1 KORINHTU 1:11 - Jinghpaw Hanson Version Bible

¹¹ Kaning rai nme law, ngai hpu ngai nau ni e, nanhte hta ga law ga la rai nga myit dai gaw, Hkloe a nta na ni, nanhte a lam ngai hpe sa shana ya mi ai.

Jinghpaw Common Language Bible 2009

¹¹ Hpa majaw nga yang, ngai hpu ngai nau ni e, nanhte shada da ga li ga law rai nga myit dai lam hpe Hkloe a nta na masha nkau mi ngai hpe asan sha sa tsun shana dan mi ai.

1 KORINHTU 1:11 ပူးပေါင်းရင်းမြစ်များ

NINGPAWT NINGHPANG 27:42

Shing nga nna kasha kaba Esaw tsun ai ga hpe Rebeka e shana ya mu ai; dai rai nna shi gaw kasha Yaku hpe shaga la nna, “Yu u, na nhpu Esaw gaw nang hpe sat nna masin jasi na maw nga ai;

NINGPAWT NINGHPANG 37:2

Yawsep gaw asak shi sanit ning rai yang shi a kahpu ni hte sagu bainam ni rem nna nga ai; shi gaw kawa a madu jan Bila yan Zilhpa a kasha ni hte kanawn ai ma rai nga ai rai nna, Yawsep gaw shanhte a n shawp ai shiga kawa hpe shana ya ya rai nga ai.

GA SHAGAWP 13:10

Gumrawng ai majaw, ga law ga la hkrai byin nga ai; Hpaji daw ai ni a ga hkan ai wa, hpaji rawng nga ai.

GA SHAGAWP 18:6

Angawk ai wa a n-gup gaw ga law chye nga ai; Shi a n-gup gaw shingna hpyi nga ai.

1 KORINHTU 1:10

Hpunau ni e, nanhte nlang hte gaw ga langai sha tsun nga nna, nanhte hta e hka wa bra wa na lam n nga ai sha, myit mang langai sha hte mung sumtu langai sha hta e nanhte hkum tsup lu myit ga, anhte a Madu Yesu Hkristu a amying ningsang a marang e, ngai nanhte hpe shadut jahkat dat made ai.

1 KORINHTU 1:12

Ning ngu nna ngai tsun made ai gaw, “Ngai chyawm gaw Pawlu hte seng nngai, ngai mahtang Apolo hte seng nngai; ngai gaw Kehpa hte seng nngai, ngai gaw Hkristu hte seng nngai,” nga nna nanhte langai hte langai tsun hkat shajang nga myit dai majaw, ngai tsun made ai, rai nga ai.

1 KORINHTU 11:18

Shawng na lam tsun yang, nanhte gaw dai Hpung hta e zuphpawng ai shaloi, nanhte hta e hka wa bra wa na lam rai nga ai, ngai na hkrup nngai rai nna, teng dam nhten ngai kam nngai.

1 KORINHTU 3:3

kaning rai nme law, nanhte shinggyim ta naw rai nga myit dai. Nanhte hta e manawn masham hte ga law ga la rai nga myit dai majaw, nanhte shinggyim ta naw rai nga myit dai hte, mungkan masha zawn, naw hkawm nga myit dai, n rai myit ni?

2 KORINHTU 12:20

Kaning rai nme law, nanhte hpang de ngai du yang, ngai ra ai hte maren nanhte n rai nga nna, nanhte ra ai hte maren ngai mung n rai nga na nhten, ngu nna ngai tsang nga nngai: gasat gala, manawn masham, n dawng n yawt ai, bra wa na lam, baw law ai ga, kadum kahte ai ga, grang ai ga hte kabrawng kabrang rai nga na hpe mung, ngai tsang nga nngai:

GALATI 5:15

Shing n rai, nanhte shada da kawa nna sha hkat myit yang gaw, nanhte shada da n shamyit kau myit ga, sadi nga mu.

GALATI 5:20

gawngngu sumla naw ai lam, Mandan lakle amu, n dawng n yawt ai, ga law ga la ai, manawn masham ai, pawt sindawng ai, shai wa bra wa ai lam, daw hka wa ai lam, hpung karan wa ai lam,

GALATI 5:26

Anhte kaman lila grang nga nna, shada da jahte tam ai hte, shada da manawn masham ai, hkum rai nga ga.

HPILIPI 2:14

Hpa lam hpe mung, put ngun nna ndang kalang hkat ai hte, hkum galaw mu:

1 TIMOHTI 6:4

shi gumrawng gumtawng nga ai hte, hpa mung n chye ai sha, ga sumtu hte sha seng ai ga sawk yu ai hte ndang kalang hkat ai lam sha tam nga ai; dai hta na manawn masham ai, zumbru zumbra ai, shatan nhkan ai, n kaja ai hku aleng ai hte,

TITU 3:9

angawk angak nga nna san ai ndang kalang ga hpe mung, ahtik labau gawn ai lam hpe mung, jep ai tara a majaw ga law ga la nga nna gasat ningjet re ai lam hpe mung, koi kau u: kaning rai nme law, dai lam ni gaw akyu n rawng ai hte kaman lila sha rai nga ai.