1 KORINHTU 1:2 - Jinghpaw Hanson Version Bible

² Korinhtu mare na Karai Kasang a Hpung hta lawm ai ni hte, shara shagu hkan na, shanhte a shara hta mung, an a shara hta mung, anhte a Madu Yesu Hkristu a amying ningsang hpe shaga nga ai ni yawng hte hpe, ga shana dat ga ai.

Jinghpaw Common Language Bible 2009

² Korinhtu mare na Karai Kasang a Hpung hta lawm nga ai ni hte, shara shagu hkan na, anhte hte shanhte a Madu rai nga ai Madu Yesu Hkristu hpe nawku daw jau nga ai Hkristu Yesu hta e, Karai Kasang a chyoi pra ai amyu masha tai na matu shaga la hkrum ai ni yawng hpang de ga shana dat ga ai.

1 KORINHTU 1:2 ပူးပေါင်းရင်းမြစ်များ

NINGPAWT NINGHPANG 12:8

Dai kaw nna Behtela a sinpraw maga na bum de shi htawt wa nhtawm, shi a sum hpe Behtela a sinpraw maga hte Ai a sinna maga pa lapran e gap wu ai: dai yang e mung Yehowa a matu tawn hkungri shi galaw nna, Yehowa a amying hpe nawku wu ai.

NINGPAWT NINGHPANG 4:26

Shet mung shadang sha langai mi lu wu ai rai nna, shi hpe Enusha, ngu nna shamying wu ai: dai prat kaw nna Yehowa a mying ningsang hpe nnan shaga hpang ma ai.

SHAKAWN KUNGDAWN 45:11

Hkawhkam wa gaw na a ahpraw tsawm ai ra a yang gaw, Na a madu wa shi rai nga ai majaw, shi hpe hkungga lara u.

KASA 10:36

Nga yawng nga pra Madu rai nga ai Yesu Hkristu a marang e ngwipyaw ai hte seng ai kabu gara shiga hkaw tsun dan u ga nga, Israela kashu kasha ni kaw shangun dat ai mungga ngu ai:

KASA 15:9

shing rai, kamsham ai hte shanhte a myit masin hpe kashin ya mu ai rai nna, anhte hte shanhte a lapran e, hpa hku mung ginhka mi ai n rai.

KASA 18:1

Ya dai lam byin ai hpang Pawlu gaw, Ahten mare na pru nna, Korinhtu mare de du ai.

KASA 22:16

Ya hpa rai ganung nga n ta? rawt u, Shi a amying ningsang hpe gang shaga let baptisma hkam la nna, na yubak kashin kamun kau u,’ ngu nngai.

KASA 26:18

shanhte a myi jahpaw na matu, ngai nang hpe shanhte hpang de shangun dat de ai rai nna, na a amyu a lata na mung, maigan masha ni a lata na mung, hkye hkrang la na de ai,’ nga nna ngai hpe tsun nngai.

KASA 9:13

Anani chyawm gaw, “Madu e, dai wa gaw Yerusalem e, na a chyoi pra ai ni hpe n hkru ai hku gade wa galaw ai gaw, ashi law law ngai na se ai;

KASA 9:14

ndai yang e mung, na a mying ningsang hpyi gang ai ni yawng mayawng hpe gyit dun la na nga, hkinjawng agyi ni kaw na ahkang lu la sai rai nga ai,” ngu nna htan wu ai.

KASA 9:21

Shi a ga na ai ni nlang mau mahka let, “Ndai wa gaw Yerusalem e amying ndai gang ai ni hpe sharun shabya ai wa rai nga ai, n rai ni? ya ndai de mung, dai baw ni hpe gyit la nna, hkinjawng agyi ni hpang de wa ap na maw ai hte sa du ra hka,” nga nna tsun shajang ma ai.

ROMA 1:7

Anhte a Wa Karai Kasang hte, Madu Yesu Hkristu kaw na, chyeju hte ngwipyaw ai gaw, nanhte hta e anga nga malit ga law.

ROMA 10:12

Kaning rai nme law, Yuda ni hte Heleni masha ni hpe lachyen lahka n nga ai sha, dai Madu gaw yawng mayawng a ntsa na Madu langai sha rai nga ai rai nna, shi hpe shaga ai ni yawng mayawng hte hta chyeju hpring nga ai.

ROMA 3:22

dai gaw Yesu Hkristu hta kamsham ai a majaw, kamsham ai ni nlang hte a matu mara Karai Kasang a dinghpring lu ai lam rai nga ai: lachyen lahka chyawm gaw hpa mung n nga lu ai.

ROMA 8:28

Dai rai nna, shakyet tawn da ai hte maren, shaga la ai hkrum ai ni ngu ai, Karai Kasang hpe tsawra ai ni a matu mara, yawng mayawng mai kaja hkra jawm byin wa sai, anhte chye ga ai.

1 KORINHTU 1:30

Shi a jaw e Hkristu Yesu hta e nanhte rai la nga myit dai: shi gaw, anhte a matu mara, Karai Kasang kaw na, hpaji byeng-ya lam, dinghpring ai lam, shachyoi shapra ai lam hte htingrai htingrat ai lam, tai wa sai.

