1 KORINHTU 15:18 - Jinghpaw Hanson Version Bible

¹⁸ Dai hta kaga, Hkristu hta e yup pyaw mat ai ni mung sum mat ai hkrum masai.

Jinghpaw Common Language Bible 2009

¹⁸ Dai hta kaga Hkristu hpe kam sham nna si mat wa ai ni mung sum mat hkrum sai lachyum rai nga ai.

1 KORINHTU 15:18 ပူးပေါင်းရင်းမြစ်များ

KASA 7:60

Bai, hput di let, “Madu e ndai mara shanhte hpe hkum shagun ya et,” nga nna nsen kaba hte jahtau wu ai: dai tsun ngut jang shi yup mat wa ai.

1 KORINHTU 15:6

dai hpang lang lata sha hpunau manga tsa jan shi hpe mu dat mu ai: shanhte hta malaw maga ya du hkra nga shajang nga ma ai; nkau mi chyawm gaw yup pyaw mat masai;

1 HTESALONI 4:15

Ndai gaw dai Madu a mungga hte anhte nanhte hpe tsun dan ga ai: dai Madu bai du sa ai shaloi e, hkrung nga ai hte naw hti ngam nga ai ni anhte gaw, yup pyaw ai ni a numshawn de loi mi pyi shawng magang lu na ga ai n rai.

1 HTESALONI 4:16

Dai Madu nan jahtau garu ai hte, lamu kasa agyi a nsen hte, Karai Kasang a pahtau dum ai hte sumsing lamu de na yu wa nna, Hkristu hta e si mat ai ni gaw shawng numshawn e rawt wa lu na mara ai;

SHINGRAN 14:13

Shaloi, “Ya kaw nna dai Madu hta si wa ai ni gaw, a lu ma ai,” ngu nna ka da u, nga ai nsen gaw sumsing lamu de na, ngai na nngai: dai Wenyi mung, “Rai sa, shanhte a amu bungli a akyu gaw, shanhte kaw hkan nang nga ai majaw, tinang a magam bungli hta na, shanhte ban sa ai hkrum mu ga,” nga ai.