1 KORINHTU 12:3 - Jinghpaw Hanson Version Bible

³ Dai rai nna, Karai Kasang a Wenyi hte tsun ai wa kadai rai timung, Yesu gaw “ga sangam hkrum sha u ga” nga nna n tsun lu ai hte, Chyoi pra ai Wenyi e sha n rai yang gaw, “Yesu gaw Madu rai nga ai” kadai mung n tsun lu ai gaw, ngai nanhte hpe shachye shachyang made ai.

Jinghpaw Common Language Bible 2009

³ Kadai rai ti mung, Karai Kasang a Wenyi a lam woi awn ai hpe hkam la lu ai wa rai yang gaw, Madu Yesu hpe matsa mawa n nga lu ai. Chyoi pra ai Wenyi a lam madun woi awn ai hpe n hkam la lu ai rai yang, Madu Yesu gaw Madu rai nga ai nga nna kadai mung n yin la lu ai lam ngai nanhte hpe chye shangun mayu made ai.

1 KORINHTU 12:3 ပူးပေါင်းရင်းမြစ်များ

SHAKAWN KUNGDAWN 109:20

Ngai hpe hpyen ai ni hte, nye a lam n hkru ai ga tsun ai ni, Yehowa kaw na, shing re ai shabrai lu la mu ga.

MAHTE 22:43

Shanhte gaw, Dawi a Kasha rai nga ai, ngu mu ai. Bai, shi gaw, “Dai rai yang gaw, Dawi mahtang wenyi hta e shi hpe Madu nga nna, kaning rai nga lu a ta?

MARKU 9:39

Yesu mahtang, “Shi hpe hkum hkum myit: nye a amying hte magam amu galaw ai wa gaw, nye a lam hpe n kaja ai ga alawan tsun lu na, kadai mung n nga ai:

YAWHAN 13:13

Nanhte ngai hpe, Sara nga nna mung, Madu nga nna mung, hkungga myit dai: dai hte maren ngai rai nga nngai majaw, nanhte a ga mung rai la sai.

YAWHAN 13:14

Dai rai nna, Madu mung, Sara mung rai da ninglen, ngai pyi nanhte a lagaw kashin nngai rai yang gaw, nanhte mung, nanhte shada a lagaw mai kashin myit dai.

YAWHAN 15:26

Nye Wa kaw nna, nanhte hpang de ngai shangun dat ya na ring ngai, Shalan Shabran ai wa ngu ai, Wa kaw nna pru sa ai tengman ai a Wenyi du jang, shi gaw nye a lam sakse hkam ya na ra ai.

KASA 8:37

(Hpilip gaw, “Na a myit mahkra hte nang kamsham nit yang gaw hkam la mai ai,” ngu wu ai. Shi mung, “Yesu Hkristu Karai Kasang a kasha rai nga ai gaw, ngai kamsham ni ai,” ngu nna htan wu ai)

ROMA 10:9

shing rai, Yesu gaw Madu rai nga ai, nga nna na a n-gup ga hte tsun gara nna, Karai Kasang gaw si mat ai ni kaw na shi hpe hkrung sharawt la ai hpe, na a myit masin hta kamsham n yang gaw, nang hkye hkrang la ai hkrum na rin dai.

ROMA 9:3

Kaning rai nme law, nye a amyu baw re ai, nye a hpunau ni a matu mara, ngai hkum dai Hkristu hte hka nna dagam dala hkrum na hpe, hkam mayu hkra rai nga nngai:

1 KORINHTU 16:22

Marai langai ngai dai Madu hpe n tsaw n ra a yang gaw shi dagam dala hkrum u ga. Dai Madu du ru ga.

1 KORINHTU 8:6

rai timung, anhte a matu mara, Wa ngu ai, Karai Kasang langai sha rai nga ai rai nna, shi kaw nna yawng mayawng pru wa ai hte, shi a matu anhte rai nga ga ai; Yesu Hkristu ngu ai Madu mung langai sha rai nga ai rai nna, shi a marang e yawng mayawng rai nga ai hte, shi a majaw anhte rai nga ga ai.

2 KORINHTU 11:4

Kaning rai nme law, nanhte kaw sa du ai wa gaw, anhte n hkaw dan ai Yesu kaga a lam shi hkaw dan nna, nanhte n hkam la ai Wenyi kaga hpe nanhte hkam la myit dai hte, nanhte n hta la ai kabu gara shiga kaga hpe hta la myit yang gaw, shi a lam nanhte gaja wa sharang nga myit dai.

2 KORINHTU 3:5

Rai timung, anhte gaw tinang atsam machyu nna me, anhte nan hpa hpaji daw lu ga ai n rai; anhte a ging ram ai atsam gaw Karai Kasang kaw nna rai nga ai;

GALATI 3:13

Hpun hta e jen da hkrum ai wa kadai rai timung dagam dala hkrum ai wa rai nga ai, nga nna ka da nga ai hte maren, Hkristu gaw anhte a matu mara dagam dala hkrum ai wa tai wa ai majaw jep ai tara a dagam dala kaw na anhte hpe hkrang shaw la mi ai:

TARA JAHPRANG 21:23

na a Karai Kasang Yehowa nang hpe sali wunli jaw ai mungdan awu asin n hkrum na matu, dai wa a si mang hpe dai shani jang, ga hta teng teng lup kau na rai ndai; hpun hta shana tup noi da lu na n rai: kaning rai nme law, noi kau hkrum ai wa gaw, Karai Kasang kaw na dagam dala hkrum ai wa rai nga ai.

SHINGRAN 1:10

Dai Madu a nhtoi hta e Wenyi hta ngai nawng mat wa ai rai nna, Nang mu ai hte maren laika hta ka la nhtawm, Ehpesu, Samurna, Pergamu, Htuatira, Sardi, Hpiladehpi hte Ladoki mare ni hta nga ai,