1 KORINHTU 13:2 - Jinghpaw Hanson Version Bible

² Ngai myihtoi chye htoi ai hte, sung ai ga yawng mayawng, chye chyang ai lam amyu myu hkum nga ai hte, bum hpe jasit lu hkra re ai makam masham rawng timung, tsawra ai myit n rawng yang gaw, ngai hpa n rai nga nngai.

Jinghpaw Common Language Bible 2009

² Ngai myihtoi chye htoi ai hte sung ai lam yawng mayawng, chye chyang ai hpaji amyu myu hkum nga ai hte bum hpe jasit kau lu hkra re ai makam masham rawng ti mung, tsaw ra myit n rawng yang gaw, ngai hpa n rai nga nngai.

1 KORINHTU 13:2 ပူးပေါင်းရင်းမြစ်များ

MAHTE 13:11

Shi htan nna, “Sumsing lamu a mungdan a sung htum ai lam ni hpe chye na shara, nanhte a matu hku nga malit dai; wora ni a matu chye na shara n hku malu ai.

MAHTE 17:20

Shi gaw, “Nanhte ai n kam myit dai majaw, n di lu mu ai; nanhte hpe ngai teng teng tsun made ai gaw; Kamsham ai myit chyinghkrang tum daram nanhte rawng nga myit yang gaw, ndai bum hpe, Wora de htawt sit mat u, ngu nna nanhte tsun mu yang, dai htawt sit mat na ra ai: nanhte n di lu na amu hpa mung n nga na re ai,” ngu nna shanhte hpe tsun mu ai.

MAHTE 21:19

Shaloi lam makau e tu ai maihpang hpun langai mi mu wu yang, dai de shi sa nna, dai hta e alap sha mu wu ai majaw, shi gaw, “Ya kaw nna prat dingsa e, nang hta asi n si n ga,” ngu nna tsun ai: maihpang hpun gaw dai ahkring sha e hkraw kyip mat wa ai.

MAHTE 21:21

Yesu gaw, “Nanhte hpe ngai teng teng tsun made ga, Nanhte kamsham ai myit rawng nna, kam shut ai hpa mung n lawm yang gaw, ndai maihpang hpun hta byin wa ai hta n-ga, nanhte galaw lu na hte, ndai bum hpe, Nang baw mat nna, nawng hta e htawt bang mat u, ngu nna nanhte tsun mu yang gaw, dai byin na ra ai.

KASA 13:1

Ya, Antioki mare na Hpung hta e, myihtoi ni, sara ni, nang nga ma ai: dai ni gaw, Barnaba, Nigera ngu ai Simun, Kureni masha Luki, Herod du wa kanawn kanau Manaen hte Shawlu hte rai nga ma ai.

ROMA 11:25

Dai rai nna, hpunau ni e, nanhte tinang a hpaji n machyu myit ga, ndai sung htum ai lam hpe nanhte n chye nga na, ngai n ra nngai; dai gaw, maigan amyu ni garai n shang hkum ai du hkra, Israela masha nkau mi myit shanuk kau ai hkrum ma ai, nga ai:

ROMA 15:14

Nye a hpunau ni e, nanhte nan lala kaja htum ai hte hpring tsup nga nna, chye chyang ai amyu myu htak rai nga ai hte, nanhte shada da sharin jep lu myit dai hpe, nanhte a lam ngai hkum nan kam da made ai.

ROMA 16:25

Amyu baw shagu makam masham a madat mara ai lu la hkra, htani htana Karai Kasang a matsun maroi ga majaw, myihtoi laika ni a jaw e kajai gara pri rai nga ai, chyi nma hpri nhpra e kyem da nhtawm,

1 KORINHTU 11:4

Kadai lasha mung akyu hpyi yang, shing n rai, myihtoi ga tsun nga ai shaloi e, baw magap nga a yang gaw, tinang baw a arawng jahpoi nga ai.

1 KORINHTU 12:28

Karai Kasang chyawm gaw nkau mi hpe dai Hpung hta e, langai ngu na hta kasa ni, lahkawng ngu na hta myihtoi ni, masum ngu na hta sara ni, dai hpang e lamik kumla galaw ai ni, dai hpang e machyi makaw shamai shatsai na chyeju lu ai ni, shingdep shingtau ai ni, salang bawmung ni hte ga amyu myu chye tsun ai ni, san tawn da manu ai.

1 KORINHTU 13:1

Ngai gaw masha a ga hte lamu kasa ni a ga amyu myu hpe chye tsun rai timung, tsawra ai myit n rawng yang gaw, mahku rawng ai sumseng hte, ngoi gara ai shupsheng sha ngai tai nga nngai.

