1 KORINHTU 1:5 - Jinghpaw Hanson Version Bible

⁵ lam yawng mayawng hta ang ai, n-gup atsam shagu hte, chye chyang ai lam shagu hta, nanhte shi hta hkum tsup nga manit dai majaw,

Jinghpaw Common Language Bible 2009

⁵ Nanhte gaw Hkristu hte langai sha tai nga myit dai majaw, n-gup atsam hte chye chyang ai lam shagu hta, nanhte shi hta hkum tsup nga manit dai.

1 KORINHTU 1:5 ပူးပေါင်းရင်းမြစ်များ

KASA 2:4

Shanhte nlang hte mung, Chyoi pra ai Wenyi hpring shajang nna, Wenyi e shadut mu ai hte maren, ga amyu kaga ga hku shaga wa ma ai.

ROMA 11:12

Dai hta kaga shanhte a ahtu kataw ai gaw mungkan ga a sutgan, shanhte a sum mat ai gaw maigan amyu ni a sutgan tai wa a yang gaw, shanhte a hkum sumhpa gaw grau nna, akyu shabyin na n rai ni?

ROMA 15:14

Nye a hpunau ni e, nanhte nan lala kaja htum ai hte hpring tsup nga nna, chye chyang ai amyu myu htak rai nga ai hte, nanhte shada da sharin jep lu myit dai hpe, nanhte a lam ngai hkum nan kam da made ai.

ROMA 15:4

Kaning rai nme law, anhte shakut sharang nga lu nna, Chyum laika ni a shangwi shapyaw ai ga a majaw myit mada shara nga lu u ga, shawng e ka da ai lam shagu gaw, anhte hpe sharin achyin ya na matu, ka da nga sai.

1 KORINHTU 12:10

kaga wa hpe lamik kumla galaw dan na ahkang; kaga wa hpe myihtoi htoi na ahkang; kaga wa hpe wenyi ni hpe chye ginhka na ahkang; kaga wa hpe ga amyu myu chye tsun na ahkang; kaga wa hpe ga amyu myu a ga lachyum shapraw dan na ahkang, jaw shajang mu ai:

1 KORINHTU 12:8

Kaning rai nme law, langai mi hpe, dai Wenyi a jaw e, hpaji mungga; kaga wa hpe dai Wenyi a jaw e chye chyang ai mungga;

1 KORINHTU 13:2

Ngai myihtoi chye htoi ai hte, sung ai ga yawng mayawng, chye chyang ai lam amyu myu hkum nga ai hte, bum hpe jasit lu hkra re ai makam masham rawng timung, tsawra ai myit n rawng yang gaw, ngai hpa n rai nga nngai.

1 KORINHTU 13:8

Tsawra ai myit gaw galoi mung htak chye ai n rai: myihtoi chye htoi ai lam rai yang gaw, hkoi mat na ra ai: ga amyu myu chye tsun ai lam rai yang gaw, sim mat na ra ai; chye chyang ai lam rai yang gaw, hkoi mat na ra ai.

1 KORINHTU 14:26

Shaloi, hpunau ni e, kaning rai na rai ta? Nanhte zuphpawng nga myit yang, langai hte langai shakawn kungdawn ga, sharin achyin ga, shingran ga, ga amyu myu hte ga amyu a lachyum shapraw ai ga lu la shajang mai nga ai: lam shagu gaw shadaw shangang na matu byin nga u ga.

1 KORINHTU 8:11

Shing rai, na a chye ginhka ai a majaw, n-gun n ja ai wa gaw hten wa sai; dai hpunau wa a matu mara Hkristu gaw si hkam nu hka!

2 KORINHTU 4:6

Nsin hta na nhtoi htoi na ra ai, nga nna tsun ai Karai Kasang gaw, Hkristu a myi man kaw na Karai kasang a hpung shingkang a chye chyang ai nhtoi hpe shapraw ya lu u ga she, anhte a kraw lawang e jahtoi ya ma ni ai.

2 KORINHTU 6:10

adup achyin hkrum ai ni zawn rai timung, n si n mat ai ni; yawn hkyen hkrum ai ni zawn rai timung, tutnawng e a kabu nga ai ni; matsan mayan re ai ni zawn rai timung, masha law law hpe shalu jasu chye ai ni; hpa n lu ai ni zawn rai timung, yawng mayawng hpe madu nga ai ni rai nga ga ai rai nna, Karai Kasang a bungli daw ai sara ni rai nga ga ai gaw, lam shagu hta anhte hkum marai dan nga ga ai.

2 KORINHTU 8:7

Nanhte gaw kamsham ai hta, ga jahta ai hta, chye chyang ai hta, shakut sharang ai amyu myu hte, anhte a matu tsawra ai myit lam shagu hta law htam wa ai hte maren, ndai chyeju hta mung nanhte law htam wa myit ga, adum nga mu.

2 KORINHTU 9:11

N daw n hta jaw lu hkra, lam shagu hta e nanhte sut su ai hkrum manit dai rai nna, dai gaw anhte a lata e, Karai Kasang hpe shakawn kungdawn na lam tai wa na ra ai.

EHPESU 1:17

Anhte a Madu Yesu Hkristu a Karai Kasang ngu ai, hpung shingkang a Kawa gaw, shi hkum nan hpe chye chyang lu mu ga, hpaji byeng-ya hte shingran shapraw ai Wenyi nanhte hpe jaw ya u ga hte;

EHPESU 2:7

Hkristu Yesu hte hpawn, shi anhte hpe sharawt la nna, sumsing lamu lahta tang e dung shangun ma ni ai.

EHPESU 3:8

Rai sa, anhte a Madu Hkristu Yesu hta e shatawng da ai prat dingsa na bawng hkut ai hku hte maren, lamu lahta tang e nga ai du magam ni hte ahkang aya lu ai ni kaw, Karai Kasang a chyahtum chyalai re ai hpaji byeng-ya hpe, dai Hpung a lata hte, ya e shana dan u ga,

EHPESU 6:19

Dai kabu gara shiga a jaw e, hkang hkyihkyang hte hkang da ai kasa ngai rai nga timung, dai kabu gara shiga a sung htum ai lam hpe nden ja ai myit hte shana ya lu nna,

HPILIPI 1:9

Dai hta kaga, nanhte lam kaga ga hpe chye ginhka lu nna, Hkristu a nhtoi hta san seng ai hte mara n rawng lu ai sha,

KOLOSE 2:3

Hkristu hta e chyawm gaw hpaji byeng-ya hte chye chyang ai lam ngu ai sutgan yawng mayawng kyem da nga ai.

KOLOSE 3:10

hpan tawn da ai wa a hkrang bung sumla hte maren rai nga ai chye chyang ai lam hta ningnan tai wa ai gawng shing-yan ningnan hpe nanhte dagraw nga myit dai:

YAKU 3:13

Nanhte hta e, hpaji byeng-ya hte chye chyang ai wa, kadai rai nga a ta? Dai wa gaw shingdi chye ai hpaji byeng-ya hte, kaja ai arawn alai hkan let, tinang a magam bungli hpe madun ru ga.

2 PETRU 3:18

Anhte a Madu hte Hkye hkrang la ai wa Yesu Hkristu a chyeju hte chye chyang ai lam hta e, nanhte kaba wa nga myit ga. Ya e mung, htani htana prat dingsa e mung, Yesu Hkristu kaw hpung shingkang anga nga u ga law.