1 HKAWHKAM 8:2 - Jinghpaw Hanson Version Bible

² Shing rai Israela masha ni yawng hte gaw, shata sanit ngu ai, Ehtanim shata na poi laman e, Shawlumon hpang de sa zuphpawng nga ma ai.

Jinghpaw Common Language Bible 2009

² Shanhte yawng hte gaw shata sanit ngu na Ehtanim shata laman galaw ai Sum Poi aten hta sa zup nga ma ai.

1 HKAWHKAM 8:2 ပူးပေါင်းရင်းမြစ်များ

1 HKAWHKAM 12:32

Bai Yeroboam gaw Yuda mung na poi hte maren, shata matsat ngu na shi manga ya e poi ladaw tawn da wu ai rai nna, dai hkungri de lung wa wu ai: shing rai dai lam Behtela shara e shi galaw nna, shi jaw da sai dumsu kasha ni a man e, hkungga nawng ya wu ai: tsaw ai kawng nawku shara ni a matu shatai ai hkinjawng ni hpe mung, Behtela e tawn da mu ai.

1 HKAWHKAM 8:65

Shing rai Shawlumon gaw, ndai aten e, Habat mare kaw nna Egutu hka shi du hkra, shara shagu hkan na du sa ai grai law ai Israela shawa hpawng hte rau, anhte a Karai Kasang Yehowa a man e nhtoi bat lahkawng ngu ai nhtoi shi mali ya tup, poi de wu ai.

2 HKAWHKAM LABAU 5:3

Shing rai Israela masha ni yawng hte gaw, shata sanit e galaw ai poi hta, hkawhkam wa kaw sa zuphpawng nga ma ai.

EZRA 3:4

Bai, ka da nga ai hte maren, shanhte gaw sumpoi hpe mung galaw nna, wan nat hkungga a nambat shatup let, lani hte lani na hkungga nawng ya mu ai:

JAW JAU 23:34

Israela kashu kasha ni hpe ning ngu u: Dai shata sanit a nhtoi shi manga ya kaw nna sanit ya tup, Yehowa a matu sum poi rai nga ai.

YAWHAN 7:2

Dai shaloi e Yuda masha ni a Sum poi, ngu ai poi, du ra ai rai nna, shi a kanau ni gaw,

YAWHAN 7:37

Shaloi dai poi a jahtum nhtoi ngu ai nhtoi kaba hta Yesu gaw tsap da nna, “Hpang kara ai wa nga yang gaw, ngai hpang de sa lu rit.

TARA JAHPRANG 16:13

Na a chyarang na nai mam hte htumbyen na tsabyi jahku shu la tawm jang, sanit ya tup sum poi mung galaw na rai ndai: