1 KORINHTU 13:4 - Jinghpaw Hanson Version Bible

⁴ Tsawra ai myit gaw galu kaba nga ai, sumnung shingdi nga ai; tsawra ai myit gaw manawn masham n nga ai, grang ai ga n tsun ai, gumrawng gumtawng n rawng ai;

Jinghpaw Common Language Bible 2009

⁴ Tsaw ra ai myit gaw myit galu kaba nga ai; matsan dum lama nga ai; manawn masham n nga ai, grang shakawng ai ga n tsun ai; gumrawng gumtawng n rai ai;

1 KORINHTU 13:4 ပူးပေါင်းရင်းမြစ်များ

NINGPAWT NINGHPANG 30:1

Ya Rahkela gaw Yaku a matu kashu kasha n shaprat ya dum wu ai majaw, kana jan hpe manawn nna Yaku hpe, “Ngai e kasha jaw e; dai n rai ngai si mat na nngai,” ngu wu ai.

NINGPAWT NINGHPANG 37:11

Shi a kahpu ni gaw shi hpe manawn da mu ai; kawa chyawm gaw ga dai hpe matsing gun da wu ai.

NEHEMIA 9:17

shanhte a ka-ang e nang madun dan ai mauhpa amu hpe n dum nga ai sha, shanhte du shaja ai hte, gumlau let, mayam tai nga ai mung de nhtang wa na nga, hpyen du hpe san da ma ai. Nang chyawm gaw, yubak raw dat ai, matsan dum ai hte chyeju myit rawng ai, myit galu ai hte n-gaw nwai myit madun ai Karai Kasang rai nga nna, shanhte hpe kau da mu ai n rai.

SHAKAWN KUNGDAWN 10:5

Shi hkan ai hku, tutnawng e agrin nga lu ai; Na a tara dara ai lam ni, tsaw htum ai shara zawn, shi hte tsan gang nga ai: Shi a gumlau ni yawng hpe shi kawut kau mu ai.

GA SHAGAWP 10:12

N dawng n yawt ai myit gaw, ga law ga la shapraw nga ai; Tsawra ai myit chyawm gaw, yubak yawng hpe magap kau nga ai.

GA SHAGAWP 13:10

Gumrawng ai majaw, ga law ga la hkrai byin nga ai; Hpaji daw ai ni a ga hkan ai wa, hpaji rawng nga ai.

GA SHAGAWP 17:14

Ga law ai npawt gaw, hka shalen dat ai hte bung ai majaw, Garai n ga law yang, htailai ai lam koi kau u.

GA SHAGAWP 17:9

Masha wa mara hpe magap da ai wa gaw, tsawra galaw nu ai; Tsun shabrawng dat ai wa chyawm gaw, jinghku ni hpe shabra kau nu ai.

GA SHAGAWP 19:22

Masha gaw tinang galaw ai chyeju hta awng sharawng nga ai; Masu ga tsun ai wa hta matsan mayan wa gaw, grau mai nga ai.

GA SHAGAWP 31:20

Shi gaw matsan mayan ni hpe, shi a lata ladawn nna, Kawsi hpang kara hkrum ai ni hpe, karum nga ai.

GA SHAGAWP 31:26

Shi n-gup hpaw yang, hpaji ga pru nna, shi a shinglet n-gaw nwai ai tara tsun nga ai.

HPAJI NINGLI 10:4

Du wa gaw nang hpe myit kahtet yang, na a aya hpe hkum kau da u; hkam sharang ai myit gaw yubak kaba hpe yeng kau chye ai.

MAHTE 27:18

Kaning rai nme law, manawn masham majaw, shanhte shi hpe ap kau mu ai hpe, shi chye nga ai.

KASA 7:9

Dai aji daju ni gaw Yawsep hpe manawn nna, Egutu mung de dut kau dat mu ai.

