Tîtɛ 3:11 - Kɑɑ Fí

¹¹ Ɔ jí ŋɡɔ ntɛ́ ŋu pɔ́Ꞌɔ kɑ́ pɛn ḿbɔ́ nǔu sɛ̂ndúŋ-Sɛ́ pɔ́, ḿbɔ́ ŋɡɛmɛnu kɛpɔŋ. Mɛnu kɛpɔŋ mɛ́ sɛ́ ŋ́ɡɛ ŋɡɔ ɑ vu ntsɑŋ mbi Sɛ́.

Tîtɛ 3:11 ပူးပေါင်းရင်းမြစ်များ

Lúkɑ́shi 19:22

Fɔɔ tsɔ́Ꞌ mbɔ̌ wɛ́ ŋɡɔ: Ɔ ŋu ŋɡɑŋfɑꞋ kɛpɔŋ. Ŋ ɡɛ ńdɔk pɔ ntsu wú ŋ́ŋɑk wú. Ɔ kɑ jí ŋɡɔ mbɑk-nu yɑɑ tɛn tɛꞋ, ŋɡɔ n dɔ ḿbɛ́ɛ yúu zʉꞋ yi ŋ kɑ́ nɔŋ, ńtsɔ́Ꞌ yúu zʉꞋ yi ŋ kɑ́ pi.

Lúkɑ́shi 7:30

Lɑ́ ŋ́ɡʉ nǔu Pɑ́fɑlísɑy, pɔ́p pɑkyɛ́Ꞌtɛ nɛpʉ́ʉ-Sɛ́, mbɔ pɔ́p kɑ mɛꞋ yɔ́p yîyɑ́ nu mɛꞋnɛ, lɑ ɛ́ pɔ́ yi Sɛ́ kɑ niitɛ ntɛ́ wɔ́p, ḿmɛꞋ pɔ́Ꞌɔ, ḿbɔɔ pɛ́m Jɑ̂ŋ nuꞋ wɔ́p ŋki pɔ́.

Jɑ̂ŋ 3:18

Ŋu lɑɑ ńzɑ́p tʉ́m yɛ́ nǔu wɛ́, mbɔ pɛ́ ŋ́ɡʉ ŋ́ɡɛ ŋ́ŋɑk wɛ́ pɔ́. Ŋu ẅí ɑ kɛ́ mbɔɔ zɑ́p tʉ́m yɛ́ nǔu wɛ́ pɔ́ jí ŋɡɔ pɛ́ ŋɑk mɔ́ wɛ́, mbíꞋŋɡɔ ɑ kɑ́ zɑ́p tʉ́m yɛ́ nǔu mɔ́ɔ-Sɛ́ wɛ́mɔ́Ꞌ pɔ́.

ŊwɑꞋnɛ-Gɑŋntúu Yɛ́su Kɛlístɔ 13:46

Pɔ̂l pɔ́p Pɑnɛpɑ́ɑshi ɡɔ́ɔ ɛ́sɑ́ɑnɛ sɑ́ɑnɛ́nɛ ńcú mbɔ̌ pɔ́p ŋɡɔ: «Pɛk ŋ́kɛ́ zɛɛ ŋ́ɡẅɛɛ nɛpiitɛ ɛ́sẅíi nu-Sɛ́ pɔ mbɔ̌ pʉʉ pɑyúdɑ. Pɑ́Ꞌ pʉʉ kɛ́ ńdʉꞋ lʉꞋnɛ, ńnyɛt ŋɡɔ pʉʉ kɑ́ kuꞋ pɑ́Ꞌ ḿbɔ́ pʉʉ ɡẅɛɛ luk kɛ́mɛ pɔ́ lɑ́, pɛk ɡʉ ɛ́shɔtnɛ ŋ́ɡʉ ńdɔɔ pʉɔ pí pɔ́p kɑ́ pɔ́ pɑyúdɑ pɔ́,

ŊwɑꞋnɛ-Gɑŋntúu Yɛ́su Kɛlístɔ 15:24

Pɛk kɑ zúꞋ ŋɡɔ pɛcɔ́ ntɑ́Ꞌpʉɔ kɑ fú tsɛtsɛt pɛk, ńtɔ́ ḿmɑꞋ ntɑ́kŋɛ tsɛtsɛt pʉʉ, ńdɔk sẅiŋɛ yɔ́p ŋ́ɡɛ tɛ pʉʉ pɔɔ kíi ńjí tú yʉ́ʉ pɔ́. Lɑ́ pɛk ŋkɑɑ nɛ zɛɛ ńtúu wɔ́p ŋɡɔ pɔ́p ɡʉ ńcú pɔ́Ꞌɔ pɔ́.

