1 HKAWHKAM 22:3 - Jinghpaw Hanson Version Bible

³ Shing rai Israela hkawhkam shi a ali ama ni hpe, “Ramot-gilead mare gaw anhte a mare rai nga timung, anhte atsin sha nga nna, Suri hkawhkam a lata na n kashun la ai gaw, nanhte chye nga myit ni?” ngu mu ai.

Jinghpaw Common Language Bible 2009

³ Ahab gaw shi a du salang ni hpe, “Suri hkawhkam a lata na Gilead mung na Ramot mare bai lu la na matu anhte hpa mung n galaw kau sagaw ai gaw hpa majaw rai nga a ta? Dai gaw anhte hte seng ai mare rai nga a hka!,” ngu nna san wu ai.

1 HKAWHKAM 22:3 ပူးပေါင်းရင်းမြစ်များ

TARA JAHPRANG 4:43

dai mare ni gaw, Rubin amyu a matu nam mali pa hta nga ai Bezera; Gad amyu a matu Gilead mung na Ramot; Manashe amyu ni a matu Bashan mung na Golan rai nga ai.

1 HKAWHKAM 4:13

Ramot-gilead ginwang na Ben-gebera: shi gaw Bashan mung na Argoba ginwang hta, bunghku kum nna magri htinggrang grang ai mare kaba Kru shi ngu ai, Manashe a kasha Ya-ira sali wunli lu la ai Gilead mung na ginwang up nga ai;

2 SAMUELA 19:10

Anhte namman jaw nna Absalom hpe shadun ai mung, majan e si mat sai. Ya mung hkawhkam wa hpe sa woi la na n bawng ai, hpa rai nga nga myit ta? nga nna shada nawng hkat nga ma ai.

TARA AGYI 16:2

Shaloi, Samson du ra ai, nga nna Gaza masha ni hpe shana ma yang, shanhte shi e wang tawn ai hte, shana tup mare chyinghka e lagyim hkap nga nna, “Nhtoi htoi jang she shi hpe sat na ga ai,” nga nna tsun let, shana tup asim sha nga ma ai.

YAWSHU 20:8

Bai, Yawdan hka wora hkran, Yerihko tawtap Rubin ga hta, nam mali pa na Bezera mare, Gad ga hta Gilead mung na Ramat mare, Manashe ga hta, Bashan mung na Golan mare hte hpe san da mu ai.

1 HKAWHKAM 22:29

Shing rai Israela hkawhkam hte Yuda hkawhkam Yehosahpat gaw, Ramot-gilead de lung wa ma ai.

2 HKAWHKAM 8:28

Ya shi gaw, Ramot-gilead de Suri hkawhkam hpe gasat na matu, Ahab a kasha Yoram hte rau, sa wa ai rai nna, Suri masha ni gaw Yoram hpe hkala kau mu ai.

2 HKAWHKAM 9:14

Shing rai Nimshi a kashu, Yehosahpat a kasha Yehu gaw Yoram hpe gumlau wu ai. Yoram chyawm gaw, Israela masha ni yawng hte rau, Suri hkawhkam Hazaela hpe hkap gasat yang, Ramot-gilead hpe sin nga ma ai.

TARA AGYI 18:9

shanhte gaw, “Rawt mu, shanhte hpe sa gasat ga; mung hpe anhte yu yu sagaw ai; dai gaw grai kaja ai mung rai nga ai: lukmu naw nga nga myit ni? dai mung hpe madu la na hkum ganung nga manit.