1 KORINHTU 1:13 - Jinghpaw Hanson Version Bible

¹³ Hkristu gaw bra wa sahka? Pawlu gaw nanhte a matu wudang hta jen da hkam sa ni? Pawlu a amying hta nanhte baptisma hkam manit ni?

Jinghpaw Common Language Bible 2009

¹³ Hkristu gaw shai wa bra wa sani? Pawlu gaw nanhte a matu wudang ntsa e si hkam ya sani? Nanhte gaw Pawlu a mying nsang hta hkalup hkam la manit ni?

1 KORINHTU 1:13 ပူးပေါင်းရင်းမြစ်များ

MAHTE 28:19

Dai majaw nanhte pru sa nna, masha amyu baw shagu hpe sape shatai let, Kawa a, Kasha a, Chyoi pra ai Wenyi a amying nsang hta, shanhte hpe baptisma jaw nhtawm,

MAHTE 3:6

tinang a yubak hpe shapraw dan let shi a lata hte Yawdan hka hta e baptisma hkam la ma ai.

KASA 10:48

Shing rai, Yesu Hkristu a amying hta baptisma hkam na lam, shi shanhte hpe hkang da mu ai. Shaloi, nhtoi loi mi naw hkring nga na, shanhte shi hpe hpyi ma ai.

KASA 19:5

Shanhte dai ga na jang, Madu Yesu a amying hta baptisma hkam la ma ai.

KASA 2:38

Petru gaw, “Myit malai lu nna, nanhte a yubak raw dat kau ya u ga, nanhte hkum shagu Yesu Hkristu a mying ningsang hta baptisma hkam la mu; shaloi Chyoi pra ai Wenyi ngu ai kumhpa gaw, nanhte lu la na marin dai.

KASA 8:16

kaning rai nme law, shanhte hta na gade a ntsa e mung, Chyoi pra ai Wenyi garai n yu wa ai; Madu Yesu a amying hta baptisma a hkam ai sha, naw rai nga ma ai.

ROMA 14:9

Kaning rai nme law, si mat ai ni hte hkrung nga ai ni hpe madu nga lu hkra, Hkristu gaw si hkam nna bai hkrung rawt wa sai.

1 KORINHTU 1:15

Krispu yan Geu hta kaga, nanhte hta na kadai hpe mung ngai baptisma n jaw nngai majaw, ngai myit ai htep ngu ni ai.

1 KORINHTU 10:2

yawng gaw dai sumwi hte nawng hta e Mawshe kaw baptisma hkam ma ai hte,

2 KORINHTU 11:4

Kaning rai nme law, nanhte kaw sa du ai wa gaw, anhte n hkaw dan ai Yesu kaga a lam shi hkaw dan nna, nanhte n hkam la ai Wenyi kaga hpe nanhte hkam la myit dai hte, nanhte n hta la ai kabu gara shiga kaga hpe hta la myit yang gaw, shi a lam nanhte gaja wa sharang nga myit dai.

GALATI 1:7

Dai kabu gara shiga kaga chyawm gaw, kabu gara shiga mai ngu na n re ai sha, Hkristu a kabu gara shiga hpe shabyak mayu nna, nanhte hpe sharu shatsang nga ai ni nkau mi rai nga ma ai.

EHPESU 4:5

Madu langai sha, makam masham langai sha, baptisma lam langai sha rai nga ai:

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.