1 KORINHTU 11:24 - Jinghpaw Hanson Version Bible

²⁴ shakawn ngut jang, ahkyep alep nhtawm, “Ndai gaw nanhte a matu mara nye a hkum rai nga li ai; ngai hpe adum nga na matu ndai galaw mu,” ngu nna tsun mu ai.

Jinghpaw Common Language Bible 2009

²⁴ chyeju shakawn ngut jang, muk hpe ahkyep alep nhtawm, “Ndai gaw nanhte a matu ya kau ai nye a hkum rai nga li ai, ngai hpe adum nga na matu ndai galaw mu,” ngu nna tsun mu ai.

1 KORINHTU 11:24 ပူးပေါင်းရင်းမြစ်များ

SHAKAWN KUNGDAWN 111:4

Shi a mauhpa amu hpe matsing lu na matu, Shi gaw masat dingsat tawn da nu ai; Yehowa gaw matsan dum ai hte chyeju jaw na myit rawng nga ai.

SHAKAWN KUNGDAWN 22:26

Matsan mayan ni hkru kat hkra lu sha lu na mara ai, Yehowa hpe hkan tam ai ni, shi hpe shakawn na mara ai; Nanhte a myit masin tutnawng e ahkrung nga malit ga.

SHAKAWN KUNGDAWN 22:29

Ga ntsa na lu su ai ni nlang hte gaw, lu sha nna nawku na mara ai; Nhpu hta shang nna tinang a asak hpe n bau lu ai ni nlang hte mung, shi a man e, dingnyawm na mara ai.

PRU MAT 12:14

“Dai nhtoi gaw nanhte adum nga na nhtoi tai na ra ai rai nna, dai hta e Yehowa a matu poi galaw na rai myit dai: dai gaw prat dingsa na matsun maroi rai nga ai rai nna, dai poi hpe prat mi hte prat mi nanhte a galaw nga na rai myit dai.”

PRU MAT 28:12

Dai nlung lahkawng hpe, hpa hkai lawng a hpa hkai yan hta nang shakap da na rai wu ai; dai gaw Israela kashu kasha ni a matu masat dingsat nlung rai na rai nga ai: Arun gaw shadum jahprang nga na matu dai hpe shi a lahpa lahkawng hta shanhte a amying Yehowa a man e hpai ya nga na rai wu ai.

GA SHAGAWP 9:5

Nye a muk hpe sha mu, Ngai kayau ai tsabyi jahku hpe lu mu.

Shawlumon A Mahkawn Ga 1:4

Ngai hpe dun la e; nang hpang de anhte hprawng na ga ai: Hkawhkam wa gaw, shi yup gawk de ngai hpe jashawn timung, Na a majaw anhte kabu gara nna pyaw wa na ga ai; Na a sumtsaw sumra hpe tsabyi jahku hta grau shakawn na ga ai: gaja wa teng teng shanhte nang hpe tsawra nga ma ai.

Shawlumon A Mahkawn Ga 5:1

Ngai jan, nye num ningnan e, nye sun de ngai shang ni ai: Nye mura hte manam pyaw ai baw ngai di la ni ai; Nye gitbaw hte lagat jahku hpe, ngai sha lu ni ai; Nye nga chyu hte rau lagat jahku hpe ngai lu lu ni ai: Makyin jinghku ni e, sha mu; Tsawra ai ni e, lu mu, hkru hkra lu mu.

ESAIA 25:6

Zaw nawng zaw wa up ai Yehowa gaw ndai bum ntsa e amyu baw yawng a matu sau ai lusha hte tsabyi machyan poi galaw na ra ai; dai poi hta laswi hpring ai sau ai baw hte, jet ai tsabyi machyan dingsa lusha na mara ai.

ESAIA 26:8

Rai sa, Yehowa e, nang tara dara ai lam hta hkan sa let, anhte nang hpe myit mada nga ga ai; anhte a myit masin gaw, na a dan hkung ai amying shingteng hpe marit nga ai;

MAHTE 26:13

Nanhte hpe ngai teng teng tsun made ai gaw, Ndai kabu gara shiga hpe mungkan ga ting shara shagu hkan e hkaw dan nga yang, ndai numsha a masat dingsat tai na matu, shi galaw ai amu ngu nna hkai dan na maru ai,” ngu nna shanhte hpe tsun mu ai.

1 KORINHTU 11:23

Kaning rai nme law, ngai nanhte hpe ap da made ai gaw, dai Madu kaw na ngai hkam la se ai: dai gaw, Madu Yesu gaw ap kau hkrum ai shana e muk la nna,

1 KORINHTU 11:25

Dai hte maren, shana shat sha ngut jang, dai gawm hpe mung shi la nhtawm, “Ndai gawm gaw nye a asai hta gaw da ai ga shaka nnan rai nga ai; nanhte galoi mung lu yang, ngai hpe adum nga na matu ndai galaw mu,” ngu nna tsun mu ai.

YAWSHU 4:7

dai rai nna, nlung dai ni gaw, Israela kashu kasha ni matu prat dingsa dum nga na masat dingsat tai na ra ai,” ngu mu ai.