1 KORINHTU 14:3 - Jinghpaw Hanson Version Bible

³ Myihtoi htoi lu ai wa chyawm gaw masha ni hpe shadaw shangang ai ga, shadum jahprang ai ga, shangwi shapyaw ai ga tsun dan nga ai.

Jinghpaw Common Language Bible 2009

³ Rai ti mung Karai Kasang a mungga hkaw tsun ai wa chyawm gaw, masha ni hpe shadaw shangang ai ga, n-gun jaw ai ga, shalan shabran ai ga tsun dan nga ai.

1 KORINHTU 14:3 ပူးပေါင်းရင်းမြစ်များ

LUKA 3:18

Shing rai shi gaw shadum jahprang ai ga kaga law law hte mung, dai masha ni hpe kabu gara shiga hkaw tsun wu ai:

KASA 13:15

Shaloi tara laika hte myihtoi laika hti ngut jang, jawng agyi ni gaw shanhte hpang de masha shangun nna, “Hpunau ni e, shawa hpawng hpe shadum jahprang na ga lu myit yang gaw, shadum jahprang mu,” ngu mu ai.

KASA 14:22

sape ni a myit shangang ya let, dai makam masham lam hta agrin nga na matu shadum jahprang ai hte, “Karai Kasang a mungdan de ru tsang ai law law hte shang wa na rai ga ai,” ngu nna sharin da mu ai.

KASA 15:32

Yuda yan Sila gaw, myihtoi mung rai ma ai rai nna, mungga law law hte hpunau ni hpe shadum jahprang let shadaw shangang da mu ai.

KASA 4:36

Dai shaloi, Barnaba ngu nna, kasa ni e mying hkawt shamying ai, Kupru mung na Lewi masha Yawsep mung, shi lu ai ga dachyawk dut nna, lu la ai gumhpraw hpe kasa ni a lagaw nhpang e sa tawn da wu ai:

KASA 9:31

Dai hte yang, Yuda mung, Galile mung hte Samari mung shara magup hkan e nga ai Hpung gaw, shadaw shangang ai lu la nna, angwi apyaw rai nga ai; dai Madu hpe hkrit hkungga ai hte, Chyoi pra ai Wenyi a shalan shabran ai lam ni hta hkawm sa let, shanhte law htam wa ma ai.

ROMA 12:8

shadum jahprang chye ai wa gaw, shadum jahprang ai amu hpe, shachyen u ga; alu jaw ai wa gaw n daw n hta jaw u ga; up hkang ai wa gaw, kasang kalang hte up nga u ga; matsan dum chye ai wa gaw, kabu gara ai myit hte galaw u ga.

ROMA 14:19

Dai re ai majaw, ngwipyaw ai lam hte, shada da sharin hkang na lam hpe, anhte hkan shachyut nga ga.

ROMA 15:2

Anhte langai hte langai tinang a manang wa a ngamu ngamai na lam tau yu nna, shadaw shangang rai hkra shi hpe shapyaw nga ga.

1 KORINHTU 10:23

Yawng mayawng galaw na ahkang nga ai; rai timung, yawng mayawng hte wa akyu byin ai n rai; yawng mayawng galaw na ahkang nga ai; rai timung, yawng mayawng hte wa shadaw shagrin lu ai n rai.

1 KORINHTU 14:12

Dai hte maren nanhte gaw wenyi kumhpa ni hpe myit marit nga myit dai majaw, dai Hpung hpe shadaw shangang na lam, grau nna hkan tam nga mu.

1 KORINHTU 14:17

Nang chyeju dum ai ga kaja nga rai timung, masha kaga gaw shadaw shangang hkrum lu ai n rai.

1 KORINHTU 14:26

Shaloi, hpunau ni e, kaning rai na rai ta? Nanhte zuphpawng nga myit yang, langai hte langai shakawn kungdawn ga, sharin achyin ga, shingran ga, ga amyu myu hte ga amyu a lachyum shapraw ai ga lu la shajang mai nga ai: lam shagu gaw shadaw shangang na matu byin nga u ga.

1 KORINHTU 14:31

Kaning rai nme law, yawng mayawng gaw sharin achyin ai lu la na hte, yawng mayawng gaw shadum jahprang ai lu la na she, nanhte nlang hte gaw langai a hpang langai myihtoi htoi lu na rai nga myit dai;

1 KORINHTU 8:1

Ya, sumla ni hpe nawng ai hkungga a lam, anhte yawng mayawng chye ginhka ai myit rawng nga ai gaw, anhte dum chye ga ai. Chye ginhka ai myit gaw grang chye ai, tsawra ai myit chyawm gaw, shadaw shangang chye ai.

2 KORINHTU 1:4

Karai Kasang kaw na anhte hkum nan lu la sagaw ai shangwi shapyaw ai lam tau yu yang, dai shangwi shapyaw ai a marang e, tsin-yam tsindam amyu myu hkrum ai ni hpe shangwi shapyaw lu hkra, anhte a tsin-yam tsindam amyu myu hta shi anhte hpe shangwi shapyaw mi ai.

2 KORINHTU 2:7

nachying sung ai yawn hkyen ai hta n lup mat u ga, shi hpe mara dat nna bai shangwi shapyaw nga mu.

EHPESU 4:29

N se ai ga hkaw mi mung nanhte a n-gup na hkum pru u ga; madat mara nga ai ni a matu akyu byin hkra, ra nga ai hte maren shadaw shalan na matu, mai kaja ai ga sha a tsun na mu.

EHPESU 6:22

nanhte gaw anhte a lam chye lu nna, nanhte a myit masin hpe shangwi shapyaw ai hkrum lu malit ga, ndai lam a majaw nan, ngai shi hpe nanhte hpang de shangun dat se ai.

