1 KORINHTU 1:6 - Jinghpaw Hanson Version Bible

⁶ Hkristu Yesu hta e nanhte hpe jaw da ai, Karai Kasang a chyeju hpe tau yu let, nanhte a lam Karai Kasang hpe ngai tutnawng e shakawn kungdawn nga nngai:

Jinghpaw Common Language Bible 2009

⁶ Anhte hkaw tsun ndau shabra ai dai Hkristu a lam Kabu Gara Shiga gaw nanhte hta e ngang ngang kang kang ru jung nga sai.

1 KORINHTU 1:6 ပူးပေါင်းရင်းမြစ်များ

MARKU 16:20

Shanhte mung hkawm sa nna, shara shagu hkan e hkaw dan mu ai: dai Madu shanhte hte shingdep nna, shabyin lu ai lamik kumla ni hte dai mungga hpe shagrin ya mu ai.

KASA 11:17

Dai re ai majaw, shi madu Yesu Hkristu hpe kamsham ai shani, anhte hpe jaw ai chyeju kumhpa hte maren she, Karai Kasang shanhte hpe jaw ai rai yang gaw, ngai hpa wa re ai ngu nna, Karai Kasang hpe shadang lu na rai ta?” ngu nna tsun wu ai.

KASA 11:21

Dai Madu a lata shanhte hte rau nga nga ai rai nna, kamsham ai hpung daw wa kaba, Madu hpang de kayin bang wa ma ai.

KASA 18:5

Ya Sila yan Timohti Makedoni mung nna hkan dep jang, Pawlu gaw mungga hkaw lam hkrai san rai nna, Yesu gaw Hkristu nan rai nga ai, nga nna Yuda masha ni hpe sakse hkam da wu ai.

KASA 20:21

Yuda masha hte Heleni masha hpe, Karai Kasang a man na myit malai lam hte, anhte a Madu Yesu a makam masham lam sakse hkam let, ngai shaja nga nngai gaw, nanhte nan chye nga myit dai.

KASA 20:24

Ngai chyawm gaw, nye a gat shadu ra ai lam hpe mung, Karai Kasang a chyeju kabu gara shiga lam sakse hkam na matu, Madu Yesu kaw na ngai lu la ai magam hpe mung, ngut hkra gun hpai lu na rai yang, nye asak hpe pyi lahpawt nngai n rai.

KASA 22:18

‘Yerusalem na alawan pru wa u; nye a lam nang hkam na sakse ga, shanhte n hkap la na ma ai,’ nga nna shi Madu ngai hpe tsun ai, ngai mu nngai.

KASA 23:11

Dai shana Madu gaw shi a makau e tsap pru nna, “Myit hkum ru et; nang nye a lam Yerusalem mare hta sakse hkam nit dai hte maren, Roma mare hta mung naw hkam lu na ndai,” ngu nna tsun wu ai.

KASA 28:23

Ya shanhte shi hte hkrum chyai na nhtoi madat da nhtawm, shi manam nga ai nta de masha law law wa sa hpawng nga ma ai: shaloi shi gaw, jahpawt kaw nna shana de du hkra, Mawshe a tara hte myihtoi ni a ga hta hkan nna, Karai Kasang a mungdan lam sakse hkam ai hte, Yesu a lam shanhte hpe shapraw shadan dan mu ai.

ROMA 15:19

Shing rai, dai ni hpe tau yu nna, Yerusalem kaw na Ituri mung ginwang grup hkra, Hkristu a kabu gara shiga ngai hkaw jahproi dan ni ai.

2 KORINHTU 12:12

Gaja wa, shakut sharang ai amyu myu hte, lamik kumla mauhpa amu hte hpung shingkang ngu ai kasa kumla hte gaw, nanhte a ka-ang e dan wa sai.

GALATI 3:5

Dai hta n-ga, nanhte hpe dai Wenyi shun di ya nna, nanhte a ka-ang e lamik kumla galaw ai wa gaw, jep ai tara a magam bungli hte, shing n rai, dai makam masham a lam na la ai majaw, shabyin lu ai rai kun?

2 HTESALONI 1:10

n madat ai ni gaw dai Madu a myi man hte shi a atsam a hpung shingkang hte, hka wa na htani htana hten nan ai ari ahpri hkrum na mara ai.

1 TIMOHTI 2:6

Shi gaw yawng mayawng a matu mara shi hkum nan hpe gawng malai hkungga di nna ap kau nu ai: ahkying aten du jang she de a sakse pru na ra ai.

2 TIMOHTI 1:8

Dai rai nna, anhte a Madu a sakse hkam ai lam hta mung, shi a bawng dung ai wa nye a lam hta mung, nang kaya ai myit n rawng ai sha, Karai Kasang a n-gun lagaw rawng ai hte maren, dai kabu gara shiga matu mara ru tsang ai rau hkrum nga ga:

SHINGRAN 1:2

Yawhan mung, Karai Kasang a mungga hte, Yesu Hkristu hte seng ai sakse a lam mu mamu hte hpe sakse hkam ya wu ai.

SHINGRAN 1:9

Yesu a nni nkri hta mung, mungdan hta mung, hkam sharang ai hta mung nanhte a kanawn manang rai nga ai, nanhte a hpunau wa, ngai Yawhan gaw, Karai Kasang a mungga hte Yesu a sakse majaw, Patmu ngu ai zunlawng hta nga nga nngai.

SHINGRAN 12:11

Shanhte gaw, Sagu Kasha a asai majaw mung, tinang sakse hkam ai mungga a majaw mung, shi hpe dang kau lu mu ai rai nna, si ai du hkra tinang a asak hpe n lahpawt ma ai.

SHINGRAN 12:17

Dai baren numraw mung dai numsha a lam sindawng kahtet bu nna, Karai Kasang a hkang da ai ga hkan nang ai hte, Yesu a sakse ga lang ai ni ngu ai, shi a amyu matu gale ni hpe gasat kau na pru wa nna,

SHINGRAN 19:10

Shaloi, ngai shi hpe nawku na nga, shi a lagaw nhpang e dingnyawm dagup nngai. Shi gaw, “Shing hkum rai et: ngai gaw Yesu a sakse ga gun hpai ai na a mung, na a kahpu kanau ni a mung, shangun ma manang shada she rai nngai: Karai Kasang hpe nawku u: kaning rai nme law, Yesu a lam sakse hkam ai gaw, myihtoi htoi ai wenyi a myit hku rai nga ai,” nga nna ngai hpe ginhtim tsun ai.

SHINGRAN 6:9

Bai, manga ngu na dazik hpe hpaw dat wu yang, Karai Kasang a mungga a majaw mung, tinang hkan nang ai sakse lam a majaw mung, sat kau hkrum ai ni a tsu ni hpe, dai tawn hkungri npu e, ngai mu nngai.