1 KORINHTU 1:31 - Jinghpaw Hanson Version Bible

³¹ Dai re ai majaw, Gumrawng gumtawng re ai wa gaw, dai Madu hta gumrawng gumtawng nga u ga, nga nna ka da nga ai hte maren, rai na re ai.

Jinghpaw Common Language Bible 2009

³¹ Dai re ai majaw, Chyum laika hta tsun ai hte maren, “Kadai rai ti mung, gumrawng gumtawng mayu ai wa gaw, Karai Kasang galaw ai amu bungli a matu sha gumrawng gumtawng nga u ga.

1 KORINHTU 1:31 ပူးပေါင်းရင်းမြစ်များ

1 HKAWHKAM LABAU 16:10

Shi a chyoi pra ai amying hta kabu gumrawng nga mu: Yehowa hpe tam ai ni amyit masin kabu nga malu ga.

1 HKAWHKAM LABAU 16:35

Nanhte gaw, Anhte hpe hkye hkrang la ai Karai Kasang e, anhte hpe hkye hkrang la mi. Na a chyoi pra ai amying hpe shakawn kungdawn nna, Nang hpe shakawn ai hta nlaw nga lu hkra, Masha amyu ni hta na anhte hpe shinggyin la nna, mawai la mi law, ngu nna tsun mu.

SHAKAWN KUNGDAWN 105:3

Shi a chyoi pra ai amying hta kabu gumrawng nga mu: Yehowa hpe tam ai ni a myit masin kabu nga malu ga.

SHAKAWN KUNGDAWN 34:2

Nye a myit masin Yehowa hta gumrawng na ra ai; Myit gyip ai ni, na lu nna kabu na mara ai.

ESAIA 41:16

Nang shanhte hpe katsap nna, nbung gaw dai ni hpe ahpawt kau na ra ai; laru gaw shanhte hpe kamawng kau na ra ai: nang chyawm gaw Yehowa hta kabu gara nga nna, Israela Chyoi pra ai Wa hta gumrawng nga na rin dai.

ESAIA 45:25

Israela kashu kasha ni yawng Yehowa a jaw e dinghpring ai hkrum nna, shakawn kungdawn nga na mara ai.

YEREMIA 4:2

dai hta kaga nang gaw, hkrung nga ai Yehowa amying gang let, tengman ai hku, tara ding ai hku, dinghpring ai hku dagam lu nna, maigan amyu ni gaw, shi a amying hta tinang hkum hpe shaman ya nna, shi hta hpa let gumrawng na mara ai, nga nna Yehowa tsun ai.

ROMA 4:2

Abraham gaw magam bungli hte dinghpring ai lu la a yang gaw, gumrawng gumtawng shara nga lu timung, Karai Kasang a man e n rai.

1 KORINHTU 4:6

Hpunau ni e, ka da nga ai hte maren nanhte n lai lu na hte, langai wa hta myit kaba nna kaga wa hpe shinggan kau na n rai u ga, an a lam tau yu let nanhte sharin lu myit ga, ndai ga hte hpe ngai hte Apolo a lam, ngai nanhte a matu ga shadawn shatai nna sha-ang we ai.

2 KORINHTU 10:17

Dai gumrawng ai wa chyawm gaw dai Madu hta gumrawng nga u ga.

HPILIPI 3:3

Anhte mahtang, Karai Kasang a Wenyi hte nawku nna, Hkristu Yesu hta gumrawng nga ai hte, hkum shan hta e n shamyet n shanat ai ni gaw, matu gadoi hkam ai ni majing rai nga ga ai: