1 KORINHTU 11:17 - Jinghpaw Hanson Version Bible

¹⁷ Ya dai hku tsun timung, nanhte gaw akyu jat na matu zuphpawng myit dai n rai, akyu yawm na hku sha zuphpawng myit dai majaw, ngai nanhte hpe shakawn da made ai n rai.

Jinghpaw Common Language Bible 2009

¹⁷ Nanhte nawku daw jau na matu hpawng ai zuphpawng ni gaw kaja wa akyu jat na matu hpawng myit dai n rai, akyu yawm na hku hpawng myit dai majaw, lawu de na matsun da ai lam ni hta ngai nanhte hpe shakawn made ai n rai.

1 KORINHTU 11:17 ပူးပေါင်းရင်းမြစ်များ

GA SHAGAWP 27:5

Dan dan leng leng shadum jahprang ai gaw, Atsin sha tsawra ai hta, grau mai nga ai.

JAW JAU 19:17

Na a hpunau wa hpe n dawng n yawt rai lu na n rai: na a manang wa lu ai mara nang hta n hkra hkra, nang shi hpe teng teng shadum jahprang na rai ndai.

ROMA 13:3

Kaning rai nme law, du ni gaw kaja ai bungli a matu mara hkrithpa tai ma ai n rai; n kaja ai a matu mara hkrithpa rai ma ai. Ahkang aya lu ai wa hpe n hkrit mayu ai nga na myit ni? Mai kaja ai bungli galaw u, shing rai jang shi nang hpe shakawn kungdawn na rin dai:

1 KORINHTU 11:2

Nanhte gaw lam shagu hta e ngai hpe adum nga nna, ngai nanhte hpe dai matsun maroi ga madat da ai hte maren, nanhte hkan sharau myit dai majaw, ngai nanhte hpe shakawn made ai.

1 KORINHTU 11:20

Dai re ai majaw, nanhte rau zuphpawng ai shaloi, dai Madu a shana shat sha na matu hpawng nga myit dai n rai:

1 KORINHTU 11:22

Ataw, sha na lu na matu tinang a nta n lu myit ni? shing n rai, nanhte Karai Kasang a Hpung hpe n gawn n sawn di nna, n lu n su ai ni hpe kaya jahkrum myit ni? Nanhte hpe ngai kaning ngu tsun na i? ngai nanhte hpe shakawn lu na kun? Ndai lam hta ngai nanhte hpe shakawn da na made ai, n rai.

1 KORINHTU 11:34

Nanhte a zuphpawng ai gaw tara dara hkrum na matu n rai u ga, masha langai ngai kawsi nga a yang gaw, nta e naw sha la u ga. Galoi rai tim ngai du yang she, naw ngam ai lam hte hpe ngai hkan shachyip na we ai.

1 KORINHTU 14:23

Dai rai nna, dai Hpung ting zuphpawng nga nna, nlang hte gaw ga amyu myu hte tsun shajang nga ma yang, n chye na ai ni, shing n rai, n kam n sham ai ni, shang lawm ma yang gaw, nanhte mana bu myit dai, nga na ma ai, n rai ni?

1 KORINHTU 14:26

Shaloi, hpunau ni e, kaning rai na rai ta? Nanhte zuphpawng nga myit yang, langai hte langai shakawn kungdawn ga, sharin achyin ga, shingran ga, ga amyu myu hte ga amyu a lachyum shapraw ai ga lu la shajang mai nga ai: lam shagu gaw shadaw shangang na matu byin nga u ga.

HEBRE 10:25

nkau mi wa htung nga ai zawn, anhte gaw tinang a zuphpawng ai lam hpe n koi n kau ai sha, shada da hpe shadum jahprang nga ga: dai nhtoi du magang ra ai hpe, nanhte chye myit dai majaw, shing rai shadum jahprang shara grau nna rai nga ai.

1 PETRU 2:14

tsaw htum nga ai hkawhkam a npu e rai timung, n hkru ai ni hpe dawdan na hte, kaja ai amu galaw ai ni hpe awlaw na matu mara, shi san dat ai munggyi ni a npu e rai timung, ataw nga mu: