1 KORINHTU 15:10 - Jinghpaw Hanson Version Bible

¹⁰ Rai timung, ngai rai nga nngai hte maren, Karai Kasang a chyeju majaw ngai rai nga nngai; ngai hkam la ai shi a chyeju gaw, ngai hta e kaman lila n rai nga ai sha, shanhte nlang hte hta ngai grau nna bungli gun hpai nngai; dai gaw ngai n rai, ngai hte rau anga nga ai Karai Kasang a chyeju sha rai nga ai.

Jinghpaw Common Language Bible 2009

¹⁰ Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.

1 KORINHTU 15:10 ပူးပေါင်းရင်းမြစ်များ

MAHTE 10:20

kaning rai nme law, ga tsun nga ai ni nanhte n rai, nanhte a Kawa a Wenyi gaw nanhte hta ga tsun nga ai.

MAHTE 25:16

Shaloi jang gumhpraw joi manga lu la ai wa gaw pru sa na, dai hte hpaga ga wu yang, kaga gumhpraw joi manga myat la nu ai.

ROMA 11:1

Dai rai nna, ngai tsun nngai gaw, Karai Kasang shi a amyu hpe kau da nu hka? Shing n rai law. Ngai mung Israela masha rai nga nna, Abraham a aru arat hte Ben-yamin a baw sang rai nga nngai.

ROMA 12:3

Dai rai nna, kadai mung tinang hkum hpe shadawn sharam ai hta nau wa n rai dum ai sha, Karai Kasang gaw langai hte langai hpe makam masham ren di nna karan jaw ai hte maren, mai myit ai lam chyu sha myit nga n ga, ngu nna ngai hpe jaw ai chyeju hte, nanhte kaw na langai hte langai hte hpe, ngai tsun dat nngai.

1 KORINHTU 15:11

Dai rai nna, ngai rai timung, shanhte rai timung, dai lam hkaw dan ga ai hte, nanhte mung dai lam kamsham manit dai.

1 KORINHTU 15:2

ngai nanhte hpe tsun dan yu ai mungga hpe nanhte a manat nga nna, kaman lila sha kamsham ai n rai myit yang gaw, de a jaw e mung nanhte hkye hkrang la ai hkrum myit dai.

1 KORINHTU 3:10

Karai Kasang ngai hpe jaw da ai chyeju hte maren, hpaji rawng ai nta shachyaw ai wa zawn, ngai npawt nhpang gaw da se ai; kaga hte gaw dai hta e gaw kahtap mu ai. Kaning rai gaw kahtap na hpe langai hte langai yu yu nga mu ga.

1 KORINHTU 3:6

Ngai gaw hkai da nngai, Apolo gaw ntsin jaw wu ai: Karai Kasang e she tu shangun nga ai.

1 KORINHTU 4:7

Kaning rai nme law, kadai wa mi nang hpe ginhka shangun nga a ta? Hkam la ai sha n rai yang gaw, nang hpa lu nga a ta? Hkam la n yang gaw, n hkam la ai zawn, hpa majaw gumrawng nga n ta?

2 KORINHTU 12:11

Ngai gaw angawk angak tai wa nngai; nanhte mahtang ngai hpe tai shangun ma ni ai: kaning rai nme nga yang, nanhte a shakawn kungdawn na hpe ngai hkam ang nga nngai. Ngai gaw hpa n re ai wa rai nga nngai rai timung, kaba htum ai kasa ni lawu e loi mi sha pyi n grit nga nngai.

2 KORINHTU 3:5

Rai timung, anhte gaw tinang atsam machyu nna me, anhte nan hpa hpaji daw lu ga ai n rai; anhte a ging ram ai atsam gaw Karai Kasang kaw nna rai nga ai;

2 KORINHTU 6:1

Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

GALATI 2:8

Kaning rai nme law, matu gadoi hkam ai ni a matu mara Petru hpe kasa aya dang da ai wa gaw, maigan amyu ni a matu mara ngai hpe mung kasa aya dang da ni ai.

HPILIPI 2:13

kaning rai nme law, galaw mayu ai myit rai timung, galaw lu ai lam rai timung, Karai Kasang gaw shi a sharawng awng ai a marang e, nanhte hta shachyen da myit dai.

HPILIPI 4:13

ngai hpe n-gun lagaw shaja ya ai wa a majaw, lam shagu hpe ngai hkam lu nngai.

1 HTESALONI 5:12

Dai hta kaga, hpunau ni e, nanhte hta bungli gun hpai nna, dai Madu hta nanhte a ntsa e up nga ai hte, nanhte hpe shadum jahprang nga ai ni hpe adum nga nna,

1 TIMOHTI 4:10

dai rai nna, shinggyim masha mahkra hte kamsham ai ni hpe grau nna hkye hkrang la ai Madu rai nga ai, ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw nna a shaja nga ga ai.