1 KORINHTU 14:12 - Jinghpaw Hanson Version Bible

¹² Dai hte maren nanhte gaw wenyi kumhpa ni hpe myit marit nga myit dai majaw, dai Hpung hpe shadaw shangang na lam, grau nna hkan tam nga mu.

Jinghpaw Common Language Bible 2009

¹² Nanhte gaw Wenyi chyeju kumhpa hpe, ra marit nga myit dai majaw dai Hpung hpe galu kaba hkra gaw gap ai chyeju kumhpa ni hpe yawng hta grau nna jai lang nga mu.

1 KORINHTU 14:12 ပူးပေါင်းရင်းမြစ်များ

ROMA 14:19

Dai re ai majaw, ngwipyaw ai lam hte, shada da sharin hkang na lam hpe, anhte hkan shachyut nga ga.

1 KORINHTU 12:31

Nanhte gaw grau htum ai chyeju kumhpa ni hpe tsam mari marit nga mu. Dai hta n-ga grau htum ai lam langai mi ngai nanhte hpe naw madun na made ai.

1 KORINHTU 12:7

Shing rai Chyeju akyu pru u ga she, langai hte langai hpe Wenyi a shapraw shadan ai lam jaw shajang manu ai.

1 KORINHTU 14:1

Tsawra ai myit hpe hkan tam mu; wenyi kumhpa ni hpe myit marit nga mu: myihtoi chye htoi lu na mahtang grau nna myit marit nga mu.

1 KORINHTU 14:13

Dai rai nna ga amyu myu tsun ai wa gaw, ga lachyum mung shapraw lu na matu akyu hpyi nga u ga.

1 KORINHTU 14:26

Shaloi, hpunau ni e, kaning rai na rai ta? Nanhte zuphpawng nga myit yang, langai hte langai shakawn kungdawn ga, sharin achyin ga, shingran ga, ga amyu myu hte ga amyu a lachyum shapraw ai ga lu la shajang mai nga ai: lam shagu gaw shadaw shangang na matu byin nga u ga.

1 KORINHTU 14:5

Nanhte nga manga ga amyu myu chye tsun na ngai ra nngai; nanhte myihtoi htoi lu na grau nna ngai ra nngai: kaning rai nme law, ga amyu myu chye tsun ai wa gaw, dai Hpung hpe shadaw shangang na ga lachyum n chye shapraw a yang gaw, myihtoi htoi lu ai wa gaw, shi hta grau kaba nga ai.

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.