1 KORINHTU 14:4 - Jinghpaw Hanson Version Bible

⁴ Ga amyu myu chye tsun ai wa gaw, shi hkum dai sha shadaw shangang lu ai; myihtoi chye htoi ai wa chyawm gaw, dai Hpung hpe shadaw shangang lu ai.

Jinghpaw Common Language Bible 2009

⁴ Laklai ai ga amyu myu chye tsun ai wa gaw, shi hkum hpe sha shadaw shangang lu ai, rai ti mung Karai Kasang a mungga hkaw tsun ai wa gaw dai hpung ting hpe shadaw shangang nga ai.

1 KORINHTU 14:4 ပူးပေါင်းရင်းမြစ်များ

MARKU 16:17

Kamsham ai ni madun dan lu na lamik kumla gaw, da ndai ni rai nga ai: Shanhte nye a amying hte nat ni hpe shaden kau lu na mara ai; ga amyu kaga ga mung, tsun dan lu na mara ai;

ROMA 14:19

Dai re ai majaw, ngwipyaw ai lam hte, shada da sharin hkang na lam hpe, anhte hkan shachyut nga ga.

1 KORINHTU 12:10

kaga wa hpe lamik kumla galaw dan na ahkang; kaga wa hpe myihtoi htoi na ahkang; kaga wa hpe wenyi ni hpe chye ginhka na ahkang; kaga wa hpe ga amyu myu chye tsun na ahkang; kaga wa hpe ga amyu myu a ga lachyum shapraw dan na ahkang, jaw shajang mu ai:

1 KORINHTU 12:28

Karai Kasang chyawm gaw nkau mi hpe dai Hpung hta e, langai ngu na hta kasa ni, lahkawng ngu na hta myihtoi ni, masum ngu na hta sara ni, dai hpang e lamik kumla galaw ai ni, dai hpang e machyi makaw shamai shatsai na chyeju lu ai ni, shingdep shingtau ai ni, salang bawmung ni hte ga amyu myu chye tsun ai ni, san tawn da manu ai.

1 KORINHTU 13:1

Ngai gaw masha a ga hte lamu kasa ni a ga amyu myu hpe chye tsun rai timung, tsawra ai myit n rawng yang gaw, mahku rawng ai sumseng hte, ngoi gara ai shupsheng sha ngai tai nga nngai.

1 KORINHTU 13:2

Ngai myihtoi chye htoi ai hte, sung ai ga yawng mayawng, chye chyang ai lam amyu myu hkum nga ai hte, bum hpe jasit lu hkra re ai makam masham rawng timung, tsawra ai myit n rawng yang gaw, ngai hpa n rai nga nngai.

1 KORINHTU 14:12

Dai hte maren nanhte gaw wenyi kumhpa ni hpe myit marit nga myit dai majaw, dai Hpung hpe shadaw shangang na lam, grau nna hkan tam nga mu.

1 KORINHTU 14:22

Shing rai, ga amyu myu gaw kamsham ai ni a matu mara n re ai sha, n kam n sham ai ni a matu mara, kumla rai nga ai; myihtoi chye htoi ai lam chyawm gaw, n kam n sham ai ni a matu mara n re ai sha, kamsham ai ni a matu mara, kumla rai nga ai.

1 KORINHTU 14:26

Shaloi, hpunau ni e, kaning rai na rai ta? Nanhte zuphpawng nga myit yang, langai hte langai shakawn kungdawn ga, sharin achyin ga, shingran ga, ga amyu myu hte ga amyu a lachyum shapraw ai ga lu la shajang mai nga ai: lam shagu gaw shadaw shangang na matu byin nga u ga.

1 KORINHTU 14:3

Myihtoi htoi lu ai wa chyawm gaw masha ni hpe shadaw shangang ai ga, shadum jahprang ai ga, shangwi shapyaw ai ga tsun dan nga ai.

1 KORINHTU 14:5

Nanhte nga manga ga amyu myu chye tsun na ngai ra nngai; nanhte myihtoi htoi lu na grau nna ngai ra nngai: kaning rai nme law, ga amyu myu chye tsun ai wa gaw, dai Hpung hpe shadaw shangang na ga lachyum n chye shapraw a yang gaw, myihtoi htoi lu ai wa gaw, shi hta grau kaba nga ai.