1 KORINHTU 13:3 - Jinghpaw Hanson Version Bible

³ Nye a arai ni yawng hte hpe ngai gam kau nna, nye a hkum hpe pyi nat kau na matu ap kau rai timung, tsawra ai myit n rawng yang gaw; hpa akyu nga na n rai.

Jinghpaw Common Language Bible 2009

³ Ngai lu ai nye a arai yawng hte hpe ngai gam kau nna nye a hkum hpe nat kau na matu ap kau rai ti mung, tsaw ra ai myit n rawng yang gaw, ngai hta hpa akyu nga na n rai.

1 KORINHTU 13:3 ပူးပေါင်းရင်းမြစ်များ

ESAIA 57:12

Na a dinghpring ai lam ngai shapraw dan na nngai: nang galaw sai amu gaw, hpa akyu shabyin lu ai n rai.

YEREMIA 7:8

Yu u, nanhte gaw akyu n rawng ai masu ga hta hpa nga myit dai.

MAHTE 23:5

Shanhte galaw ai amu bungli mahkra hpe, masha ni mu lu mu ga, galaw ma ai: tinang a lakhpoi ni hpe shanhte kaba wa di mu ai hte, tinang a banbyau ni hpe mung myin jahkram mu ai rai nna,

LUKA 18:22

Yesu gaw dai ga na jang, Lam langai mi nang naw ra nga ndai: nang lu malu dut kau nna matsan mayan ni hpe karan jaw u; shing rai jang she, sumsing lamu ntsa e nang sutgan lu na rin dai: ngai kaw mung sa hkan nang rit,” ngu nna shi hpe tsun wu ai.

LUKA 18:28

Shaloi Petru gaw, “Yu u, anhte gaw lu malu kau da nna, nang kaw hkan nang nga ga ai,” ngu wu ai.

LUKA 19:8

Zake chyawm gaw rawt tsap nna, “Madu e, nye a sutrai ka-ang hkup ngai matsan mayan ni hpe karan jaw we ai: langai ngai hpe mawp sha kau ai rai yang gaw, htam mali ngai bai wa na we ai,” ngu nna Madu hpe tsun wu ai.

YAWHAN 12:43

kaning rai nme law, Karai Kasang kaw na arawng sadang lu la na hta, masha kaw na arawng sadang lu la na hpe, grau ra ma ai.

YAWHAN 13:37

Bai Petru gaw, “Madu e, ngai nang hte rau hpa rai ya n hkan lu na rai ta? Na a majaw nye a asak ngai nawng kau ya na we ai,” ngu wu ai.

YAWHAN 15:13

Jinghku wa a matu tinang a asak nawng kau hkra tsawra ai myit hta, grau kaba ai tsawra ai myit gaw kadai hta mung n rawng nga ai.

YAWHAN 6:63

Asak jahkrung ai gaw Wenyi rai nga ai; hkum shan gaw hpa lam mung n la ai: ngai nanhte hpe tsun ai mungga gaw, Wenyi rai nga ai, asak mung rai nga ai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna, nye myit hpe gawng run shangun ya nga myit ta? gyit hkang ai sha n-ga, Madu Yesu a amying ningsang majaw, Yerusalem e sa si hkam na pyi ngai jin jin rai nga nngai,” ngu nna htan shangap wu ai.

GALATI 5:26

Anhte kaman lila grang nga nna, shada da jahte tam ai hte, shada da manawn masham ai, hkum rai nga ga.

HPILIPI 2:3

Ga law ga la ai, kaman lila grang ai hte hpa mung n galaw ai sha, myit nem nga let, langai hte langai tinang a hkum hta manang wa hpe shagrau sha-a nga mu.

1 TIMOHTI 4:8

kaning rai nme law, hkumhkrang hpe jahpan ai lam gaw akyu loi sha mi nga ai rai timung, tara hkungga ai myit gaw lam shagu hta akyu nga ai rai nna, ndai aprat hte rai timung, htawm hpang na prat hte rai timung, seng ai ga ndat rawng nga ai.

HEBRE 13:9

Sharin shaga ai lam tsasam amyu myu de hkum htawt hkum hkan myit: hkan nang ai ni a matu hpa akyu n shabyin ya lu ai shahpa lam hte n rai, chyeju lam hte she myit masin hpe shangang shakang lu na, mai kaja nga ai.