1 KORINHTU 10:13 - Jinghpaw Hanson Version Bible

¹³ Masha n jan lu ai agung alau gaw nanhte hkrum hkra myit dai n rai; Karai Kasang mung sadi sahka nga ai rai nna, nanhte n jan lu ai agung alau hkrum na ahkang n jaw nga ai sha, nanhte jan lu myit ga, dai agung alau hte rau pru wa na hkat shi hkat da na ru ai.

Jinghpaw Common Language Bible 2009

¹³ Nanhte hkrum hkra yu ai agung alau ni gaw, masha yawng hta byin hkrum ga ai baw sha rai nga ai. Rai ti mung Karai Kasang gaw, ga sadi dung ai Madu rai nna, nanhte hpe nanhte n hkam n jan lu ai agung alau hkrum shangun na myit dai n rai. Agung alau hkrum ai ten hta hkam jan lu ai n-gun lagaw jaw nna, dai agung alau kaw na lawt pru lu na hkat shi hpaw da ya na ra ai.

1 KORINHTU 10:13 ပူးပေါင်းရင်းမြစ်များ

SHAKAWN KUNGDAWN 124:7

Mahkam hta na lawt lu ai u zawn, Anhte a myit masin lawt lu mali ai. Mahkam gaw dut mat nna, anhte lawt lu saga ai.

SHAKAWN KUNGDAWN 125:3

Dingman ai ni, n hkru ai amu hpe, tinang a lata hte n galaw lu mu ga, Tara n lang ai ni a up ai sumdoi, Dingman ai ni a sali wunli a ntsa e, mara lu na n rai.

SHAKAWN KUNGDAWN 36:5

Yehowa e, na a chyeju sumsing lamu du hkra, na a sadi sahka sumwi du hkra, dep nga ai.

SHAKAWN KUNGDAWN 89:33

Rai timung, nye a chyeju nlang ngai n dawm la nna, Nye a sadi sahka lam hpe masu kau na we ai, n rai.

PRU MAT 3:17

dai Egutu mung a ru tsang ai hta na ngai nanhte hpe shaw la nna, Hkanan, Hiti, Amori Hperizi, Hiwi hte Yebusi masha ni nga ai, nga chyu hte lagat jahku lwi ai mung de woi la na made ai, ngu nga nngai, nga nna ngai hpe tsun ai, ngu mu.

ESAIA 11:5

Dinghpring ai gaw shi nshang a shingkyit, kangka re ai gaw shi hkumhkrang a shingkyit, rai nga ai.

ESAIA 25:1

Yehowa e, nang gaw nye a Karai Kasang rai nga ndai; ngai nang hpe shagrau na nngai, na a mying nsang hpe shakawn na nngai; nang gaw mauhpa amu galaw nit dai; moi kaw nna nang hpaji daw ai lam ni, kangka ai hte tengman ai rai nga ai.

ESAIA 49:7

Bai, Israela a Hkye hkrang la ai wa, shi a chyoi pra ai wa Yehowa gaw, n kaw n law di kau hkrum nna, maigan masha ni matsat kau ai hte, mung du ni a mayam tai ai wa hpe, ning nga tsun ai: Hkawhkam ni mu mada nna rawt na mara ai; du ni mung nawku na mara ai: dai gaw kangka re ai Yehowa hte, nang hpe lata la ai, Israela a Chyoi pra ai wa a matu mara byin na ra ai,” nga ai.

YEREMIA 12:5

Nang gaw lagaw hkawm ai ni hte gat shingjawng nna, hki ba dum yang, gumra ni hte kaning rai gat shingjawng lu na n ta? Hpyen garai n hkrum ai mung hta dung nga timung, Yawdan hka tung wa yang, kaning di na rai ta?

YEREMIA 29:11

Yehowa ning nga ai: Nanhte a lam ngai myit ai hku, ngai chye nga nngai: nanhte hpe jahten na n rai; nanhte myit mada ai lam, htawm hpang e lu la hkra, ngwipyaw ai hku hkrai ngai myit nga nngai.

SHARUNG SHAYAWT 3:23

Dai gaw jahpawt shagu ningnan rai nga ai; na a kangka myit galu kaba nga ai.

Daniela 3:17

Anhte daw jau nga ai Karai Kasang gaw, grung nga ai wan htung hta na, anhte hpe shaw la lu na ra ai: hkawhkam wa e, shi gaw na a lata na mung, anhte hpe mawai la na ra ai.

HOSEA 2:20

Dai shani e ngai shanhte a matu, pa ga na matse labye ni, ntsa malen pyen ai u ni, ga e gumrawt hkawm ai baw hte, ga shaka tawn da nna, dai mungdan hta na, ndan ri nhtu, hpyen majan jasim kau ai hte, shanhte hpe apyaw alaw yup shangun na mawe ai.

MAHTE 6:13

Agung alau nga ai de, anhte hpe n sa shangun ai sha, N kaja ai lam hta na, shaw la mi law.

LUKA 11:4

Anhte hpe shut ai ni yawng mayawng a mara, anhte raw kau ya ga ai majaw, anhte a yubak hpe mung raw kau ya mi. Agung alau nga ai de mung anhte hpe hkum sa shangun mi,’ ngu mu,” ngu nna shanhte hpe tsun mu ai.

LUKA 16:26

Dai hta kaga, ndai yang nna nanhte hpang de rap sa mayu ai ni, n rap lu mu ga mung, dai yang nna anhte hpang de kadai n rap wa lu mu ga mung, anhte hte nanhte a lapran e sung la ai krung sinwa din nga ai, ngu nna htan wu ai.

LUKA 22:46

rawt mu, gunglau ai de n lawm myit ga akyu hpyi nga mu,” ngu nna shanhte hpe tsun mu ai.

KASA 27:44

kaga ni gaw, nkau mi hpunpyen hte, nkau mi sanghpaw li a arai kaga ni hta, noi nna rap wa mu ga mung, hkang dat mu ai. Shing rai shanhte nlang hkarang de kaw wa nna lawt lu ma ai.

1 KORINHTU 1:9

Anhte a Madu ngu ai, Kasha Yesu Hkristu hte kanawn mazum lu mu ga, nanhte hpe shaga la ai Karai Kasang chyawm gaw, kangka re ai wa rai nga ai.

2 KORINHTU 1:10

Shi gaw ning san ai si lam hta na anhte hpe mawai la ma ni ai rai nna, naw mawai la na mi ai; shi anhte hpe naw mawai la na, anhte shi hpe myit mada nga ga ai rai nna, law law ni a myi man a marang e anhte lu la ai chyeju a majaw,

TARA JAHPRANG 7:9

Dai rai nna, na a Karai Kasang Yehowa gaw Karai Kasang rai nga ai chye nga u: shi gaw kangka re ai Karai Wa, shi hpe tsawra ai hte shi a hkang da ai ga hkan nang ai ni hpe prat hkying mun du hkra ga shaka shagrin nga nna matsan dum ai myit madun ai Karai Wa;

1 HTESALONI 5:24

Nanhte hpe shaga la ai wa gaw kangka nga ai rai nna, ndai lam hpe mung galaw na ru ai.

2 HTESALONI 3:3

Dai Madu chyawm gaw kangka rai nga ai rai nna, shi nanhte hpe shangang jahkang ya nna, n hkru n hkra ai hta na, bau sin na marin dai.

2 TIMOHTI 4:18

Dai madu gaw n hkru n hkra ai lam yawng hta na ngai hpe mawai la nna, shi a sumsing lamu mungdan hkap hkra, hkye hkrang la na ra ai: shi gaw htani htana prat dingsa hpung shingkang anga nga u ga law Amen.

HEBRE 10:23

anhte a myit mada shara hte seng ai nawku htung hta, n shamu n shamawt hkra, anhte maju jung nga ga; kaning rai nme law, ga ndat tawn da ai wa gaw, kangka re ai wa rai nga ai:

HEBRE 11:11

Kamsham ai hte Sara pyi, prat lai mat sayang, na-um nasin rai wa lu na atsam lu la wu ai: kaning rai nme law, ga ndat tawn da ai wa kangka rai nga ai, ngu nna myit la wu ai.

HEBRE 12:4

Nanhte gaw yubak hpe katut gasat na matu asai pru hkra garai n hkap daw yu myit dai:

HEBRE 6:18

shing rai, Karai Kasang gaw galoi mung n masu kau lu ai, tut agrin nga ai lam lahkawng a majaw, anhte a man e tawn da ai myit mada shara hta manoi nga lu hkra, shingbyi shingwung shara de hprawng wa ai ni ngu ai, anhte a matu mara, ngang ngang kang kang re ai shalan shabran ai lam rai nga ai.

1 PETRU 4:19

Dai rai nna, Karai Kasang a myit da ai hku hte maren nni nkri hkrum ai ni gaw, kaja ai amu bungli galaw nga let, sadi sahka nga ai Hpan wa Ningsang a lata e, tinang a myit masin hpe ap bang ya mu ga.

2 PETRU 2:9

Dai madu gaw, tara hkungga ai ni hpe agung alau kata na mawai la na hte, n ding n hpring ai ni hpe ari jahkrum na matu, tara dara na nhtoi du hkra hkang tawn da na nga, chye nga ai: dai hkum shan a matsat shabat marin ai lam hta hkawm wa ma ai rai nna, ahkang aya lu ai ni hpe n gawn n sawn di mu ai ni nan, grau nna dai zawn di na, shi chye nga ai.

1 YAWHAN 1:9

Anhte a yubak hpe anhte madun nem ga yang gaw, anhte a yubak hpe raw dat kau na hte n ding n man ai nlang hte hta na, anhte hpe jasan jaseng mi ga, shi kangka nga ai hte dinghpring ai wa rai nga ai.

SHINGRAN 19:11

Bai, sumsing lamu hpaw malang nga ai hpe, ngai mu nngai, shaloi, yu mu, gumra ahpraw dan pru nna dai hta jawn ai wa gaw, Kangka hte Tengman ngu ai wa rai nga ai; shi gaw dinghpring ai hku tara dara ai hte majan gasat nga ai.

SHINGRAN 2:10

Nang hkrum magang ra ai nni nkri hpe hkum hkrit et; yu u, nanhte hpe chyam yu na, Nat gaw nanhte hta na nkau mi hpe htawng hta sharen da nna, nanhte n htoi shi ya tup zingri zingrat ai hkrum na marin dai. Si hkra maju jung nga u, shaloi ngai nang hpe asak janmau jaw na de ai.

SHINGRAN 3:10

Ngai hte seng ai shakut sharang ai lam a mungga hpe nang hkan nang ndai majaw, ga ntsa e nga ai ni hpe chyam dinglik yu na matu, dinghta ga hproi hkra du na ra ai chyam dinglik yu ai nhtoi hta na, ngai nang hpe makawp maga na de ai.

1 SAMUELA 29:10

Dai rai nna, nang hte rau hkan nang ai, na madu a masha ni hte rau, hkawn wa nna, hpawt de jau jau nhtoi htoi jang, bai nhtang wa masu,” ngu nna Dawi hpe tsun wu ai.