1 KORINHTU 13:3

Nye a arai ni yawng hte hpe ngai gam kau nna, nye a hkum hpe pyi nat kau na matu ap kau rai timung, tsawra ai myit n rawng yang gaw; hpa akyu nga na n rai.

1 KORINHTU 13:8

Tsawra ai myit gaw galoi mung htak chye ai n rai: myihtoi chye htoi ai lam rai yang gaw, hkoi mat na ra ai: ga amyu myu chye tsun ai lam rai yang gaw, sim mat na ra ai; chye chyang ai lam rai yang gaw, hkoi mat na ra ai.

1 KORINHTU 14:29

Myihtoi lahkawng, shing n rai masum tsun dan nga nna, masha shaje ni gaw maram masam nga mu ga.

1 KORINHTU 14:39

Shing rai, nye a hpunau ni e, myihtoi chye htoi lu na myit marit nga mu; ga amyu myu hte tsun na mung hkum jet kau myit.

1 KORINHTU 14:4

Ga amyu myu chye tsun ai wa gaw, shi hkum dai sha shadaw shangang lu ai; myihtoi chye htoi ai wa chyawm gaw, dai Hpung hpe shadaw shangang lu ai.

1 KORINHTU 15:51

Yu mu, sung htum ai ga ngai nanhte hpe tsun dan made ga: anhte yawng yup pyaw mat na n rai;

1 KORINHTU 16:22

Marai langai ngai dai Madu hpe n tsaw n ra a yang gaw shi dagam dala hkrum u ga. Dai Madu du ru ga.

1 KORINHTU 4:1

Shing rai an gaw Hkristu a hkringmang ni hte Karai Kasang a sung htum ai lam ni a kunhting yan an rai nga ga ai, an a lam masha ni myit nga mu ga.

1 KORINHTU 7:19

Matu gadoi hkam ai gaw, hpa n rai nga ai; matu gadoi n hkam ai mung, hpa n rai nga ai: Karai Kasang a htet da ai lam hkan nang na chyu sha, akyu rai nga ai.

1 KORINHTU 8:4

Dai rai nna, sumla ni hpe nawng ai hkungga sha na lam gaw, sumla gaw ga ntsa e hpa n re ai sha rai nga ai hte, langai sha rai nga ai Karai Kasang hta kaga shaje n nga ai, anhte dum chye ga ai.

2 KORINHTU 12:11

Ngai gaw angawk angak tai wa nngai; nanhte mahtang ngai hpe tai shangun ma ni ai: kaning rai nme nga yang, nanhte a shakawn kungdawn na hpe ngai hkam ang nga nngai. Ngai gaw hpa n re ai wa rai nga nngai rai timung, kaba htum ai kasa ni lawu e loi mi sha pyi n grit nga nngai.

GALATI 5:16

Da ndai ngai tsun nngai gaw, Wenyi hte hkawm nga mu; shaloi hkum shan a marin ai lam hpe nanhte shadik na myit dai n rai.

GALATI 5:22

Wenyi a asi chyawm gaw tsawra ai, kabu gara ai, ngwipyaw ai, myit galu kaba ai, matsan dum ai, mai kaja ai, kangka ai,

GALATI 6:3

Hpa garai n re ai wa gaw, ngai mung langai ngai rai nga nngai, nga nna rai dum a yang gaw, tinang dai tinang hkum hpe hkalem kau wu ai.

EHPESU 3:4

dai ka da ai ga hpe hti yu myit yang, Hkristu hte seng ai sung htum ai lam hta, nye a chye chyang ai nyan, nanhte dum jahkrup lu na myit dai:

EHPESU 6:19

Dai kabu gara shiga a jaw e, hkang hkyihkyang hte hkang da ai kasa ngai rai nga timung, dai kabu gara shiga a sung htum ai lam hpe nden ja ai myit hte shana ya lu nna,

KOLOSE 1:26

Karai Kasang gaw nanhte a matu mara ngai hpe jaw da ai aya hte maren, dai Hpung a amu gun hpai ai wa, ngai tai nga nngai.

1 TIMOHTI 3:16

Karai Kasang hpe nawku hkungga ai lam a sung htum ai gaw, kaba la ai lam rai nga ai, nga nna ndang shara n nga ai: “Shi gaw hkum shan hta dan pru wa sai, Wenyi hta e dinghpring ai hkrum nu ai; Lamu kasa ni gaw shi hpe mu lu manu ai; Maigan ni kaw shi a lam hkaw dan manu ai; Mungkan ga gaw shi hpe kamsham masai, Hpung shingkang hta shalun ai shi hkrum nu ai.”

1 YAWHAN 4:8

Tsawra ai myit n rawng ai wa gaw, Karai Kasang hpe chye chyang wu ai n rai: kaning rai nme law, Karai Kasang gaw tsawra ai myit rai nga ai.