1 KORINHTU 11:6 - Jinghpaw Hanson Version Bible

⁶ Numsha gaw baw n magap na rai yang, kara mung doi kau u ga; rai timung, kara doi na, shing n rai, baw shangun na gaw, numsha a matu arawng jahpoi ai lam rai nga yang gaw shi baw magap u ga.

Jinghpaw Common Language Bible 2009

⁶ Numsha gaw baw n magap na rai yang, kara mung doi kau u ga; rai ti mung, kara doi na, shing n rai, baw shangun na gaw, numsha a matu arawng jahpoi ai lam rai nga yang gaw, shi baw magap nga u ga.

1 KORINHTU 11:6 ပူးပေါင်းရင်းမြစ်များ

BU HKAWM 5:18

Shing rai hkinjawng wa gaw dai numsha hpe Yehowa man e woi tawn nna, kara hpyan ayai kau ya nhtawm, myit machyi shadung kumhpa ngu ai kamang shadung hpe shi a lata hta lang shangun na rai wu ai: ari jahkrum ai ntsin hka hpe gaw, hkinjawng wa shi a lata hta lang na rai wu ai.

KASA 18:18

Dai hpang Pawlu gaw, dai yang nhtoi tsawmra wa na hkra naw nga nga nhtawm, hpunau ni hpe shakram da nna, li jawn let Suri mung de sa wa ai; Priskila yan Akula shan la mung, shi hte rau rai nga ma ai; shawng e ga shaka da ai ga nga lu ai majaw, Kenhkrea mare e baw doi wu ai.

1 KORINHTU 11:5

Kadai numsha mung, akyu hpyi yang, shing n rai myihtoi ga tsun nga ai shaloi e, baw n magap a yang gaw, tinang baw a arawng jahpoi nga ai; kaning rai nme law, dai lam gaw baw shangun ai hte langai sha nga ai.

1 KORINHTU 11:7

Lasha chyawm gaw, Karai Kasang a hkrang bung sumla hte hpung shingkang rai nga ai majaw, baw magap na n sut nga ai: numsha mahtang gaw, lasha a hpung shingkang rai nga ai.

TARA JAHPRANG 22:5

Numsha gaw ala a hpun palawng bu hpun lu na n rai; lasha mung anum hpun palawng bu hpun lu na n rai: dai lam galaw ai ni gaw na a Karai Kasang Yehowa a man e matsat shabat rai nga ma ai.