1 KORINHTU 10:32

Masha yawng mayawng hkye hkrang la ai hkrum mu ga she, lam shagu hta nlang hte hpe ngai hkan jahkau nna, nye a akyu n re ai sha,

1 KORINHTU 12:27

Ya nanhte gaw Hkristu a hkumhkrang rai nga ai hte, langai hte langai de a daw shan ni rai nga myit dai.

1 KORINHTU 8:6

rai timung, anhte a matu mara, Wa ngu ai, Karai Kasang langai sha rai nga ai rai nna, shi kaw nna yawng mayawng pru wa ai hte, shi a matu anhte rai nga ga ai; Yesu Hkristu ngu ai Madu mung langai sha rai nga ai rai nna, shi a marang e yawng mayawng rai nga ai hte, shi a majaw anhte rai nga ga ai.

2 KORINHTU 1:1

Karai Kasang myit ra ai hte maren, Hkristu Yesu a kasa, ngai Pawlu hte, hpunau Timohti gaw, Korinhtu mare na Karai Kasang a Hpung hte Ahkaia mung ting na chyoi pra ai ni nlang hte hpe, ga shana dat ga ai.

2 KORINHTU 4:5

Kaning rai nme law, anhte gaw tinang a lam hkaw dan ga ai n re ai sha, Madu Hkristu Yesu a lam hpe mung, anhte nan Yesu a jaw e nanhte a mayam ni rai nga ga ai lam hpe mung, hkaw dan nga ga ai.

GALATI 1:2

ngai hte rau nga ai hpunau ni nlang hte gaw, Galati mung na Hpung ni kaw ga shana dat ga ai.

EHPESU 5:26

Dai Hpung hpe hka hte mungga e hka shin kau ai hte jasan jaseng kau nhtawm, dai hpe shachyoi shapra nna, agang chyalang hte kapum kapam re ai hpa mung n lawm ai sha,

1 HTESALONI 1:1

Pawlu, Silwanu hte Timohti hte gaw, Kawa Karai Kasang hte Madu Yesu Hkristu hta rai nga ai, Htesaloni masha ni a Hpung hpe, ga shana dat ga ai. Chyeju hte ngwipyaw ai gaw, nanhte hta e anga nga malit ga law.

1 HTESALONI 4:7

Kaning rai nme law, Karai Kasang gaw n san n seng ai hta nanhte hpe shaga la manit dai n rai, chyoi pra ai hta shaga la manit dai.

2 HTESALONI 1:1

Pawlu, Silwanu hte Timohti hte gaw, anhte a Wa Karai Kasang hte Madu Yesu Hkristu hta rai nga ai Htesaloni masha ni a Hpung hpe, ga shana dat ga ai.

1 TIMOHTI 2:8

Dai re ai majaw, masin pawt ai n lawm nna, ndang kalang n re ai hte, lasha ni gaw chyoi pra ai lata sharawt let, shara shagu hkan e akyu hpyi nga na hpe, ngai ra nga nngai.

1 TIMOHTI 3:15

Karai Kasang a nta e kaning rai arawn alai hkan mai na nang chye lu n ga, ndai lam ngai nang hpe ka dat nngai; dai nta chyawm gaw, hkrung nga ai Karai Kasang a Hpung rai nga nna, tengman ai a sumsai dawnu hte npawt hkridun mung rai nga ai.

2 TIMOHTI 1:9

Karai Kasang gaw anhte a arawn alai majaw n rai, shi hkum nan myit hpang da ai hte chyeju a majaw sha, anhte hpe hkye hkrang la nna, chyoi pra ai shaga la ai ga hte shaga da ma ni ai:

2 TIMOHTI 2:19

Rai timung, Dai Madu gaw shi hte seng ai ni hpe chye ginhka ai, nga nna mung, Dai Madu a amying mying ai ni nlang hte gaw, n ding n hpring ai hpe koi gam mu ga, nga nna mung, dazik sakse kap nga ai Karai Kasang a ngang kang ai npawt nhpang gaw, agrin nga ai.

2 TIMOHTI 2:22

Dai rai nna, brang ram a myit kayut ai lam koi gam u: san seng ai myit hte dai Madu hpe shaga gang ai ni hte rau, dinghpring ai, kamsham ai, tsawra ai hte ngwipyaw ai hpe, hkan shachyut nga u.

HEBRE 10:10

Dai myit ra ai hku a gawp e, Yesu Hkristu a hkumhkrang hpe lang lata sha nawng ya ai a marang e, anhte gaw shachyoi shapra ai hkrum sagaw ai.

HEBRE 13:12

Dai hte maren Yesu mung, shi hkum nan a asai hte dinghta masha ni hpe shachyoi shapra lu na matu, mare chyinghka shinggan e nni nkri hkam nu ai.

HEBRE 2:11

Shing rai shachyoi shapra ya ai wa hte, shachyoi shapra hkrum ai ni gaw, langai sha hta rum nga ma ai: dai re ai majaw shanhte hpe hpunau ngu na shi n kaya ai sha,

YUDA 1:1

Yesu Hkristu a mayam hte, Yaku a kanau, ngai Yuda gaw, Kawa Karai Kasang hta tsawra nna Yesu Hkristu a matu bau sin hkrum ai, shaga da ai ni hpe, ga shana dat nngai:

SHINGRAN 19:16

Shi a hpun palawng hte magyi hta, Hkawhkam ni a Hkawhkam, Madu ni a Madu, nga ai amying ka kap nga ai.