KOLOSE 4:8

nanhte gaw anhte a lam chye lu nna, nanhte a myit masin hpe shangwi shapyaw ai hkrum lu malit ga, ndai lam a majaw nan, ngai shi hpe nanhte hpang de shangun dat se ai.

1 HTESALONI 2:11

Kaning rai nme law, shi a mungdan hte hpung shingkang kaw nanhte hpe shaga la ai Karai Kasang hte nanhte ging dan let a hkawm nga lu myit ga,

1 HTESALONI 2:3

Kaning rai nme law, anhte a shadum jahprang ai gaw, lam shadam ai hte, n san n seng ai hte, hkalem hkalau ai hte n re ai sha,

1 HTESALONI 3:2

ndai tsin-yam tsindam a majaw kadai mung shamu shamawt n rai myit ga, nanhte hpe shadaw shalan nna, nanhte a makam masham hpe shangwi shapyaw na matu,

1 HTESALONI 4:1

Bai lam mi gaw, hpunau ni e, nanhte gaw Karai Kasang a man e kaning rai hkawm lu nna shi ra ai hku shadik lu na, anhte kaw na nanhte hkam la ai hte nanhte hkawm yu myit dai hte maren, dai hta e grau nna law htam wa myit ga, Madu Yesu hta anhte nanhte hpe hpyi nem nna shadut jahkat dat ga ai.

1 HTESALONI 4:18

Dai re ai majaw, ndai ga hte nanhte shada da shangwi shapyaw hkat nga mu.

2 HTESALONI 3:12

Shing rai nga ai ni gaw amu bungli angwi sha galaw nna, tinang a shat sha nga mu ga, ngu nna Madu Yesu Hkristu hta e anhte htet da ai hte shadut jahkat ga ai.

1 TIMOHTI 1:4

ga law ga la shapraw ai maumwi ga hte n htum hkraw ai ahtik labau gawn ai hku hpe n hkan shachyut mu ga she, nang gaw masha nkau mi hpe daru jet kau na matu, ngai Makedoni mung de sa wa ai shaloi e Ehpesu mare e naw anga nga na, nang hpe shadut jahkat sade ai hte maren, naw nga nga u.

1 TIMOHTI 4:13

Ngai sa du ai du hkra laika hti yu nna shadum jahprang ai hte sharin shaga ai hta, a shaja nga u.

1 TIMOHTI 6:2

Kamsham ai madu lu ai mayam ni gaw, maren hpunau rai nga ai, nga nna, shanhte hpe n gawn n sawn hkum di mu; dai ngamu ngamai hkam la ai ni gaw, kamsham ai ni hte tsawra ging ai ni rai nga ma ai majaw, grau nna shanhte a bungli gun hpai nga mu ga. Ndai lam hte gaw sharin shaga nga nna, shadut jahkat nga u.

2 TIMOHTI 4:2

dai mungga hpe hkaw dan nga u; du hkra ladaw ang ai rai timung, n ang ai rai timung, a shaja nga u; myit galu kaba ai hte, sharin shaga ai hku yawng hkan let, daru jet nga u, yubak madun nga u, shadut jahkat nga u.

TITU 1:9

masan maseng re ai sharin shaga ai lam e shadum jahprang lu na mung, nhtan shai ai ni hpe shachye shachyang lu na mung, sharin tawn da ai lam hte maren kangka re ai mungga hpe manoi manat ai wa, mai rai nga ai.

TITU 2:15

Ndai lam ni hpe ahkang aya hkum hkum hte tsun dan u, shadum jahprang nna daru sharin nga u: kadai mung nang hpe n gawn n sawn n rai mu ga.

TITU 2:6

Dai hte maren shabrang ni mung si si rai nga mu ga, shadum jahprang nga u;

TITU 2:9

Mayam ni gaw, anhte a hkye hkrang la ai Madu Karai Kasang a sharin shaga mungga hpe, lam magup hta mawn sumli nga lu na matu, lam shagu hta tinang ni a madu npu e taw nga nna, shanhte kaw myi man pa lu hkra, ga nhkap n tsun ai hte,

HEBRE 10:25

nkau mi wa htung nga ai zawn, anhte gaw tinang a zuphpawng ai lam hpe n koi n kau ai sha, shada da hpe shadum jahprang nga ga: dai nhtoi du magang ra ai hpe, nanhte chye myit dai majaw, shing rai shadum jahprang shara grau nna rai nga ai.

HEBRE 13:22

Bai, lam mi gaw, hpunau ni e, dai shadum jahprang ga nanhte hkam sharang la na, ngai shadut jahkat dat made ai: kaning rai nme law, ga gadun hte sha ngai nanhte hpe ga shagun dat made ai.

HEBRE 3:13

yubak e hkalem hkalau kau ai hte nanhte hta na langai mi muk myit n shaja malit ga, Dai ni, ngu nna, naw tsun lu ai laman hte made hta, shani shagu shada da shadum jahprang nga mu;

1 PETRU 5:12

Shing rai, dai lam gaw, Karai Kasang a chyeju lam teng teng rai nga ai hpe, shadum jahprang nna sakse hkam ya na matu, ngai nawn nga nngai hte maren, sadi sahka re ai Silwanu ngu ai hpunau a lata hte, ndai ga gadun ngai nanhte hpe ka ya dat nngai: ndai chyeju hta e mung nanhte anga nga myit dai.

YUDA 1:20

Nanhte chyawm gaw, tsawra ai ni e, dai Chyoi pra ai Wenyi hta akyu hpyi let, nanhte a chyoi pra ai makam masham lam hta, tinang dai shangang shakang nga mu: