1 KORINHTU 1:20 - Jinghpaw Hanson Version Bible

²⁰ Hpaji byeng-ya rawng ai wa kanang nga a ta? laika ka ai sara kanang nga a ta? ndai mungkan ga na bawmung wa kanang nga a ta? Mungkan ga a hpaji byeng-ya hpe, Karai Kasang shangawk shangak kau ya nu ai, n rai ni?

Jinghpaw Common Language Bible 2009

²⁰ Dai re ai majaw, hpaji byeng-ya rawng ai wa kanang nga a ta? Laika ka ai sara kanang nga a ta? Ndai mungkan ga na ga tsun shingjawng lu ai ni kanang nga a ta? Karai Kasang gaw ndai mungkan ga a hpaji byeng-ya hpe angawk angak kaman lila shatai kau ya manu ai n rai ni?

1 KORINHTU 1:20 ပူးပေါင်းရင်းမြစ်များ

2 SAMUELA 15:31

masha langai mi mung Dawi hpe, “Absalom hte gumlau lawm ai hpung hta Ahihtohpela mung lawm ai,” ngu nna shana ya wu yang, Dawi gaw, “Yehowa e, Ahihtohpela daw ya ai hpaji hpe shangawk kau ya u,” ngu nna hpyi wu ai.

2 SAMUELA 16:23

Dai prat e Ahihtohpela daw ya ai hpaji gaw, Karai Kasang kaw san la lu ai ga zawn kang nga lu ai; Dawi a man e rai timung, Absalom a man e rai timung, Ahihtopela daw ya ai hpaji ga gaw dai zawn kang nga lu ai.

2 SAMUELA 17:14

Dai na jang, Absalom hte Israela masha ni nlang hte gaw, Arhki masha Hushai daw ai hpaji mahtang, Ahihtohpela daw ai hpaji hta grau htuk nga ai, nga ma ai. Kaning rai nme law, Absalom hpe jasum na matu, Ahihtopela daw ai hpaji kaja hpe jahten lu hkra, Yehowa hpajang ai rai nga ai.

2 SAMUELA 17:23

Ahihtohpela chyawm gaw, shi daw ya ai hpaji hku n hkan ai mu jang, shi a lawze byau nna, shi nga ai mare, shi a nta de wa nhtawm, dinghku amu hpajang da ngut jang, shi dai dau si mat ai; shi kawa lup hta e, shi hpe makoi mayang di mu ai.

YOBA 12:17

Bawmung ni hpe singgu krin bawng rim wa nna, tara agyi ni hpe mana shangun mu ai.

YOBA 12:20

N-gup ningtam rawng ai ni hpe ma-a shangun nna, salang ni a hpaji dawm kau ya mu ai.

YOBA 12:24

Mung masha agyi ni a hpaji shi dawm la nna, lam n hku ai katsi katsang re ai shara e, brak hkawm shangun mu ai.

ESAIA 33:18

Nang hkrithpa dum yang, Jahpan la ai wa gaw, kanang, kang shen ai wa gaw, kanang, langchyi ni hti yu ai wa gaw, kanang rai nga a ta? nga nna nang myit sumru yu na ndai.

ESAIA 44:25

Grang dakat ai ni a kumla ni hpe shayuk kau ai hte, shaba wawt ai ni hpe mana bu shangun ai wa; hpaji byeng-ya rawng ai ni hpe kanut shangun ai hte shanhte a hpaji hpe shagawk kau ai wa;

ESAIA 53:1

Anhte shana ya ai shiga hpe, kadai kamsham a ta? Yehowa a lahpum, kadai hpe shadan dan a ta?

YEREMIA 10:7

Amyu baw ni a hkawhkam wa e, nang hpe hkrit hkungga mai ai rai nna, nang hpe n hkrit hkungga na kadai wa rai ta? amyu baw ni a hpaji rawng ai ni mahkra hta mung, shanhte a daru magam rawng ai ni mahkra hta mung, nang hte bung ai wa n nga ai.

MAHTE 13:22

Ju hpun hta gat ai nli a lam gaw, dai ga hpe na la timung, ndai prat na myit tsang ai hte hkalem kau ai sutgan gaw, dai mungga hpe lim kau nna, asi n si lu ai wa hpe rai nga ai.

YAWHAN 12:31

Ndai mungkan ga gaw, ya jeyang ai hkrum nga ai, ndai mungkan Du wa gaw, ya shinggan de shaden kau ai, hkrum na rai wa sai.

KASA 17:18

Dai rai nna, Epikuri lam hte Sto-i lam hkan ai hpaji sara ni nkau mi, shi hte dangrang hkat ma ai rai nna, nkau mi gaw, “Ndai baw law ai wa hpa tsun mayu nga ai kun?” nga nna mung, nkau mi gaw, “Hpara kaga ni a lam tsun dan ai wa rai sam ai,” nga nna mung, tsun shajang ma ai: dai gaw, shi Yesu a lam hte bai hkrung rawt wa ai lam tsun dan ai majaw rai nga ai.

ROMA 1:20

Shabyin da ai arai ni hpe tau yu yang, ginding aga lat kaw nna shi a marai nsam ngu ai, htani htana atsam hte Karai Kasang shing-yan gaw, leng leng a dan nga ai; dai rai nna, shanhte a mara raw na lam htum mat malu ai.

ROMA 1:22

Hpaji byeng-ya la rawng ai ni nsan nhtawm, shanhte angawk angak rai nga ma ai rai nna,

1 KORINHTU 1:19

Kaning rai nme law nga yang, “Hpaji rawng ai ni a hpaji hpe ngai jahten na nngai, Nyan rawng ai ni a nyan hpe ngai shinggan kau na nngai,” nga nna ka da nga ai.

1 KORINHTU 1:26

Dai hta kaga, hpunau ni e nanhte hpe shaga la ai lam aru yu mu; masha a arawn alai hte maren, hpaji byeng-ya rawng ai ni law law wa, ahkang aya lu ai ni law law wa, du amyu hta na law law wa, lawm ma ai n rai.

1 KORINHTU 1:27

Nsoi nsa rawng marawng gaw Karai Kasang a man e gumrawng gumtawng shara n nga u ga, hpaji byeng-ya rawng ai ni hpe kaya kahpa jahkrum mu ga, mungkan ga a angawk angak re ai hpe Karai Kasang lata la wu ai;

1 KORINHTU 1:28

n-gun lagaw rawng ai ni hpe kaya kahpa jahkrum mu ga, mungkan ga na n-gun n ja ai ni hpe Karai Kasang lata la wu ai;

1 KORINHTU 11:32

Tara dara ai hkrum ga yang mung, mungkan masha ni hte rau dawdan ai n hkrum u ga she, dai Madu a lata hte anhte sharin achyin ai hkrum ga ai.

1 KORINHTU 2:6

Rai timung, anhte gaw kup tsup ai ni hpe hpaji byeng-ya tsun dan ga ai: ndai mungkan ga na hpaji byeng-ya n rai; ndai mungkan ga na hten bya nga ma ai du ni a hpaji byeng-ya mung n re ai sha,

1 KORINHTU 2:8

Ndai hpaji gaw, ndai mungkan ga na kadai du ni mung, n chye ma ai; chye taw gaw, hpung shingkang rawng ai Madu hpe shanhte wudang hta n jen da na ma ai.

1 KORINHTU 3:18

Kadai rai timung tinang hkum hpe hkum hkalem nga myit ga. Marai langai ngai ndai mungkan ga e nanhte hta, Hpaji byeng-ya rawng nga nngai, nga nna grang a yang gaw, dai wa gaw hpaji byeng-ya lu la hkra, angawk angak tai wa u ga.

1 KORINHTU 3:19

Kaning rai nme law, ndai mungkan ga na hpaji byeng-ya gaw, Karai Kasang a man e angawk angak rai nga ai. Dai rai nna, Hpaji rawng ai ni hpe shanhte a hpaji hte shi shakrip mu ai;

1 KORINHTU 6:2

Chyoi pra ai ni gaw mungkan ga hpe tara dara na mara ai, nanhte n chye nga myit ni? Mungkan ga gaw nanhte e tara dara ai hkrum a yang gaw, kaji htum ai lam hte hpe tara dara na, nanhte n ging nga myit ni?

YAKU 4:4

La shaw ai ni e, mungkan ga hpe jinghku hku ai myit gaw, Karai Kasang hpe n dawng n yawt ai myit rai nga ai, nanhte n chye nga myit ni? Dai rai nna, mungkan ga a jinghku tai mayu ai wa kadai rai timung, Karai Kasang hpe n dawng n yawt ai wa tai nga ai.