1 KORINHTU 10:14 - Jinghpaw Hanson Version Bible

¹⁴ Dai re ai majaw, ngai tsawra ai ni e, sumla nawku na lam hpe koi gam mu.

Jinghpaw Common Language Bible 2009

¹⁴ Dai re ai majaw, ngai tsaw ngai ra ai ni e, sumla nawku ai lam hpe koi gam mu.

1 KORINHTU 10:14 ပူးပေါင်းရင်းမြစ်များ

KASA 15:20

Hpara sumla ni a n san n seng ai hte, ndaw liknga lam, du manat sat ai shan hte, asai re ai ni hpe koi gam na lam, shanhte hpe laika hte shana mai ai, ngu nna ngai myit da we ai.

ROMA 12:19

Tsawra ai ni e, tinang nan matai hkum htang mu; Karai Kasang a pawt sindawng na hpe ala nga mu: kaning rai nme law, dai Madu tsun ai gaw, Matai htang na ahkang ngai chyu lu nngai, ngai tai na we ai, nga nna ka da nga ai.

1 KORINHTU 10:15

Hpaji rawng ai ni hpe zawn ngai tsun made ga; ngai tsun ai ga hpe maram masam yu mu.

1 KORINHTU 10:19

Ning nga ngai tsun ai gaw, hpa nga ai rai nga a ta? Sumla hpe nawng ai hkungga gaw lam la nga ai, sumla mung lam la nga ai, ngai tsun nga a ni?

1 KORINHTU 10:7

Dai hta kaga, Masha ni gaw lu sha let dung nna, ginsup na matu bai rawt ma ai, nga nna ka da nga ai hte maren, shanhte nkau mi sumla nawku ai ni tai ma ai zawn, nanhte hkum tai myit.

1 KORINHTU 5:11

Ya chyawm gaw, hpunau ngu ai wa gaw, hpye ai hte nammak lawhpa ai, gawngngu sumla nawku ai, shatan nhkan ai, chyaru ya shang ai hte dip lu dip sha ai wa rai nga a yang gaw, n kanawn lu ai hta n-ga, shing re ai wa hte n jawm lu n jawm sha lu na, ngu nna nanhte hpe ka dat nngai.

2 KORINHTU 11:11

Dai gaw hpa majaw rai kun? Nanhte hpe n tsaw n ra ai majaw rai kun? Karai Kasang gaw chye nga ai.

2 KORINHTU 12:15

Ngai chyawm gaw nanhte a myit masin a matu sutgan jahkrat mayu ai hta n-ga, nye a hkum hpe pyi jahkrat na grau nna ra nga nngai. Nanhte hpe ning rai ladu lai hkra tsawra nga nngai majaw, ngai hpe n dawng n yawt na mai nga a ni?

2 KORINHTU 12:19

Bai, anhte gaw nanhte a man e mara raw ai ga tsun nga ga ai, nanhte a nawn nga myit ni? Hkristu hta Karai Kasang a man e nan, anhte tsun nga ga ai. Rai timung, tsawra ai ni e, nanhte hpe shadaw shalan na matu, lam yawng mayawng hte gaw rai nga ai.

2 KORINHTU 6:17

Dai rai nna, Shanhte a ka-ang na pru nhtawm, Kaga lak lak rai wa mu, nga nna dai Madu tsun nga ai. Awu asin re ai hpe hkum hkra mu, Shaloi ngai nanhte hpe hkap la na made ai.

2 KORINHTU 7:1

Tsawra ai ni e, ndai ga sadi yawng hte gaw lu la gaw ai majaw, hkumhkrang hte wenyi hpe awu asin di kau ai matsat shabat hta na tinang hkum hpe jasan jaseng kau nhtawm, Karai Kasang hpe hkrit hkungga let shachyoi shapra ai lam shatup nga ga.

HPILIPI 4:1

Dai rai nna, ngai tsawra ai hte sharawng awng nna, nye a kabu gara shara hte janmau rai nga ai, hpunau ni e, dai Madu hta shing rai lahpran tsap nga mu, ngai tsawra ai ni e.

HPILEMON 1:1

Hkristu Yesu a bawng dung ai wa, ngai Pawlu hte hpunau Timohti gaw, anhte amu shingtau ai, tsawra ai wa Hpilemon hpe mung,

HEBRE 6:9

Anhte ning nga tsun ga ai rai timung, tsawra htum ai ni e, dai hta grau kaja ai hte, hkye hkrang la ai lam hte seng ai baw nanhte lu la na myit dai, ngu nna nanhte a lam anhte myit tawng ya ga ai.

1 PETRU 2:11

Ngai tsawra ai ni e, myit masin hte gasat hkat nga ai hkum shan kayut la ai baw hpe koi kau myit ga, ga ntsa e shingbyi nga ai ni hte, bu hkawn manam zawn rai nga ai ni nanhte hpe, ngai nem da made ai:

1 YAWHAN 5:21

Ngai shu ngai sha ni e, gawngngu sumla ni hpe koi gam nga mu law.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying n ka lawm ai mungkan masha nlang hte gaw, dai matse labye hpe nawku na mara ai.

SHINGRAN 2:14

Rai timung, sumla ni hpe nawng ya ai hkungga sha na hte hpye ai amu galaw na lam ngu ai myit kataw shara hpe, Israela kashu kasha ni a man e tawn da na, Balak hpe hpaji daw ya ai Balam a sharin shaga ai lam hta hkan nang ai ni nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.

SHINGRAN 21:8

Hkrit ai myit rawng ai ni, n kam n sham ai ni, matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si lam rai nga ai,” nga nna ngai hpe tsun ai.

SHINGRAN 22:15

Shinggan e gaw, gwi n re ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte nga ma ai, nga nna ngai hpe tsun nngai.