1 KORINHTU 11:4 - Jinghpaw Hanson Version Bible

⁴ Kadai lasha mung akyu hpyi yang, shing n rai, myihtoi ga tsun nga ai shaloi e, baw magap nga a yang gaw, tinang baw a arawng jahpoi nga ai.

Jinghpaw Common Language Bible 2009

⁴ Kadai lasha mung akyu hpyi yang, shing n rai, shawa nawku hpawng hta Karai Kasang a mungga htawn tsun ai shaloi, baw magap nga a yang gaw, tinang a baw a arawng jahpoi nga ai.

1 KORINHTU 11:4 ပူးပေါင်းရင်းမြစ်များ

2 SAMUELA 15:30

Dawi mung, hkrap let, baw htinggrum nna kyepdin raw kau nhtawm Tsanlun bum de lung wa nga ai; shi kaw hkan nang ai ni nlang hte mung, baw htinggrum nna hkrap let hkan lung wa ma ai;

2 SAMUELA 19:4

Hkawhkam wa mung myi man magap kau nna, Ngai sha Absalom e, Absalom e, ngai sha, ngai sha! Nga nna shabam hkrap nga ai.

MIHKA 7:6

kaning rai nme law, kasha gaw kawa a arawng jahpoi nga ai; shayi sha gaw kanu hpe, kanam gaw shi a kamoi hpe hkap daw nga ai; tinang hpe hpyen ai ni gaw, tinang a nta na ni rai nga ma ai.

KASA 13:1

Ya, Antioki mare na Hpung hta e, myihtoi ni, sara ni, nang nga ma ai: dai ni gaw, Barnaba, Nigera ngu ai Simun, Kureni masha Luki, Herod du wa kanawn kanau Manaen hte Shawlu hte rai nga ma ai.

1 KORINHTU 11:14

Lasha gaw kara madat yang, shi a matu arawng hpoi ai lam rai nga ai gaw, hking madung hta nanhte hpe madun nga ai n rai ni?

1 KORINHTU 11:5

Kadai numsha mung, akyu hpyi yang, shing n rai myihtoi ga tsun nga ai shaloi e, baw n magap a yang gaw, tinang baw a arawng jahpoi nga ai; kaning rai nme law, dai lam gaw baw shangun ai hte langai sha nga ai.

1 KORINHTU 12:10

kaga wa hpe lamik kumla galaw dan na ahkang; kaga wa hpe myihtoi htoi na ahkang; kaga wa hpe wenyi ni hpe chye ginhka na ahkang; kaga wa hpe ga amyu myu chye tsun na ahkang; kaga wa hpe ga amyu myu a ga lachyum shapraw dan na ahkang, jaw shajang mu ai:

1 KORINHTU 12:28

Karai Kasang chyawm gaw nkau mi hpe dai Hpung hta e, langai ngu na hta kasa ni, lahkawng ngu na hta myihtoi ni, masum ngu na hta sara ni, dai hpang e lamik kumla galaw ai ni, dai hpang e machyi makaw shamai shatsai na chyeju lu ai ni, shingdep shingtau ai ni, salang bawmung ni hte ga amyu myu chye tsun ai ni, san tawn da manu ai.

1 KORINHTU 13:2

Ngai myihtoi chye htoi ai hte, sung ai ga yawng mayawng, chye chyang ai lam amyu myu hkum nga ai hte, bum hpe jasit lu hkra re ai makam masham rawng timung, tsawra ai myit n rawng yang gaw, ngai hpa n rai nga nngai.

1 HTESALONI 5:20

myihtoi htoi ai lam hpe n kaw n law hkum di myit.