1 KORINHTU 13:8 - Jinghpaw Hanson Version Bible

⁸ Tsawra ai myit gaw galoi mung htak chye ai n rai: myihtoi chye htoi ai lam rai yang gaw, hkoi mat na ra ai: ga amyu myu chye tsun ai lam rai yang gaw, sim mat na ra ai; chye chyang ai lam rai yang gaw, hkoi mat na ra ai.

Jinghpaw Common Language Bible 2009

⁸ Tsaw ra ai myit gaw galoi mung htak mat chye ai n rai; myihtoi chye htoi ai lam rai yang gaw, hkoi mat na ra ai; ga amyu myu chye tsun ai lam rai yang gaw, sim mat na ra ai; chye chyang ai lam rai yang gaw lai mat wa na ra ai.

1 KORINHTU 13:8 ပူးပေါင်းရင်းမြစ်များ

YEREMIA 49:7

Edom mung hpe lakap nna, Zaw nawng zaw wa up ai Yehowa ning nga ai: “Teman mung hta e hpaji ma sani? myit su ai ni hpaji n daw lu ma ni? shanhte nyan htum sani?

LUKA 22:32

rai timung na a kamsham ai myit n hten lit ga, ngu nna na a matu ngai akyu hpyi da ni ai; nang bai kayin dum yang, na nhpu nnau ni hpe shangang shakang ya u,” ngu wu ai.

KASA 13:1

Ya, Antioki mare na Hpung hta e, myihtoi ni, sara ni, nang nga ma ai: dai ni gaw, Barnaba, Nigera ngu ai Simun, Kureni masha Luki, Herod du wa kanawn kanau Manaen hte Shawlu hte rai nga ma ai.

KASA 19:6

Ya Pawlu shanhte a ntsa e lata mara jang, Chyoi pra ai Wenyi shanhte a ntsa e du nna, shanhte ga amyu kaga tsun nna myihtoi htoi ma ai.

KASA 2:4

Shanhte nlang hte mung, Chyoi pra ai Wenyi hpring shajang nna, Wenyi e shadut mu ai hte maren, ga amyu kaga ga hku shaga wa ma ai.

1 KORINHTU 12:10

kaga wa hpe lamik kumla galaw dan na ahkang; kaga wa hpe myihtoi htoi na ahkang; kaga wa hpe wenyi ni hpe chye ginhka na ahkang; kaga wa hpe ga amyu myu chye tsun na ahkang; kaga wa hpe ga amyu myu a ga lachyum shapraw dan na ahkang, jaw shajang mu ai:

1 KORINHTU 13:10

rai timung, dai hkum tsup re ai gaw du ngut jang, daw chyen re ai gaw hkoi mat na ra ai.

1 KORINHTU 13:13

Ya chyawm gaw, makam masham, myit mada ai hte tsawra ai myit ngu ai lam masum rai nga ai, rai timung, dai hte hta grau kaba ai gaw tsawra ai myit rai nga ai.

1 KORINHTU 14:39

Shing rai, nye a hpunau ni e, myihtoi chye htoi lu na myit marit nga mu; ga amyu myu hte tsun na mung hkum jet kau myit.

1 KORINHTU 8:2

Marai langai ngai, lama ma chye nngai, nga nna myit a yang gaw, chye mai ai lam pyi shi garai n chye wu ai:

GALATI 5:6

Kaning rai nme law, Hkristu hta e matu gadoi hkam ai lam rai timung, matu gadoi n hkam ai lam rai timung, hpa akyu n nga ai rai nna, tsawra myit hte shachyen ai makam masham hkrai sha, akyu rawng nga ai.

HEBRE 8:13

Ya, ga shaka ningnan, nga nna shi tsun ai gaw, shawng na ga shaka hpe ningsa shatai kau wu ai; ningsa hte aprat kaba ai arai chyawm gaw, wai mat magang nga ai.