ŊwɑꞋnɛ-Gɑŋntúu Yɛ́su Kɛlístɔ 23:25

A cú pɔ́Ꞌɔ, ŋ́ŋwɑꞋnɛ ŋwɑꞋnɛ ŋ́ɡɑ́ mbɔ̌ ŋɡɔ́mnɑɑ Fɛlɛshi, ńcú tsɛtú ŋɡɔ:

Pʉɔ-Lɔ́mɑ 3:19

Mɔnɛ mɛnu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-nɛpʉ́ʉ-Sɛ́, pɛkŋɛ pɛn ńjí ŋɡɔ nu tsʉʉ yí nɛpʉ́ʉ cúnɛ, m biitɛ ńcú mbɔ̌ pɑyúdɑ pi nɛpʉ́ʉ ɛ̂nɑ́ sɑ́Ꞌnɛ wɔ́p. Pɑ́Ꞌ pɔ́p pɛn ḿbɔ́ yɔ́p pɔ ɡɑŋ-mɛfɑɑnɛ lɑ́, ntsu mbɑ wɛ́tɛ́ ŋumɛsɔŋ lɑ́, ɡʉ ńjʉ́ɔꞋnɛ, mbɑ wɔ̌ lɑ́ pɛn tʉ́ʉ mbi Sɛ́ ḿbɔ́ pɔ ŋu ẅí ɑ vunɛ ntsɑŋ.

2 Timɔtɛ́ɛ 2:14

Mɔnɛ mɛnu tsʉʉ mi ɔ ɡẅɛɛ nɛkẅíitɛ mbɔ̌ pʉɔ tsʉʉ, ńtʉ́ʉ mbi Sɛ́ ɛ́sɑ́ɑnɛ sɑ́ɑnɛ́nɛ ɛ́sẅíi pʉɔ ŋɡɔ kɔɔ pɔ́p kɑ́t ńzɔŋ nu. Pɔ́p zɔŋ nu pɔ́Ꞌɔ, ɛ́ pɔɔ cẅɛ́lɛ́ nǔu yɛcɔ́ yúu pɔ́, tɛ ńtsʉ́Ꞌ pɔ́Ꞌɔ, mbɔ ɛ́ ḿbʉ́ʉpɛ pʉɔ pi pɔ́p zúꞋnɛ mîmɑ́ mɛnu pʉ́ʉpɛ́nɛ nzʉʉ Sɛ́.

Tîtɛ 1:11

Ɛ́ píkŋɛ ŋɡɔ ɔ jʉ́ɔꞋ ntsu wɔ́p, mbíꞋŋɡɔ pɔ́p sɛ́ ńdɔk yúu mi pɔ́p zíꞋnɛ pʉɔ, ńtɛplɛ pʉɔ tsʉʉ tsɛt mɛtsɛ́nndɑ́. Ɛ́ pɔ́ yúu mi ɛ́ kɑ́ pɔ́ ḿbíkŋɛ nɛzíꞋ pɔ́, ńdɔk ńdɔɔ ŋkɑ́p.

Tîtɛ 1:14

pɔ́p pɔɔ pɛn ńzúꞋ mɛnu-mɑ́pitsɔꞋ-pɑyúdɑ, ńcʉŋɛ nǔu pɔ́, tɛ mbɑ nɛpʉ́ʉ ni pʉɔ pi pɔ́p tɛ́mnɛ ŋkwɛn nǔu nu yi ɛ́ nɛ́nẅín zɑ́pnɛ.

Ɛ́bɛlʉʉ 10:26

Pɛ́ lɑɑ ńzɛɛ nyɛt wɛkŋɛ nɛ́ nu nɛ́nẅín tɛ pɛkŋɛ pɔ́ ńjí sʉ́Ꞌnɛ, ḿbɛn ḿmɛꞋ, ŋ́kɛ́ ŋ́ɡɛ pɔ nu kɛpɔŋ tɛ ḿbɔ́ ńjí jínɛ, mbɔ wɛcɔ́ pɔꞋ ndɛꞋ ẅi ḿbɔ́ pɛ́ nɔŋ nɛlɔk ńjɛ́p mɛnu kɛpɔŋ mɛkŋɛ, pɔɔ pɛn ḿbɔ́ ɡú pɔ́.