ROMA 1:29

shanhte gaw n ding n hpring ai amyu myu hte, n hkru n hkra ai, nammak lawhpa ai, n ju n yawt ai hte hpring ma ai; manawn masham ai, masha sak gyam ai, gasat gala ai, hkalem hkalam ai, kyang laban ai mung chyat rai nga malu ai:

ROMA 13:13

Tangpyaw shalai ai hte chyaru nang ai, shawa num gaswi ai hte ngang kayut ai, ga law ga la ai hte manawn masham ai hpe n hkan tam ai sha, shani chyingtung na shingdi ai zawn anhte a hkawm nga ga.

1 KORINHTU 3:3

kaning rai nme law, nanhte shinggyim ta naw rai nga myit dai. Nanhte hta e manawn masham hte ga law ga la rai nga myit dai majaw, nanhte shinggyim ta naw rai nga myit dai hte, mungkan masha zawn, naw hkawm nga myit dai, n rai myit ni?

1 KORINHTU 4:18

Ngai hkum nanhte hpang de n sa du na zawn nawn nna, nkau mi gaw gumlu gumlan rai wa masai.

1 KORINHTU 4:6

Hpunau ni e, ka da nga ai hte maren nanhte n lai lu na hte, langai wa hta myit kaba nna kaga wa hpe shinggan kau na n rai u ga, an a lam tau yu let nanhte sharin lu myit ga, ndai ga hte hpe ngai hte Apolo a lam, ngai nanhte a matu ga shadawn shatai nna sha-ang we ai.

1 KORINHTU 5:2

Nanhte madaw gumlu gumlan rai nga myit dai rai nna, shing re ai amu galaw ai wa hpe nanhte kaw na shaden kau ai hkrum u ga, yawn ai myit n madun ai sha nga nga myit ni?

1 KORINHTU 8:1

Ya, sumla ni hpe nawng ai hkungga a lam, anhte yawng mayawng chye ginhka ai myit rawng nga ai gaw, anhte dum chye ga ai. Chye ginhka ai myit gaw grang chye ai, tsawra ai myit chyawm gaw, shadaw shangang chye ai.

2 KORINHTU 12:20

Kaning rai nme law, nanhte hpang de ngai du yang, ngai ra ai hte maren nanhte n rai nga nna, nanhte ra ai hte maren ngai mung n rai nga na nhten, ngu nna ngai tsang nga nngai: gasat gala, manawn masham, n dawng n yawt ai, bra wa na lam, baw law ai ga, kadum kahte ai ga, grang ai ga hte kabrawng kabrang rai nga na hpe mung, ngai tsang nga nngai:

2 KORINHTU 6:6

san pra ai hta, chye chyang ai hta, myit galu kaba ai hta, mai kaja ai hta, Chyoi pra ai Wenyi hta, n sawt ai tsawra ai myit hta,

GALATI 5:26

Anhte kaman lila grang nga nna, shada da jahte tam ai hte, shada da manawn masham ai, hkum rai nga ga.

EHPESU 4:2

Lam shagu hta myit nem ai hte lam shagu hta myit gyip nna, myit galu kaba ai hte, a hkawm nga mu:

EHPESU 4:32

Nanhte shada da mai kaja ai, matsan dum ai myit madun hkat nna, Karai Kasang gaw Hkristu hta e nanhte a mara raw dat kau ya manit dai hte maren, nanhte mung shada da a mara raw dat kau nga mu.

HPILIPI 1:15

Gaja wa nkau mi gaw, manawn masham nna gasat gala ai hte Hkristu a lam hkaw dan nga ma ai; nkau mi gaw sharawng awng ai myit hte hkaw dan ma ai.

