1 KORINHTU 14:16 - Jinghpaw Hanson Version Bible

¹⁶ Shing n rai, wenyi hte sha nang shaman n yang gaw, karing karang re ai wa gaw na a ga n chye na ai majaw, nang chyeju dum ai ga tsun ai shaloi, shi gaw kaning rai, Amen, nga nna hkan sharau lu na a ta?

Jinghpaw Common Language Bible 2009

¹⁶ Nanhte gaw Wenyi hte sha Karai Kasang a chyeju hpe shakawn nna akyu hpyi ai rai yang nawku ai hpawng hta lawm nga ai yu maya masha langai mi gaw, nanhte tsun ai ga n chye na ai majaw, nanhte a kyu hpyi ai ga hpe kaning rai “Amen,” ngu nna tsun lu na a ta?

1 KORINHTU 14:16 ပူးပေါင်းရင်းမြစ်များ

1 HKAWHKAM 1:36

Shaloi Yehoiada kasha Benaia gaw, “Amen: nye a madu hkawhkam a Karai Kasang Yehowa mung dai lam hkan ya u ga.

1 HKAWHKAM LABAU 16:36

Israela a Karai Kasang Yehowa gaw, Htani htana prat dingsa e a nga u ga law. Shaloi shawa masha ni yawng, Amen, ngu nna, Yehowa hpe shakawn kungdawn mu ai.

NEHEMIA 5:13

Dai hta kaga ngai gaw, nye a palawng galu ahpu let, “Ndai ga shaka n hkan ai wa kadai hpe mung, shi a nta hte shi a amu bungli hta na, Karai Kasang ahpu kau u ga: dai zawn ahpu kau ai hte man mat ai hkrum mu ga,” nga nna tsun jang, shawa hpawng ting, “Amen,” nga nna Yehowa hpe shakawn kungdawn ma ai. Mung masha ni gaw ndai ga shaka tawn da ai hte maren hkan galaw ma ai.

NEHEMIA 8:6

ya Ezra gaw galu kaba re ai Karai Kasang Yehowa hpe shakawn kungdawn wu ai. Mung masha ni nlang hte gaw, tinang a lata sharawt let, “Amen, Amen,” nga ma ai rai nna, ga du hkra gum dagup let, Yehowa hpe nawku nga ma ai.

SHAKAWN KUNGDAWN 106:48

Israela Karai Kasang Yehowa gaw, Htani htana prat dingsa e, a nga u ga law! Masha amyu shagu, Amen, nga mu ga. Halelu-Yah.

SHAKAWN KUNGDAWN 41:13

Israela a Karai Kasang Yehowa gaw, Htani htana prat dingsa e, a nga u ga law. Amen, rai sa, Amen.

SHAKAWN KUNGDAWN 72:19

Shi a dan hkung nga ai amying nsang prat dingsa e, a nga u ga; Mungdan ting gaw shi a hpung shingkang pri rai nga u ga law. Amen, rai sa, Amen.

SHAKAWN KUNGDAWN 89:52

Yehowa gaw htani htana e, a nga u ga law. Amen, rai sa, Amen.

YEREMIA 11:5

nga nna hpri wan htung ngu ai Egutu mung kaw na nanhte a nji nwa ni hpe shaw woi wa ai shani e, nanhte hta ngai hkang da ai ga shaka hpe n madat ai wa gaw dagam dala hkrum mu ga, nga nna tsun yang, ngai gaw, Yehowa e, Amen, ngu nna htan we ai.

YEREMIA 28:6

myihtoi Yeremia gaw, Amen, Yehowa dai lam galaw u ga; Yehowa nta na arai ni hte hpawn, Babelon mare e bawng dung ai ni nlang hte hpe ndai shara e bai woi wa nna, nang htoi ya ai myihtoi ga, Yehowa shadik u ga.

BU HKAWM 5:22

nga nna hkinjawng wa machyai jaw yang numsha gaw, dagam dala ai ga hkan tsun ngut jang, Amen, Amen,” ngu nna yin la na rai wu ai.

MAHTE 15:36

shakawn ngut jang ahkyep alep di ai hte sape ni hpe jaw mu ai; sape ni mahtang shawa masha ni hpe gam jaw mu ai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, yu mu, lamu ga aprat htum hkra, ngai nanhte hte rau dinggrin anga nga na nngai law, ngu nna shanhte hpe matsun dat mu ai.

MAHTE 6:13

Agung alau nga ai de, anhte hpe n sa shangun ai sha, N kaja ai lam hta na, shaw la mi law.

MARKU 16:20

Shanhte mung hkawm sa nna, shara shagu hkan e hkaw dan mu ai: dai Madu shanhte hte shingdep nna, shabyin lu ai lamik kumla ni hte dai mungga hpe shagrin ya mu ai.

YAWHAN 21:25

Yesu galaw ai amu kaga law law wa naw nga ai; dai amu ni a lam shagu hpe hkan ka da yang, dai ka da ai laika ni gaw mungkan ga hta pyi n shang na re ai, ngu nna ngai myit nngai law.

YAWHAN 7:15

Dai re ai majaw Yuda masha ni gaw mau ai hte, “Ndai wa gaw n sharin yu ai mi, laika kaning rai chye lu ai da i?” nga ma ai.

KASA 4:13

Shanhte chyawm gaw, Petru yan Yawhan a nden ja ai myit mu nna, shan gaw laika n chye ai, yu maya masha rai nga ma ai hpe chye ma ai majaw, mau nga ma ai; rai timung, shawng de Yesu hte rau shan nga yu ai gaw, shanhte dum ma ai:

1 KORINHTU 11:24

shakawn ngut jang, ahkyep alep nhtawm, “Ndai gaw nanhte a matu mara nye a hkum rai nga li ai; ngai hpe adum nga na matu ndai galaw mu,” ngu nna tsun mu ai.

1 KORINHTU 14:14

Kaning rai nme law, ga amyu hte ngai akyu hpyi nga yang, nye a wenyi hte ngai akyu hpyi nga nngai, rai timung nye a myit akyu n lu la lu ai.

1 KORINHTU 14:2

Kaning rai nme law, ga amyu myu chye tsun ai wa gaw, masha ni hpe n rai, Karai Kasang hpe sha, tsun ang nga ai; gade ai mung n chye na ai sha, wenyi hta e sung ai ga hpe shi a tsun nga ai.

1 KORINHTU 16:24

Nye a tsawra ai myit gaw, Hkristu Yesu hta e nanhte yawng hte rau anga nga u ga law.

2 KORINHTU 1:20

Karai Kasang a ndat ga gade law nga rai timung, shi hta e, Rai sa, hkrai rai nga ai; dai rai nna, anhte a lata e Karai Kasang a hpung shingkang pru u ga, shi a jaw e, Amen, ngu ai mung rai nga ai.

SHINGRAN 22:20

Ndai lam hte hpe sakse hkam ya ai wa gaw, “Rai sa; ngai alawan du na ring ngai,” nga ai. Amen. Madu Yesu e, Yu wa rit law.

SHINGRAN 5:14

Shaloi dai dusat amyu mali gaw, Amen, nga ma ai; salang ni mung dingnyawm nna nawku ma ai.

SHINGRAN 7:12

Amen: Shakawn kungdawn ai, hpung shingkang, hpaji byeng-ya, mahkawn shagrau ai, arawng sadang, hpung shingkang hte n-gun lagaw gaw, htani htana prat dingsa e, anhte a Karai Kasang kaw anga nga u ga law, Amen, nga nna tsun ma ai.