1 HKAWHKAM 5:9 - Jinghpaw Hanson Version Bible

⁹ Nye shangun ma ni gaw Lebanon bum ga nna nammukdara du hkra dai mailung ni hpe karawt la nna, ngai dai hpe wawn shachyaw nhtawm, nang ra ai shara de du hkra hka lam hku shayawng ya na nngai; dai de du yang, ngai wawn run nna nang hkap htawk karawt la nu: nang mung ngai ra ai hte maren, nye a Hkaw na masha ni a matu lusha jaw na rin dai,” ngu nna tsun dat wu ai.

Jinghpaw Common Language Bible 2009

⁹ Nye a masha ni mung Lebanon kaw nna panglai du hkra mailung ni hpe garawt shayu la nna, dai ni hte wawn shachyaw nhtawm nang lata san da ai shara na hkin-gau de du hkra ngai shayawng yu wa na nngai. Dai yang e, nye a masha ni wawn run nna na a masha ni mahtang dai ni hpe hkap hparan lajang na rai nga ai. Na a maga hku na chyawm gaw nye a masha ni a matu ra ai lusha hpe karum madi shadaw la ya na ngai ra nngai.

1 HKAWHKAM 5:9 ပူးပေါင်းရင်းမြစ်များ

1 HKAWHKAM 3:12

yu u, nang hpyi ai hte maren ngai jaw sade ai. Ngai nang hpe hpaji byeng-ya rawng ai hte chye chyang ai myit jaw ni ai: nang zawn hpaji rawng ai, na a shawng e kadai n nga, na a hpang e kadai n pra na ra ai.

1 HKAWHKAM 4:20

Ya Yuda hte Israela amyu masha ni gaw, nammukdara makau na zaibru zawn law ma ai hte, lu lu sha sha let pyaw pyaw nga ma ai.

1 HKAWHKAM 5:10

Shing rai Hiram gaw Shawlumon ra ai hte maren, arit hpun mung, marau hpun mung jaw wu ai.

1 HKAWHKAM 5:8

Bai Hiram gaw Shawlumon hpang de masha shangun nna, “Nang ngai hpe htet dat ai ga ngai na se ai; nang ra ai hte maren arit hpun hte marau hpun ngai jaw na nngai.

1 HKAWHKAM 9:27

Hiram mung, nammukdara lam chye chyang ai shi a li hkang ma ni hpe, Shawlumon a ali ama ni hte rau sanghpaw li ni hta tawn da mu ai.

2 HKAWHKAM LABAU 1:15

Bai hkawhkam wa gaw Yerusalem mare hta e aja gumhpraw hpe nlung zawn, arit hpun hpe layang ga na lakum hpun zawn shalaw wu ai.

2 HKAWHKAM LABAU 2:16

shing rai, nang madu ra mara, anhte Lebanon bum ga na ngau shaw nna, Yopa mare du hkra wawn hte shayawng ya na ga ai; nang gaw Yerusalem de hpai la na ndai, ngu nna htan wu ai.

2 HKAWHKAM LABAU 9:22

Shing rai hkawhkam Shawlumon gaw, ga ntsa hkawhkam ni mahkra hta, sutgan hte hpaji byeng-ya grau nga ai.

EZRA 3:7

Bai shanhte gaw, wut gaw ai ni hte lasama ni hpe gumhpraw, Persi hkawhkam Kuru a ahkang hte maren, Yopa mare danam du hkra, Lebanon bum na arit hpun hpe shaw yawng na Sidon hte Turu masha ni hpe lusha jarit hte sau ni hpe jaw mu ai.

YOBA 32:8

Rai timung, shinggyim masha hta wenyi rawng nga nna, chyahtum chyalai n-gun rawng ai wa a nsoi nsa gaw, shanhte hpe shachye shachyang mu ai.

HPAJI NINGLI 1:16

Ngai gaw, Yerusalem mare hta e, nye a shawng e nga nga ai ni mahkra hta hpaji byeng-ya grau lu la nngai; gaja wa nye a myit masin gaw, zai byeng-ya, hpaji hparat hte chye chyang kaba rawng li ai, nga nna nye a kraw e ngai tsun nngai.

EZEKELA 27:17

Yuda hte Israela mung gaw, nang hte hpaga ga ma ai: shanhte gaw na a gun rai hte, Manit ga na hkaulan mam, gitbaw, lagat jahku, sau, balsam naw, galai hkat ma ai.

KASA 12:20

Dai hte yang hkawhkam wa gaw Turu hte Sidun masha ni hpe grai pawt bu da wu ai; dai rai nna, shanhte gaw myit langai sha hte shi hpang de sa nna, Blastu ngu ai, shi a kun hkringmang wa kaw sa hpa let, majan htinglu na lam sa hpyi ma ai: kaning rai nme law, shanhte a mung mahtang hkawhkam a mung na, lusha shahpa lu la ma ai.

TARA JAHPRANG 3:25

Yawdan hka wora hkran de nga ai kaja ai bum ga hte Lebanon bum hpe mu lu n ga, ngai hpe rap wa lu na ahkang jaw e,’ ngu nna hpyi we ai.