1 KORINHTU 12:11 - Jinghpaw Hanson Version Bible

¹¹ dai lam yawng hte chyawm gaw, dai Wenyi langai sha e nan shabyin wu ai rai nna, shi myit ra ai hte maren, langai hte langai hte hpe karan kachyan shagu mu ai.

Jinghpaw Common Language Bible 2009

¹¹ Rai ti mung dai chyeju atsam yawng mayawng hte chyawm gaw, dai Wenyi langai sha e nan shabyin wu ai rai nna, shi myit ra ai hte maren, shi gaw langai hte langai hpe laklai ai chyeju atsam kumhpa kaga ga garan kachyan shagu wu ai.

1 KORINHTU 12:11 ပူးပေါင်းရင်းမြစ်များ

Daniela 4:35

mungkan masha ni yawng mayawng shi a man e hpa mi n rai nga ai: sumsing lamu na luksuk laba ni hta mung, mungkan ga e shanu ai ni hta mung, shi galaw mayu ai hte maren galaw nna, shi a lata hpe hkum da ai wa n nga ai: “Nang hpa galaw nga n ta?” nga nna shi hpe tsun lu ai wa kadai mung n nga ai.

MAHTE 11:26

rai sa, Wa e, nang tsaw ai hku, ndai rai nga lit dai.

MAHTE 20:15

Nye arai hpe ngai di mayu ai hte maren, n mai di a ni? Ngai mai kaja nga nngai majaw, na a myi akrawn nga lit ni? ngu nna htan wu ai.

YAWHAN 3:27

Shaloi Yawhan gaw, “Sumsing lamu de na jaw ai sha n rai yang gaw, masha gaw hpa mung n lu la lu ai.

YAWHAN 3:8

Nbung gaw bung wa mayu ai de bung wa nna, de a wu ai nsen hpe nang na dat wu timung, kanang na bung wa nna, gade rai wa ai gaw, nang n chye dat ndai; dai hte maren, Wenyi e shangai ai masha shagu mung shing rai nga ai,” ngu nna htan wu ai.

YAWHAN 5:21

Kaning rai nme law, Kawa gaw si ai ni hpe sharawt nna jahkrung ya ai hte maren, Kasha wa mung shi ra mara ni hpe jahkrung ya wu ai.

ROMA 12:6

Shing rai anhte hpe karan jaw ai chyeju majaw, langai hte langai gaw chyeju kumhpa kaga ga lu la ga ai hte maren, myihtoi htoi ga yang gaw, anhte a makam masham ang ai hte maren htoi ga;

ROMA 9:18

Dai rai nna, kadai hpe mung, chyeju galaw mayu yang galaw nga ai, kadai hpe mung myit shaja mayu yang, shaja ya nga ai.

1 KORINHTU 12:18

Ya chyawm gaw, Karai Kasang gaw shi ra ai hte maren, daw shan ni langai hte langai hte hpe dai hkumhkrang hta shachyaw tawn mu ai.

1 KORINHTU 12:4

Ya, chyeju kumhpa amyu myu nga timung, dai Wenyi gaw langai sha rai nga ai;

1 KORINHTU 12:6

magam atsam shapraw na lam amyu myu nga timung, yawng mayawng hta e arai yawng mayawng hpe shabyin ai Karai Kasang gaw langai sha rai nga ai.

1 KORINHTU 7:17

Dai Madu gaw langai hte langai hpe karan jaw nna, Karai Kasang gaw langai hte langai hte hpe shaga da mu ai hte maren, shi naw hkawm nga u ga. Hpung shagu hta e ndai lam ngai hkang da nngai.

1 KORINHTU 7:7

Masha yawng mayawng ngai zawn rai na ngai ra nngai; rai timung, langai hte langai gaw Karai Kasang kaw na tinang a chyeju kumhpa lu la shajang ma ai; marai langai mi gaw amyu langai mi, kaga gaw amyu kaga lu la shajang ma ai.

2 KORINHTU 10:13

Anhte chyawm gaw shalai nna gumrawng ga ai n re ai sha, nanhte kaw pyi du dep lu hkra rai u ga she, Karai Kasang gaw anhte hpe shadawn sharam da ai jarit hpe tau yu nna sha, gumrawng lu ga ai.

EHPESU 1:11

Rai sa, shi hta e gumhpawn da na ru ai: shing rai Hkristu hta e shawng myit mada nga ai ni anhte gaw, shi a hpung shingkang hpe shakawn kungdawn nga lu u ga,

EHPESU 4:7

Dai hta kaga, Hkristu a kumhpaw kumhpa hpe sharam ya mi ai hte maren, anhte langai hte langai hte hpe dai chyeju ren di mi ai.

HEBRE 2:4

Karai Kasang mung shi myit ra ai hte maren, lamik kumla, mauhpa amu, atsam rawng ai amu amyu myu hte mung, Chyoi pra ai Wenyi a karan jaw ai chyeju kumhpa hte mung, shanhte hte rau sakse dan ya ai.

YAKU 1:18

Shi hpan tawn da ai amyu baw ni hta e, anhte alat amyu zawn tai wa u ga, shi myit ra ai hku hkan let dai dingman ai mungga hte shi anhte hpe shaprat dat mi ai.