte rai timung, nanhte hkam la lu myit dai matsun maroi ga hta lahpran tsap nga nna, ting ting di nga mu.

2 TIMOHTI 1:9

Karai Kasang gaw anhte a arawn alai majaw n rai, shi hkum nan myit hpang da ai hte chyeju a majaw sha, anhte hpe hkye hkrang la nna, chyoi pra ai shaga la ai ga hte shaga da ma ni ai:

HEBRE 10:23

anhte a myit mada shara hte seng ai nawku htung hta, n shamu n shamawt hkra, anhte maju jung nga ga; kaning rai nme law, ga ndat tawn da ai wa gaw, kangka re ai wa rai nga ai:

HEBRE 2:1

Dai re ai majaw na la sai lam hta na anhte n yit mat wa u ga, dai hte hpe grau nna madat mara shara rai nga ai.

HEBRE 3:14

kaning rai nme law, anhte a myit maju jung ai a npawt nhpang hta, jahtum nhtoi du hkra ngang ngang manat nga ga yang gaw, Hkristu hte jawm hpawng ai ni anhte rai nga ga ai.

HEBRE 3:6

anhte mung, anhte a nden ja ai lam hte myit mada ai lam a gumrawng shara hpe, jahtum nhtoi du hkra ngang ngang manat nga ga yang gaw, dai nta nan rai nga ga ai.

HEBRE 4:14

Dai rai nna, sumsing lamu de hkrang shang wa sai hkinjawng agyi kaba ngu ai, Karai Kasang a Kasha Yesu gaw anhte lu ga ai majaw anhte yin la ai nawku htung hta maju jung nga ga.

YAKU 2:14

Nye a hpunau ni e, marai langai ngai, Ngai gaw makam masham rawng nga nngai, nga nna tsun nga timung, magam bungli n shachyen nga a yang gaw, hpa akyu nga a ta? Makam masham gaw dai wa hpe hkye hkrang la lu na a ni?

YAKU 2:17

Dai hte maren, makam masham hta magam bungli n lawm yang gaw, tinang dai chyasi rai nga ai.

YAKU 2:26

Kaning rai nme law, dai hkum tsawp hta wenyi n rawng a yang gaw, chyasi rai nga ai zawn, dai makam masham hta mung, magam bungli n lawm yang gaw, chyasi rai nga ai.