1 KORINHTU 1:27 - Jinghpaw Hanson Version Bible

²⁷ Nsoi nsa rawng marawng gaw Karai Kasang a man e gumrawng gumtawng shara n nga u ga, hpaji byeng-ya rawng ai ni hpe kaya kahpa jahkrum mu ga, mungkan ga a angawk angak re ai hpe Karai Kasang lata la wu ai;

Jinghpaw Common Language Bible 2009

²⁷ Rai ti mung Karai Kasang gaw, dingsang di ai hku nna hpaji byeng-ya rawng ai ni hpe kaya kahpa jahkrum na matu, mungkan e angawk angak re ai ni ngu nna sawn nawn ai ni hpe lata la wu ai; n-gun ja ai ni hpe kaya kahpa jahkrum na matu mungkan ga e n-gun kya ai ni ngu nna sawn nawn ai ni hpe lata la wu ai.

1 KORINHTU 1:27 ပူးပေါင်းရင်းမြစ်များ

SHAKAWN KUNGDAWN 8:2

Nang hpe je hpre ai ni a majaw, Gumlau ni hte manawn ai ni hpe jasim kau mu ga, Ma chyangai hte chyu chyu ai ni a n-gup hta, nang hpung shingkang tawn da ndai.

ESAIA 29:14

yu u, ndai amyu a ka-ang e ngai mauhpa amu galaw nna, gaja wa, mauhpa amu hte lamik kumla shachyen na nngai: shanhte a hpaji rawng ai ni a hpaji byeng-ya hten mat nna, shanhte a myit su ai ni a nyan, makoi mat ai hkrum na ra ai,” nga nna Madu Yehowa tsun ai.

ESAIA 29:19

Myit kyip ai ni gaw, Yehowa hta hpa let kabu gara shalaw na mara ai; ga ntsa na matsan mayan ni gaw, Israela a Chyoi pra ai Wa hta awng sharawng na mara ai.

ESAIA 44:25

Grang dakat ai ni a kumla ni hpe shayuk kau ai hte, shaba wawt ai ni hpe mana bu shangun ai wa; hpaji byeng-ya rawng ai ni hpe kanut shangun ai hte shanhte a hpaji hpe shagawk kau ai wa;

YEREMIA 8:9

Hpaji rawng ai ni kaya kahpa hkrum ma ai: mak mat nna, mahkam hta lu masai; yu u, shanhte gaw Yehowa mungga hpe gang kau manu ai: shanhte hta hpa baw hpaji rawng a ta?

ZEHPANI 3:12

Nni nkri hkrum ai, matsan mayan amyu hpe, na a ka-ang e ngai jahti da nna, shanhte gaw Yehowa amying hta, shingbyi nga na mara ai.

BU HKAWM 22:30

Bai dai lawze gaw Balam hpe, “Ngai gaw ya du hkra nang tut a jawn nga ai na a lawze rai nga nngai, n rai ni? Ngai nang hpe galoi dai zawn rai yu de ta?” ngu nna san wu yang, Balam gaw, “N rai yu ndai,” ngu wu ai.

MAHTE 11:25

Dai aten hte hta Yesu gaw ga hpaw nna, “Sumsing lamu hte ginding aga a Madu, Wa e; hpaji byeng-ya rawng ai ni hte myit kunghpan ai ni kaw na ndai lam nang makoi magap da nhtawm, ma kaji ni hpe madun dan ndai majaw, ngai nang hpe shakawn kungdawn nngai:

MAHTE 21:16

Yesu gaw, “Ngai na nga nngai, ma chyangai hte chyu chyu ai ni a n-gup hta mahkawn mangoi ai ga hpe nang shangut da nu ai, nga nna rawng ai ga hpe, nanhte galoi n hti yu myit ni?” ngu nna shanhte hpe tsun mu ai.

MAHTE 9:9

Yesu gaw dai shara kaw na sat sa wa yang, kang hta ai sum e dung nga ai Mahte ngu ai wa hpe shi mu hkrup nna, “Ngai kaw hkan nang rit,” shi hpe ngu wu ai: shaloi shi rawt nna shi kaw hkan nang nga ai.

LUKA 21:15

kaning rai nme law, nanhte a gumlau maga na ni nlang, n hkap htang lu hkra, ngai nanhte hpe n-gup ga hte hpaji jaw na made ai.

KASA 17:18

Dai rai nna, Epikuri lam hte Sto-i lam hkan ai hpaji sara ni nkau mi, shi hte dangrang hkat ma ai rai nna, nkau mi gaw, “Ndai baw law ai wa hpa tsun mayu nga ai kun?” nga nna mung, nkau mi gaw, “Hpara kaga ni a lam tsun dan ai wa rai sam ai,” nga nna mung, tsun shajang ma ai: dai gaw, shi Yesu a lam hte bai hkrung rawt wa ai lam tsun dan ai majaw rai nga ai.

KASA 7:35

Dai rai nna, Nang hpe du hte tara agyi tai na, kadai san da a ta? nga nna shanhte ndang kau ai, dai Mawshe hpe, Karai Kasang gaw singwum e dan pru ai lamu kasa a lata hte, du hte hkye hkrang la ai wa shatai nna shangun dat nu ai.

KASA 7:54

Dai lam na lu jang shanhte a masin mala la achyaw malu ai majaw, Stehpan hpe wa udik let yu da mu ai.

1 KORINHTU 1:20

Hpaji byeng-ya rawng ai wa kanang nga a ta? laika ka ai sara kanang nga a ta? ndai mungkan ga na bawmung wa kanang nga a ta? Mungkan ga a hpaji byeng-ya hpe, Karai Kasang shangawk shangak kau ya nu ai, n rai ni?

1 KORINHTU 1:21

Kaning rai nme law, Karai Kasang hpaji daw ai hte maren, mungkan ga gaw tinang a hpaji byeng-ya hte Karai Kasang hpe n chye lu ai majaw, angawk angak ngu ai hkaw dan ai ga hte kamsham ai ni hpe hkye hkrang la na, Karai Kasang ra ai hku rai nga ai.

1 KORINHTU 2:12

Anhte chyawm gaw mungkan ga a wenyi hpe hkam la saga ai n rai; Karai Kasang e anhte hpe jaw da ai chyeju hpe anhte chye lu u ga, Karai Kasang kaw na Wenyi hpe anhte hkam la saga ai:

2 KORINHTU 10:10

Kaning rai nme law, shi a laika ni gaw li la ai hte atsam rawng ai laika rai lu ai rai timung, shi hkum nan rau nga nga yang, shi a hkum hpung n rawng nna, shi a tsun ai ga akyu n rawng lu ai, nga nna tsun ai ni nga ma ai.

2 KORINHTU 4:7

Rai timung, dai chyahtum chyalai re ai n-gun atsam gaw anhte kaw na n re ai sha, Karai Kasang kaw na pru nga u ga she, ndai sutgan gaw, ga dibu hta sha anhte rawng da gaw ai.

YAKU 2:5

Ngai tsawra ai hpunau ni e, madat mara la mu: kamsham ai sutgan hta lu su nna, Karai Kasang hpe tsawra ai ni a matu mara, ndat da ai mungdan a sali wunli hpe hkam la lu mu ga, Karai Kasang gaw mungkan ga na matsan mayan ni hpe lata la manu ai, n rai ni?