1 KORINHTU 10:10 - Jinghpaw Hanson Version Bible

¹⁰ Shanhte nkau mi put ngun nna, jahten ai wa a lata e hten byak hkrum ma ai zawn, nanhte gaw put ngun hkum rai myit.

Jinghpaw Common Language Bible 2009

¹⁰ Shanhte nkau mi aput angun nna, Si du a kasa wa a lata hte jahten shabyak kau ai hkrum ma ai zawn, anhte aput angun nga lu na n rai.

1 KORINHTU 10:10 ပူးပေါင်းရင်းမြစ်များ

2 SAMUELA 24:16

Ya dai lamu kasa gaw, Yerusalem mare de jahten shabya na nga shi a lata shada wu yang, Yehowa mahtang ari dai hte a majaw myit bai kayin nna, Ram sai, na lata dawm la nu, ngu nna masha ni hpe jahten shabya ai lamu kasa hpe tsun wu ai. Yehowa a lamu kasa chyawm gaw, Yebusi masha Arauna mam chyarang makau e hkring nga ai.

1 HKAWHKAM LABAU 21:15

Yerusalem mare hpe jahten na matu, Karai Kasang gaw lamu kasa shangun dat nna, dai mare hpe jahten magang wa nga yang, Yehowa mada yu nna, ari dai hte a majaw myit bai kayin nna, “Ram sai, na lata dawm la nu,” ngu nna jahten maw ai lamu kasa hpe tsun wu ai. Yehowa a lamu kasa chyawm gaw Yebusi masha Ornan a mam chyarang makau e tsap nga ai.

2 HKAWHKAM LABAU 32:21

Shing rai Yehowa gaw lamu kasa shangun dat nna, Asuri hkawhkam a hpyen dap na nden ja ai share ni, hpyen gyi, hpyen du ni mahkra hpe shaza kau mu ai. Hkawhkam wa mung myi man sum let shi a mung de bai wa mat ai. Ya shi a Hpara a nawku shara de shang yang, shi nan shaprat ai shi a kasha ni gaw, nhtu hte shi hpe sat kau mu ai.

SHAKAWN KUNGDAWN 106:25

Tinang a sum hta, shanhte wu wu di di rai nga nna, Yehowa a nsen hpe n madat mu ai.

PRU MAT 12:23

“Kaning rai nme law, Egutu masha ni hpe ari jaw na nga, Yehowa dinghkren mat wa na ra ai: dai hkanoi hte hkadun daw yan hta na sai hpe mu jang, Yehowa dai chyinghka hpe lai kau da na wu ai rai nna, jahten shabya ai wa gaw nanhte hpe jahten na, nanhte a nta hta shang lu na ahkang shi jaw na wu ai n rai.”

PRU MAT 15:24

Shaloi dai amyu masha ni Mawshe hpe, “Anhte hpa lu na rai nga ga ta?” ngu nna aput mu ai.

BU HKAWM 14:2

Israela kashu kasha ni yawng gaw Mawshe yan Arun hpe aput apai nga nna, dai shawa hpung ting shan hpe, “Anhte Egutu mung e si mat ga taw le: shing n rai, ndai nam mali hkan e si mat ga taw le:

BU HKAWM 14:37

Hkanan mung a shiga chyahten tsun ai ni gaw, Yehowa a man e ana zinli hte si mat ma ai.

BU HKAWM 16:11

Dai rai nna, nang hte nang hpang maga na ni yawng, Yehowa hpe gumlau nga myit hka; Arun hpe shara na gaw shi hpa wa rai nga a ta?” ngu wu ai.

BU HKAWM 16:41

Hpang jahpawt e Israela shawa hpung ting gaw Mawshe yan Arun hpe, mara shagun let, “Nan Yehowa a masha ni hpe sat kau myit dai,” nga nna aput ma ai.

BU HKAWM 17:10

Shaloi Yehowa Mawshe hpe, “Aput apai nga nna nye a na shapu ai ga sim mat nna shanhte si ai n hkrum mu ga, gumlau ai masha ni a matu sakse kumla shatai na Arun a dawhkrawng dai hpe sakse a man e bai tawn da u,” ngu wu ai.

BU HKAWM 17:5

Shaloi ngai lata la ai wa a dawhkrawng gaw apu pu na ra ai: ning rai jang she, Israela Kashu Kasha ni nang hpe aput apai nga ai ga, ngai na pu shara n nga na sai,” ngu wu ai.

KASA 12:23

Dai shaloi jang, Karai Kasang a hpung shingkang hpe n tau yu wu ai majaw, Madu a lamu kasa shi hpe ari jaw nna, byet e sha ai hte shi nsa hti mat ai.

HPILIPI 2:14

Hpa lam hpe mung, put ngun nna ndang kalang hkat ai hte, hkum galaw mu:

HEBRE 11:28

Kasha alat ni hpe sat kau ai wa, Israela masha ni hpe n hkra u ga, shi kamsham ai hte dai Shalai wa ai poi hte asai lapri bun ai lam, galaw hpang wu ai.

YUDA 1:16

Shanhte gaw, wu wu di di rai nna, put ngun nga ai ni, rai nga ma ai; tinang a myit marin ai hku hte maren shanhte hkan hkawm ma ai; shanhte a n-gup grang ai ga kaba tsun nga ai; sake manawn lu sha hkra, masha a myi man hpe tau yu ai ni, shanhte rai nga ma ai.

SHINGRAN 16:1

Bai, dai lamu kasa sanit hte hpe, Pru sa wa mu, Karai Kasang a sindawng kahtet rawng ai gawm sanit hpe ga ntsa de ru bun dat mu, nga nna dai nawku Htingnu kaw na pru ai nsen kaba, ngai na nngai.