1 KORINHTU 1:10 - Jinghpaw Hanson Version Bible

¹⁰ Hpunau ni e, nanhte nlang hte gaw ga langai sha tsun nga nna, nanhte hta e hka wa bra wa na lam n nga ai sha, myit mang langai sha hte mung sumtu langai sha hta e nanhte hkum tsup lu myit ga, anhte a Madu Yesu Hkristu a amying ningsang a marang e, ngai nanhte hpe shadut jahkat dat made ai.

Jinghpaw Common Language Bible 2009

¹⁰ Hpu nau ni e, anhte a Madu Yesu Hkristu a mying nsang ahkaw ahkang hte nanhte yawng hpe ngai hpyi nem dat nngai. Nanhte hta myit garan nna daw hka bra wa ai lam n nga na matu nanhte tsun shaga ai mung sumtu hta myit hkrum nga mu. Nanhte gaw myit mang ai lam langai sha, yaw shada ai lam langai sha hte tsep kawp myit hkrum kahkyin gumdin nga mu.

1 KORINHTU 1:10 ပူးပေါင်းရင်းမြစ်များ

SHAKAWN KUNGDAWN 133:1

Yu mu, hpunau ni myit hkrum nga nna, Rau hpawng nga lu ai gaw, Gade ngwipyaw nga a hka!

YEREMIA 32:39

shanhte hte shanhte a kashu kasha ni ngamu ngamai na matu, ngai hpe tutnawng hkrit hkungga nga lu hkra, ngai shanhte hpe myit langai sha hte lam langai sha jaw da na nngai:

MAHTE 9:16

Palawng nsa hpe garai n htun ai sumpan achyen hte kadai mung n kapa ga ai; shing di yang, dai achyen gaw palawng dingsa hpe gang nna, de a je ai hku gaw grau kaba wa ai.

MARKU 2:21

Palawng nsa hpe, garai n htun ai sumpan chyen hte kadai mung n kapa ga ai: shing di yang, dai achyen gaw dai hpe sha ai hte, dai nnan gaw dingsa hpe gang je kau nna, de a je mat ai gaw grau kaba wa ai.

MARKU 3:24

Mungdan langai mi dinghku brun mat wa yang, dai mungdan gaw grin nga lu na n rai;

YAWHAN 10:19

Shaloi dai ga a majaw, Yuda masha ni hta hka bra na lam bai pru wa malu ai.

YAWHAN 17:23

nang ngai hpe shangun dat ndai hte nang ngai hpe tsawra ndai zawn, shanhte hpe mung tsawra nga ndai gaw, mungkan masha ni chye lu na matu mung, nang ngai e jaw ai hpung shingkang hpe, ngai shanhte hpe jaw da mase ai.

YAWHAN 7:43

Dai rai nna hpawng nga ai masha ni hta, shi a majaw bra wa shara rawng wa malu ai.

YAWHAN 9:16

Shaloi Hparishe ni nkau mi gaw, “Dai wa gaw laban nhtoi n gawn ai majaw, Karai Kasang kaw na du sa ai wa n rai,” nga ma ai: bai nkau mi gaw, “Yubak lu ai masha gaw, ning re ai lamik kumla kaning rai galaw lu na a ta?” nga ma ai. Shing nga nna shada da bra mat ma ai.

KASA 4:32

Dai kamsham ai shawa hpung ting gaw myit mang langai sha rai nga ma ai: kadai mung tinang lu ai arai hpe nye a, n nga ai sha, yawng mayawng hpe jawm lang ma ai.

ROMA 1:13

Dai hta kaga, hpunau ni e, maigan amyu kaga ni hta akyu hkam la lu nngai hte maren, nanhte hta na mung langai ngai lu la n ga, nanhte hpang de sa du na law law lang a myit lu nga nngai rai timung, ya du hkra hkum shadang ai hkrum nngai hpe, nanhte n chye nga na ngai n ra nngai.

ROMA 12:1

Dai re ai majaw, hpunau ni e, nanhte a hkumhkrang hpe, hkrung nga ai, chyoi pra ai hte, Karai Kasang kaw sharawng awng ai hkungga matu nawng ya na, Karai Kasang a chyeju hte ngai nanhte hpe shadut shahkat dat made ai: dai gaw nanhte a myit masin a daw jau ai lam rai nga ai.

ROMA 12:16

Langai hte langai shada da myit shara mu; arawng lam n tam ai sha, arawng n lu ai ni hte mazum hkau nga mu. Tinang hkum hpe hpaji rawng ai zawn, hkum nawn nga myit.

ROMA 15:30

Ya, hpunau ni e, Yuda mung na nhtan shai ai ni kaw na ngai lawt lu nna, Yerusalem na ni a matu nye a shawang kumhpa hpajang na lam, chyoi pra ai ni a man e, sharawng awng ai hkrum lu na hte;

ROMA 16:17

Bai, hpunau ni e, nanhte hkam la ai sharin shaga ai lam hpe nhtan shai let, shabra sharun ai hte myit kataw shara shabyin ai ni hpe joi yu nna, shanhte hpe koi gam nga myit ga, ngai nanhte hpe shadum dat made ai.

1 KORINHTU 1:11

Kaning rai nme law, ngai hpu ngai nau ni e, nanhte hta ga law ga la rai nga myit dai gaw, Hkloe a nta na ni, nanhte a lam ngai hpe sa shana ya mi ai.

1 KORINHTU 11:18

Shawng na lam tsun yang, nanhte gaw dai Hpung hta e zuphpawng ai shaloi, nanhte hta e hka wa bra wa na lam rai nga ai, ngai na hkrup nngai rai nna, teng dam nhten ngai kam nngai.

1 KORINHTU 12:25

Karai Kasang gaw dai hkumhkrang hpe shabung shapre nna, arawng grit ai daw shan ni hpe grau nna arawng jaw mu ai.

1 KORINHTU 3:3

kaning rai nme law, nanhte shinggyim ta naw rai nga myit dai. Nanhte hta e manawn masham hte ga law ga la rai nga myit dai majaw, nanhte shinggyim ta naw rai nga myit dai hte, mungkan masha zawn, naw hkawm nga myit dai, n rai myit ni?

1 KORINHTU 4:16

Dai rai nna, nye a samnang ai ni tai nga mu, ngu nna ngai nanhte hpe shadut jahkat made ai.

2 KORINHTU 10:1

Nanhte a man e myit grit ai hte, tsan gang nga yang nanhte a lam nden ja ai myit madun ai, ngai Pawlu nan, Hkristu a sumnung ai hte myit gyip ai hpe tau yu nna, nanhte hpe shadut jahkat dat made ai:

2 KORINHTU 13:11

Dai hta kaga gaw, hpunau ni e, kabu gara nga mu; hkum hkum tsup tsup rai nga mu; shangwi shapyaw ai hkam la mu; myit mang langai sha rai nga mu; ngwipyaw ai lam hkan nna, tsawra myit rawng ai hte ngwipyaw shangun ai Karai Kasang gaw nanhte hte rau anga nga na ra ai.

2 KORINHTU 13:9

Dai rai nna, anhte gawng kya nga nna nanhte n-gun ja nga yang, anhte kabu gara nga ga ai: shing rai nanhte hkum tsup lu myit ga, dai lam mung anhte ahpyi nga ga ai.

2 KORINHTU 5:20

Dai re ai majaw Karai Kasang gaw anhte a lata e shadum jahprang nga ai zawn, Hkristu a lam htinglet ya ai kasa ni anhte rai nga ga ai; Karai Kasang hte htinglu htinglai mu, ngu nna Hkristu a jaw e anhte hpyi nem ga ai.

2 KORINHTU 6:1

Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

GALATI 4:12

Hpunau ni e, nanhte zawn ngai rai nga nngai majaw, nanhte mung ngai zawn rai nga mu, ngu nna ngai nanhte hpe hpyi nem made ai.

HPILIPI 1:27

Dai hta n-ga, nanhte a arawn alai gaw Hkristu a kabu gara shiga a lam hte ging dan nga u ga: shing rai jang, ngai du nna nanhte hpe hkrum lu rai timung, naw tsan gang nga rai timung, Wenyi langai sha hte nanhte lahpran tsap nga nna, myit masin langai sha hte dai kabu gara shiga a makam masham a lam hkying hkat nga myit dai gaw, ngai nanhte a lam na lu na nngai:

HPILIPI 3:16

rai timung, ya dep madep hte hte maren, dai arawn alai hta anhte hkawm nga ga.

1 HTESALONI 5:13

shanhte a amu bungli majaw, tsawra ai myit hte shanhte hpe grai wa hkungga lara nga na, anhte nanhte hpe hpyi nem nga ga ai: nanhte mung shada da ngwipyaw nga mu.

2 HTESALONI 2:1

Hpunau ni e, dai Madu a shani gaw ni magang wa ra ai zawn, nanhte n nawn nna wenyi hte mung, ga sumtu hte mung, anhte a shagun dat ai laika zawn san ai hte mung, nanhte a kraw lawang alawan n shamu n shamawt ai hte, myit gadau gadap n rai myit ga,

1 TIMOHTI 5:21

Ndai lam hte hpe myi man n tau ai hte hpa lachyen lahka n re ai sha nang galaw nga n ga, Karai Kasang hte Hkristu Yesu a man e mung, lata la ai lamu kasa ni a man e mung, ngai nang hpe ga daka dat de ai.

2 TIMOHTI 4:1

Karai Kasang a man e mung, hkrung nga ai ni hte si ai ni hpe tara dara magang ra ai Hkristu Yesu a man e mung, shi a dan pru na lam hte shi a mungdan a man e mung, ngai nang hpe shadut dat de ai gaw:

YAWSHU 22:15

Shaloi shanhte gaw Rubin amyu, Gad amyu hte Manashe amyu chyen ni nga ai Gilead mung du nna,

1 PETRU 2:11

Ngai tsawra ai ni e, myit masin hte gasat hkat nga ai hkum shan kayut la ai baw hpe koi kau myit ga, ga ntsa e shingbyi nga ai ni hte, bu hkawn manam zawn rai nga ai ni nanhte hpe, ngai nem da made ai:

1 PETRU 5:10

Nanhte mahtang chyahkring chyahkra nni nkri hkrum ai hpang, Hkristu hta e htani htana nga ai hpung shingkang a matu, nanhte hpe shaga la da ai, chyeju hkum hkum rawng ai Karai Kasang gaw, shi hkum nan, nanhte hpe shakup shatsup na, shangang shakang na hte n-gun sharawng na marin dai.