1 KORINHTU 13:12 - Jinghpaw Hanson Version Bible

¹² Ya gaw gumwai hku rai nga ai jamna shingna sha anhte naw mu nga ga ai; rai timung, dai shaloi e myi man yawng let mu na ra ga ai: ya gaw daw chyen mi sha ngai chye nngai; dai shaloi e, Karai Kasang ngai hpe chye chyang ai zawn, ngai mung chye na ring ngai.

Jinghpaw Common Language Bible 2009

¹² Ya anhte mu lu ai gaw, jamna kaw dan pru ai sumla ni hpe mu ai zawn n dan n leng ai hku sha mu ga ai. Hpang de anhte myi man chyaw mu lu na ga ai. Ya ngai chye ai gaw daw chyen mi sha rai nga ai; dai shaloi e, Karai Kasang ngai hpe chye chyang ai zawn, tsep kawp ngai mung chye chyang na ring ngai.

1 KORINHTU 13:12 ပူးပေါင်းရင်းမြစ်များ

NINGPAWT NINGHPANG 32:30

Yaku mung, Na a amying gaw hpa rai lit ta? ngai hpe tsun dan e, ngu nna san wu yang, dai wa gaw, Nye amying hpa rai san n ta? nga nna, dai yang e shi hpe shaman ya wu ai.

YOBA 19:26

Shing rai, nye ahpyi ashep ashin hkrum mat timung, nye a hkum shan hte nan, Karai Wa hpe mu lu na nngai.

YOBA 36:26

Yu u, Karai Wa gaw galu kaba nga ai rai nna, anhte shi hpe n chye ga ai; shi a asak shaning gade re ai kadai n dang gawn lu ai.

PRU MAT 33:11

Shing rai Yehowa gaw jinghku shada shachyen ai zawn Mawshe hte myi man hkrum rai nna shaga wu ai. Mawshe dai dap de bai shang wa ai, rai timung, shi a hkringmang, Nun a kasha Yawshu ngu ai shabrang gaw, dai sum na n pru ai naw nga nga ai.

EZEKELA 17:2

“Masha kasha e, Israela dap hpe gumwai ga hte ga shadawn hku tsun u;

BU HKAWM 12:8

shi hta ngai ga tsun yang gumwai ga hku ngai n tsun, ngai hkum nan hkra dan dan leng leng tsun na we ai; shi gaw Yehowa a hkrang mung mu lu na rai nga ai: dai rai nna, nye a shangun ma wa Mawshe hpe hpa rai mara shagun rip myit ta?” ngu wu ai.

MAHTE 18:10

Dai ma kaji langai mi hpe pyi nanhte n gawn n sawn n di kau myit ga, sadi nga mu: nanhte hpe ngai tsun made ga, Sumsing lamu kata e, shanhte a lamu kasa ni gaw, sumsing lamu na nye Wa a myi man hpe, galoi mung a mada nga ma ai.

MAHTE 5:8

Myit san seng ai ni gaw a lu ma ai; kaning rai nme law, shanhte gaw Karai Kasang hpe mu lu na maru ai.

YAWHAN 10:15

nye a sagu ni hpe ngai chye nngai, nye a sagu ni mung ngai hpe chye ma ai: sagu ni a matu mung, nye a asak ngai nawng ya kau nngai:

ROMA 8:18

Kaning rai nme law, ndai aprat na tsin-yam tsindam gaw, anhte kaw e shadan shapraw na ra ai hpung shingkang hte shadawn n ging nga ai, ngai myit nga nngai.

1 KORINHTU 13:11

Ngai ma kaji naw rai nga yang, ma ga ngai ga ai hte ma myit naw rawng nna, ma a myit mang ai hku naw taw nngai; ya ngai salang wa jang she, ma kaji a lam ngai shinggan kau nngai.

1 KORINHTU 8:3

langai ngai gaw, Karai Kasang hpe tsawra a yang gaw, Karai Kasang gaw shi hpe chye da wu ai.

2 KORINHTU 3:18

Anhte nlang hte chyawm gaw myi man a man magap kun di kau nna, dai Madu a hpung shingkang hpe jamna hta mada yu let, dai Madu ngu ai Wenyi a marang e, hpung shingkang htap mi hte htap mi lu la ai hte, shing re ai hkrang bung sumla hte nan galai mat mat rai nga ga ai.

2 KORINHTU 5:7

myi hte mu lu ai n re ai sha, makam masham a marang e anhte hkawm nga ga ai;

HPILIPI 3:12

Shing rai tsun yang, ngai ya e pyi lu la ni ai hte, ya e pyi hkum tsup rai nga ai hpe, ngai n tsun nngai; rai timung, dai akyu a lam a matu Hkristu Yesu ngai hpe hkap la ni ai hte maren, dai hpe ngai nan hkap la lu u ga, gat shachyut nngai.

YAKU 1:23

Dai mungga hpe na la nhtawm, nhkan galaw ai wa kadai mung, tinang a hkumhkrang a myi man hpe jamna hta e yu yu ai wa hte bung nga ai;

1 YAWHAN 3:2

Tsawra ai ni e, Karai Kasang a kashu kasha ni, anhte ya e rai nga ga ai rai nna, anhte hpa mi tai na, garai n dan pru nga ai: rai timung, shi dan pru nga yang, anhte shi hte bung na ga ai, anhte chye ga ai: kaning rai nme law, shi hkum hpe nan anhte mu lu na gaw ai.

SHINGRAN 22:4

shanhte gaw shi a myi man hpe ayu nga lu na mara ai rai nna, shanhte a lahtan ni hta shi a amying nsang kap na ra ai.