1 KORINHTU 12:10 - Jinghpaw Hanson Version Bible

¹⁰ kaga wa hpe lamik kumla galaw dan na ahkang; kaga wa hpe myihtoi htoi na ahkang; kaga wa hpe wenyi ni hpe chye ginhka na ahkang; kaga wa hpe ga amyu myu chye tsun na ahkang; kaga wa hpe ga amyu myu a ga lachyum shapraw dan na ahkang, jaw shajang mu ai:

Jinghpaw Common Language Bible 2009

¹⁰ Dai Wenyi nan kaga wa hpe lamik kumla galaw dan na atsam; kaga wa hpe myihtoi htoi na ahkang; kaga wa hpe Wenyi kaw na jaw ya ai chyeju atsam hte re ai n re ai hpe chye ginhka hparan lu ai atsam, kaga wa hpe ga amyu myu chye tsun na atsam, bai kaga wa hpe tsun ai ga a lachyum hpe htai sanglang dan lu ai atsam jaw shajang mu ai.

1 KORINHTU 12:10 ပူးပေါင်းရင်းမြစ်များ

YOELA 2:28

Dai hte a hpang e ngai gaw, ashan yawng a ntsa e nye a Wenyi hpe ru jaw nna, nanhte a shayi shadang sha ni myihtoi htoi na mara ai; nanhte a dingla ni yup mang mu na mara ai; nanhte a brang ram ni shingran mu na mara ai;

MARKU 16:17

Kamsham ai ni madun dan lu na lamik kumla gaw, da ndai ni rai nga ai: Shanhte nye a amying hte nat ni hpe shaden kau lu na mara ai; ga amyu kaga ga mung, tsun dan lu na mara ai;

MARKU 16:20

Shanhte mung hkawm sa nna, shara shagu hkan e hkaw dan mu ai: dai Madu shanhte hte shingdep nna, shabyin lu ai lamik kumla ni hte dai mungga hpe shagrin ya mu ai.

LUKA 24:49

Yu mu, nye Wa a ga ndat nanhte a ntsa e ngai shangun dat na ring ngai: nanhte chyawm gaw, matsaw ningtsang de na n-gun atsam dagraw la lu ai nhtoi du hkra, ndai mare e naw la nga ma la,” ngu nna shanhte hpe tsun dat mu ai.

YAWHAN 14:12

Nanhte hpe ngai gaja wa teng teng tsun made ai gaw, Ngai hpe kamsham ai wa gaw, ngai galaw ai amu lu galaw na ra ai; dai hta grau kaba ai amu mung, lu galaw na ra ai: kaning rai nme law, ngai gaw Wa hpang de wa na nngai.

YAWHAN 16:13

Rai timung, dai tengman ai Wenyi du sa jang, shi gaw tengman ai lam yawng mayawng nanhte hpe madun na ra ai: dai wa gaw shi a myit hte tsun na ra ai n rai; na la lu ai hte made tsun dan na ra ai: htawm hpang de byin na ra ai lam mung, shi nanhte hpe tsun dan na ra ai.

KASA 1:8

rai timung, Chyoi pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga htum hkra, nye a sakse ni tai na marin dai,” ngu nna shanhte hpe tsun mu ai.

KASA 11:27

Dai nhtoi hte hta myihtoi nkau mi Yerusalem kaw nna, Antioki de sa du ma ai.

KASA 11:28

Dai ni hta na Agabu ngu ai wa rawt nna, ga ntsa ting hta hku wa kaba wa na ra ai lam, Wenyi madun ai hte tsun dan mu ai; dai gaw hkawhkam Klawdi a aprat e byin wa sai.

KASA 19:6

Ya Pawlu shanhte a ntsa e lata mara jang, Chyoi pra ai Wenyi shanhte a ntsa e du nna, shanhte ga amyu kaga tsun nna myihtoi htoi ma ai.

KASA 5:3

Dai rai nna Petru gaw, “Anani e, Chyoi pra ai Wenyi hpe masu kau na hte, ga jahpu hta na kau mi ip da na gaw, hpa majaw Satan na a myit jahpring ya lu a ta?

ROMA 12:6

Shing rai anhte hpe karan jaw ai chyeju majaw, langai hte langai gaw chyeju kumhpa kaga ga lu la ga ai hte maren, myihtoi htoi ga yang gaw, anhte a makam masham ang ai hte maren htoi ga;

ROMA 15:19

Shing rai, dai ni hpe tau yu nna, Yerusalem kaw na Ituri mung ginwang grup hkra, Hkristu a kabu gara shiga ngai hkaw jahproi dan ni ai.

1 KORINHTU 11:4

Kadai lasha mung akyu hpyi yang, shing n rai, myihtoi ga tsun nga ai shaloi e, baw magap nga a yang gaw, tinang baw a arawng jahpoi nga ai.

1 KORINHTU 13:8

Tsawra ai myit gaw galoi mung htak chye ai n rai: myihtoi chye htoi ai lam rai yang gaw, hkoi mat na ra ai: ga amyu myu chye tsun ai lam rai yang gaw, sim mat na ra ai; chye chyang ai lam rai yang gaw, hkoi mat na ra ai.

1 KORINHTU 14:13

Dai rai nna ga amyu myu tsun ai wa gaw, ga lachyum mung shapraw lu na matu akyu hpyi nga u ga.

1 KORINHTU 14:39

Shing rai, nye a hpunau ni e, myihtoi chye htoi lu na myit marit nga mu; ga amyu myu hte tsun na mung hkum jet kau myit.

GALATI 3:5

Dai hta n-ga, nanhte hpe dai Wenyi shun di ya nna, nanhte a ka-ang e lamik kumla galaw ai wa gaw, jep ai tara a magam bungli hte, shing n rai, dai makam masham a lam na la ai majaw, shabyin lu ai rai kun?

1 HTESALONI 5:20

myihtoi htoi ai lam hpe n kaw n law hkum di myit.

HEBRE 2:4

Karai Kasang mung shi myit ra ai hte maren, lamik kumla, mauhpa amu, atsam rawng ai amu amyu myu hte mung, Chyoi pra ai Wenyi a karan jaw ai chyeju kumhpa hte mung, shanhte hte rau sakse dan ya ai.

1 YAWHAN 4:1

Tsawra ai ni e, wenyi shagu hpe hkum kam nga myit; dai wenyi ni Karai Kasang kaw na rai nga ma ai kun, chyam yu nga mu; kaning rai nme law, masu ai myihtoi law law wa, mungkan ga de sa wa masai.

SHINGRAN 2:2

Na a arawn alai, na a amu bungli hte na a hkam sharang ai hpe mung, n hkru n hkra re ai masha hpe nang n hkam lu ndai mung, kasa n re ai kasa hpyi hpun ai ni hpe nang san dinglik yu nna, shanhte a masu ai hpe shadan kau ya lu ndai mung, ngai chye nga nngai.