1 KORINHTU 11:32 - Jinghpaw Hanson Version Bible

³² Tara dara ai hkrum ga yang mung, mungkan masha ni hte rau dawdan ai n hkrum u ga she, dai Madu a lata hte anhte sharin achyin ai hkrum ga ai.

Jinghpaw Common Language Bible 2009

³² Rai ti mung, anhte hpe ndai zawn Karai Kasang e jeyang daw dan nna ari jaw ai lam gaw, anhte hpe mungkan masha ni hte rau daw dan n hkrum shangun na matu sharin shaga ai lam rai nga ai.

1 KORINHTU 11:32 ပူးပေါင်းရင်းမြစ်များ

2 SAMUELA 7:14

Ngai gaw shi a kawa tai nna, shi gaw nye a kasha rai na ra ai: shi n shawp ai amu galaw yang, shinggyim masha lang ga ai lasik hte ngai sharin na we ai; shinggyim masha kayat ai hku kayat na we ai:

SHAKAWN KUNGDAWN 118:18

Yehowa ngai hpe ari ahpri jaw timung, Si ai de ngai hpe ap kau ni ai, n rai.

ESAIA 1:5

Nanhte ari naw hkrum hkra, hpa majaw gumlau shanang nga myit ta? baw ting hpye nga ai, kraw lawang mung, gawng kya nga ai.

YEREMIA 7:28

Dai rai nna nang gaw, Ndai amyu gaw tinang a Karai Kasang Yehowa a nsen hpe n madat ai hte, sharin achyin n hkam la ai amyu, kangka hpe jahten nna, tengman ai ga n chye tsun ai amyu rai nga ai, ngu nna shanhte hpe tsun u.”

ZEHPANI 3:2

Shi gaw Yehowa nsen hpe, n madat nga ai; sharin achyin ai, n hkam la nga ai; Yehowa hpe shamyet shanat nga ai, n rai; shi a Karai kasang hpang de sit wa ai, n rai.

ROMA 3:19

N-gup yawng mayawng hpe sha-ip kau lu nna, mungkan ting hte gaw Karai Kasang a man e mara rawng ai tai nga mu ga, jep ai tara hta tsun matsun hte, jep ai tara npu e nga ai ni hpe a tsun nga ai gaw, anhte chye nga ga ai:

ROMA 5:16

Bai, marai langai mi a yubak galaw ai lam zawn, dai kumhpaw kumhpa lam rai nga ai n rai; kaning rai nme law, dawdan shangun hkra, yubak langai mi a majaw tara dara na lam pru wa timung, dinghpring lu la hkra, tawt lai shajang ai law law a jaw e, dai chyeju kumhpa pru wa sai.

1 KORINHTU 1:20

Hpaji byeng-ya rawng ai wa kanang nga a ta? laika ka ai sara kanang nga a ta? ndai mungkan ga na bawmung wa kanang nga a ta? Mungkan ga a hpaji byeng-ya hpe, Karai Kasang shangawk shangak kau ya nu ai, n rai ni?

1 KORINHTU 1:21

Kaning rai nme law, Karai Kasang hpaji daw ai hte maren, mungkan ga gaw tinang a hpaji byeng-ya hte Karai Kasang hpe n chye lu ai majaw, angawk angak ngu ai hkaw dan ai ga hte kamsham ai ni hpe hkye hkrang la na, Karai Kasang ra ai hku rai nga ai.

1 KORINHTU 11:30

Dai re ai majaw nanhte hta law law wa n-gun n ja ai hte ana ahkya hkrum nna, tsawmra wa nsa hkyet mat manit dai.

1 KORINHTU 11:31

Anhte gaw tinang dai hpe gawn dinglik ga yang gaw, tara dara ai n hkrum na ga ai.

1 KORINHTU 11:33

Dai rai nna, nye a hpunau ni e, lu sha na matu nanhte zuphpawng nga myit yang gaw, shada da ala nga mu.

TARA JAHPRANG 8:5

kawa gaw kasha hpe sharin shaga ai zawn, na a Karai Kasang Yehowa nang hpe sharin la nit dai gaw, na kraw lawang hta matsing gun nga u.

1 TIMOHTI 1:20

Shanhte hta Humeni yan Alesandru lawm ma ai rai nna, shan gaw shatan nhkan ga koi gam nga na sharin la mu ga, ngai shan hpe Satan a lata de ap kau mase ai.

1 YAWHAN 5:19

Anhte gaw Karai Kasang kaw na rai nga ga ai, rai nna, mungkan ting gaw dai n hkru ai wa hta e lup mat wa ai hpe, anhte chye nga ga ai.

SHINGRAN 3:19

Ngai tsaw matsaw kadai hpe mung, ngai mara madun nna daru sharin ga nngai. Dai re ai majaw, dum hprang let nga u, myit malai lu u.