1 KORINHTU 10:17 - Jinghpaw Hanson Version Bible

¹⁷ Kaning rai nme law, anhte law law wa rai ga timung, muk tawng langai sha rai nga ai hte, anhte yawng dai muk tawng langai sha hta jawm sha ga ai majaw, anhte hkumhkrang langai sha rai nga ga ai.

Jinghpaw Common Language Bible 2009

¹⁷ Hpa majaw nga yang, muk tawng gaw langai sha rai nga ai, dai muk tawng langai sha hpe jawm garan sha ga ai majaw, anhte law law wa rai nga ga ti mung, hkum hkrang langai sha rai nga ga ai.

1 KORINHTU 10:17 ပူးပေါင်းရင်းမြစ်များ

ROMA 12:5

law law rai nga ga ai anhte mung, Hkristu hta hkumhkrang langai sha tai nna, langai hte langai shada da a daw shan ni rum nga ga ai.

1 KORINHTU 10:21

Dai Madu a gawm hte nat ni a gawm hpawn, nanhte lu lu na myit dai n rai; dai Madu a sha ku hte nat ni a sha ku hta rau nanhte shang sha lu na myit dai n rai.

1 KORINHTU 12:12

Dai hta kaga, dai hkumhkrang gaw langai sha rai nga nna, daw shan law law lu ai hte, dai hkumhkrang a daw shan ni yawng hte gaw law law rai nga timung, hkumhkrang langai sha tai nga ai hte maren, Hkristu mung dai zawn rai nga ai.

1 KORINHTU 12:27

Ya nanhte gaw Hkristu a hkumhkrang rai nga ai hte, langai hte langai de a daw shan ni rai nga myit dai.

EHPESU 3:6

ndai aprat e shi a chyoi pra ai kasa ni hte myihtoi ni kaw Wenyi e shadan dan ai hte maren, moi shawng na aprat ni hta e shinggyim masha ni kaw n shana ya mu ai, rai nga ai.

EHPESU 4:16

shi kaw nna, dai hkum ting gaw, hkrihkraw lamyi ni yawng lanawn ya ai a marang e, matut manoi htuk nna shachyaw nga let, daw shan ni langai hte langai shachyen lu ai hte maren, tsawra ai hta de shatup hkra, tinang kung kaba wa ai lam, dai hkumhkrang gaw shabyin wu ai.

EHPESU 4:25

Dai rai nna, masu matsa ga hpe kau da nhtawm, langai hte langai tinang a htingbu wa hpe tengman ai ga sha tsun nga mu: kaning rai nme law, anhte shada da a daw shan ni rai nga ga ai.

EHPESU 4:4

Nanhte hpe shaga la ai lam hta, myit mada shara langai sha de, shaga la manit dai hte maren, hkumhkrang langai sha hte Wenyi langai sha rai nga ai:

KOLOSE 2:19

dai baw hta nna, hkum ting gaw hkrihkraw lamyi hte lasa ni hta lanawn ya ai hkrum nna shachyaw nga let, Karai Kasang a kaba wa shangun ai hte kaba wa nga ai.

KOLOSE 3:11

dai gawng shing-yan ningnan hta, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, Skuti masha, mayam wa, shanglawt wa ngu ai mi n nga lu ai sha, Hkristu gaw yawng mayawng rai nga nna nlang hte hta a rai nga ai.

KOLOSE 3:15

Nanhte a myit masin hta e mung, Hkristu a ngwipyaw ai lam a up nga u ga: shing rai hkumhkrang langai sha hte nanhte hpe shaga la manit dai; dai hta n-ga chyeju adum nga mu.