KOLOSE 1:11

shi a hpung shingkang re ai n-gun nga ai hte maren, shakut sharang nna kabu gara ai hte myit galu kaba hkum tsup hkra, n-gun lagaw amyu myu hte shaja ya ai hkrum myit ga mung,

KOLOSE 2:18

Myit shagyip ngu na lam tam nna, lamu kasa hpe nawku na htung hte, kadai mung nanhte hpe n hkalem sha u ga; shing re ai wa gaw tinang a man e mu ai hpe sha machyu nga ai hte, tinang hkum shan a myit hta kaman lila grang ai wa rai nna, dai baw hpe n manat nga ai;

KOLOSE 3:12

Dai re ai majaw, Karai Kasang a lata la ai ni hte, chyoi pra nna tsawra hkrum ai ni zawn, matsan dum ai, sumnung ai, mai kaja ai, myit nem ai, myit gyip ai hte myit galu kaba ai dagraw nga nna,

1 HTESALONI 5:14

Bai, hpunau ni e, kajam galam re ai ni hpe shadum jahprang nga mu, myit kaji nga ai ni hpe shalan shabran nga mu, gawng kya ai ni hpe shadaw shangang nga mu, masha yawng hte hpe galu kaba ai myit madun nga mu;

1 TIMOHTI 6:4

shi gumrawng gumtawng nga ai hte, hpa mung n chye ai sha, ga sumtu hte sha seng ai ga sawk yu ai hte ndang kalang hkat ai lam sha tam nga ai; dai hta na manawn masham ai, zumbru zumbra ai, shatan nhkan ai, n kaja ai hku aleng ai hte,

2 TIMOHTI 2:25

nhtan shai ai ni hpe sumnung ai myit hte sharin achyin ya lu na, mai nga ai: shing di yang, tengman ai ga hpe chye chyang lu mu ga, Karai Kasang gaw shanhte hpe gaja wa myit malai lu na chyeju jaw nna,

2 TIMOHTI 3:10

Nang mahtang gaw, nye a sharin shaga ai lam, nye a lai len, maw mawn ai hku, kamsham ai lam, myit galu kaba ai, tsawra ai, shakut sharang ai,

2 TIMOHTI 4:2

dai mungga hpe hkaw dan nga u; du hkra ladaw ang ai rai timung, n ang ai rai timung, a shaja nga u; myit galu kaba ai hte, sharin shaga ai hku yawng hkan let, daru jet nga u, yubak madun nga u, shadut jahkat nga u.

TITU 3:3

Kaning rai nme law, anhte mung shawng de gaw myit ngawk ai, n madat n mara ai, lam dam nna, ngang kayut ai hte pyaw daw kadaw ai lam amyu myu hkan galaw yu ai ni, n hkru n hkra ai hte manawn masham hta hkan len nga let, matsat shabat re ai ni, manang shada da n dawng n yawt re ai ni, rai nga ga ai.

YAKU 4:5

Dai hta kaga, anhte hta e bang rawng da ai Wenyi gaw, manawn masham du hkra myit marin nga ai kun? nga nna Chyum laika tsun ai gaw, kaman rai nga ai, nanhte nawn da mu ni?

1 PETRU 2:1

Dai re ai majaw, dai Madu gaw n-gaw nnyeng rai nga ai hpe, nanhte chyim yu manu yang gaw,

1 PETRU 3:8

Dai hta n-ga, nanhte nlang shada da myit hkrum nna, myit yu machyi ai, hpunau shada da tsawra nna, matsan dum ai hte myit gyip ai;

1 PETRU 4:8

Mahkra, hta n-ga, nanhte shada da tsawra ai myit makyit rawng nga mu; kaning rai nme law, tsawra ai myit gaw, yubak mara law law hpe magap da lu ai.

2 PETRU 1:7

tara hkungga ai hta hpunau hpe tsawra ai, hpunau hpe tsawra ai hta, n-gaw nwai ai myit, a shajat nga mu.

1 YAWHAN 4:11

Tsawra ai ni e, Karai Kasang gaw anhte hpe ndai hte wa tsawra mi ai teng yang gaw, anhte mung shada da mai tsawra nga ga ai.