1 KORINHTU 1:8 - Jinghpaw Hanson Version Bible

⁸ anhte a Madu Yesu Hkristu a nhtoi e mung, mara shagun shara n nga hkra, shi nanhte hpe shangang shakang na marin dai.

Jinghpaw Common Language Bible 2009

⁸ Anhte a Madu Yesu Hkristu bai du sa nna tara daw dan ai Nhtoi hta, mara shagun shara n nga hkra, shi nanhte hpe shangang shakang na marin dai.

1 KORINHTU 1:8 ပူးပေါင်းရင်းမြစ်များ

SHAKAWN KUNGDAWN 37:17

Tara n lang ai ni a lata hpe agrawp kau ai hkrum na ra ai, Dingman ai ni hpe chyawm gaw, Yehowa shadaw da nga mu ai.

SHAKAWN KUNGDAWN 37:28

Yehowa gaw tara ding ai hku tsawra nga nna, Shi a chyoi pra ai ni hpe kau da mu ai n rai: Shanhte prat dingsa e anga nga na ma ai. Tara n lang ai ni a aru arat chyawm gaw, kran kau ai hkrum na mara ai.

LUKA 17:24

kaning rai nme law, lamu maga mi de na kalam ai myihprap gaw, lamu maga mi de du hkra htoi ala wa ai zawn, Masha Kasha gaw shi a nhtoi hta rai na ra ai.

LUKA 17:30

dai Masha Kasha a dan pru ai nhtoi hta mung, dai hte maren rai na ra ai.

ROMA 14:4

Masha wa a shangun ma hpe jeyang ai wa e, nang gaw kaning san ai wa rai nga n ta? Tinang a madu a man e shi myi man pa na re ai, shing n rai, n pa na re ai; gaja wa shi pa na re ai; dai Madu gaw shi hpe shapa ya lu nga ai.

ROMA 16:25

Amyu baw shagu makam masham a madat mara ai lu la hkra, htani htana Karai Kasang a matsun maroi ga majaw, myihtoi laika ni a jaw e kajai gara pri rai nga ai, chyi nma hpri nhpra e kyem da nhtawm,

ROMA 8:19

Nga yawng nga pra mung myit ndawt ai hte, Karai Kasang a kashu kasha ni a paw pru na ra ai hpe ala nga ma ai.

1 KORINHTU 3:13

kaning rai nme law, dai nhtoi gaw dai hpe shadawng dat nna, wan e gaw dai hpe shadan dan na ru ai; langai hte langai a bungli kaning rai nga ai gaw, dai wan e chyam ginhka na ru ai.

1 KORINHTU 5:5

shing re ai wa Satan hpe ap ya na, ngu nna rau nga ai zawn, ndai amu galaw ai wa hpe anhte a Madu Yesu a mying ningsang hte, ya e pyi ngai jeyang ngut se ai.

2 KORINHTU 1:13

Nanhte hti yu nna chye lu manit dai lam hta kaga, anhte nanhte kaw ka dat ga ai n re ai sha, anhte a Madu Yesu Hkristu a nhtoi e nanhte gaw,

2 KORINHTU 1:14

anhte a gumrawng shara tai wa ai hte maren, anhte mung nanhte a gumrawng shara tai wa na rai nna, anhte a lam nanhte kau chyen mi chye na nga ai zawn, hpang chyahtum du hkra chye nga na myit dai, ngu nna ngai myit mada nga nngai.

2 KORINHTU 1:21

Nanhte hte rau anhte hpe Hkristu hta e shagrin da nna, anhte hpe namman chya ya ai wa gaw, Karai Kasang hkrai rai nga ai:

EHPESU 5:27

chyoi pra ai hte mara n rawng ai hpung shingkang rawng ai Hpung hpe shi hkum nan a matu mara ap tawn da na, de a matu shi hkum nan hpe ap kau wu ai.

HPILIPI 1:10

Yesu Hkristu a marang e, Karai Kasang a hpung shingkang hte mahkawn mangoi ai lam a matu rai nga ai dinghpring ai a asi hte hpring chyat lu myit ga,

HPILIPI 1:6

Dai hta kaga, nanhte hta e mai kaja ai amu galaw hpang ai wa gaw, Yesu Hkristu a nhtoi du ai du hkra dai hpe shatsup shatup na ra ai, ngai myit mu nga nngai.

KOLOSE 1:22

dai makam masham hta nga nga nna, de a npawt manat let da hpran nga myit yang gaw, chyoi pra nna agang chyalang n kap ai hte mara n rawng ai ni hpe, shi a man e jashawn myit ga,

KOLOSE 2:7

shi hta e ru jung nna gaw da nga ai hte, nanhte sharin achyin la ai hte maren, nanhte a makam masham hta ngang ngang hkang hkang rai nga let, dai hta e shakawn kungdawn ai hte law htam wa mu.

1 HTESALONI 3:13

anhte nanhte hpe tsawra nga ga ai hte maren, nanhte a tsawra ai myit gaw shada da hte yawng mayawng a matu, kaba wa nna law htam wa lu hkra, dai Madu shabyin ya u ga.

1 HTESALONI 5:2

kaning rai nme law, shana na lagu lagut shang ai zawn, dai Madu a shani mung du na ra ai hpe, nanhte nan azin ayang chye nga myit dai.

2 HTESALONI 2:2

anhte a Madu Yesu Hkristu a bai yu wa ai hte anhte shi hte rau zuphpawng nga na lam, anhte nanhte hpe shadum jahprang dat ga ai.

2 HTESALONI 3:3

Dai Madu chyawm gaw kangka rai nga ai rai nna, shi nanhte hpe shangang jahkang ya nna, n hkru n hkra ai hta na, bau sin na marin dai.

2 TIMOHTI 1:12

Dai rai nna, dai lam a majaw ndai hte ru tsang ai ngai hkrum timung, n hkrit n kaya nga nngai; kaning rai nme law, kadai wa hpe ngai kam manoi nga nngai gaw, ngai chye nga ai hte, ngai ap tawn da ai arai hpe, dai nhtoi du hkra, shi mahkyu da ya lu ai, ngu nna ngai myit mu nga nngai.

2 TIMOHTI 1:18

shi gaw dai shani e, Madu a man e matsan dum ai hkam la lu hkra dai Madu gaw shi hpe chyeju jaw u ga: Ehpesu mare e mung shi ngai hpe gade wa galaw daw sai gaw, nang atsawm sha chye nga ndai.

1 PETRU 5:10

Nanhte mahtang chyahkring chyahkra nni nkri hkrum ai hpang, Hkristu hta e htani htana nga ai hpung shingkang a matu, nanhte hpe shaga la da ai, chyeju hkum hkum rawng ai Karai Kasang gaw, shi hkum nan, nanhte hpe shakup shatsup na, shangang shakang na hte n-gun sharawng na marin dai.

2 PETRU 3:10

Dai Madu a nhtoi chyawm gaw, lagu lagut zawn du na ra ai; dai nhtoi hta e sumsing lamu ni kadu ai nsen hte lai mat wa nna, arai guji guyang ni, kahtet lai ai hte krawp ayai mat wa nna, aga hte dai hta e nga ai yawng mayawng hte gaw, hkru hkat mat na ra ai.

2 PETRU 3:14

Shing rai myit mada ai lam ni rai nga myit dai majaw, tsawra ai ni e, ngwipyaw ai hku hkan let, shi a man e, matsat shabat hte agang chyalang n kap myit ga, shakut sharang nga mu.