Pʉɔ-Lɔ́mɑ 9:32 - Kɑɑ Fí

³² Pɔ́p ŋkɑɑ kuꞋ pɔ́ mɛlɑ́Ꞌ kʉ̈ɔ́? Ɛ́ kɑ pɔ́ mbíꞋŋɡɔ pɔ́p ŋ́kɑɑ ḿbɔ́ ŋ́kwɑŋɛ ŋɡɔ pɔ́p ɡʉ ńzɑ́p tʉ́m yɔ́p nǔu Sɛ́ lɑ jʉ́ ɡɛnɛ pɔ́p pɔ́ ndʉ́ŋndʉŋ mbi yɛ́ pɔ́, pɔ́p kɑ pɔ́ ńcú pɔ ŋɡɔ pɔ́p ɡʉ ŋ́ɡɔ́ ḿbɔ́ ndʉ́ŋndʉŋ mbi Sɛ́, ńdɛɛ pɔ nǔu mɛfɑꞋ mɔ́p. Pɔ́p ɡɛ pɔ́Ꞌɔ, ŋ́ɡɔ́ɔ ŋ́kɛ́ ńtɛ́m ku yɔ́p nǔu ŋɡɔꞋ yi pɛ́ kɔɔtɛ́nɛ nǔu ḿvu sɛ́.

Pʉɔ-Lɔ́mɑ 9:32 ပူးပေါင်းရင်းမြစ်များ

Mɑtʉ̈ɔ 13:57

Pɔ́p cú pɑ́Ꞌɑ, ŋ́ɡwɑ́k wɛ́. Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Pɛ́ ɡɑ́ mɛkuꞋ-Ŋɡɛ́mndʉ̈ɔ́Ꞌ-Sɛ́ zʉꞋ tsʉʉ, tɛ ɛ́ tsʉ́Ꞌ ndɑꞋ lɑ́Ꞌ pɔ́p, ŋ́ɡɛ pʉɔ-tsɛ́nndɑ́ yɔ́p.»

Lúkɑ́shi 2:34

Símɔ̂ŋ níꞋ mbɔ́tnɛ nǔu pɔ́p ḿbɛn ńcú mbɔ̌ Mɑlíyɑ ŋɡɔ: «Mɔ́ɔ nu wɔ pɑ́Ꞌɑ ḿbɔ́ ẅi Sɛ́ ɡʉ ńdɛɛ nzʉʉ yɛ ŋ́ɡɛ sʉ́ʉ kɔ́ pʉɔ tɛ ńzɑ́ɑ Íslɑɛ̂l wɔ, ḿbɛn ŋ́ɡɛ pɛ́ ɡɑ́ mɛkuꞋ nɛlʉ́m-pʉɔ, mbíꞋŋɡɔ ɑ ŋu ẅi Sɛ́ lɔk pɔ wɛ́ ńnyɛt yúu mi ɛ́ ɡɛnɛ, lɑ pʉɔmɛsɔŋ kɛ́ ŋ́ɡwɑ́k wɛ́ ɡwɑ́knɛ.

Lúkɑ́shi 7:23

Pɔ́ttú ŋu ẅí ɑ kɑ́ kɑ́ɑ nɛzɑ́p tʉ́m nǔu mɔ pɔ́.

Pʉɔ-Lɔ́mɑ 10:3

Ɛ́ pɔ́ mbíꞋŋɡɔ pɔ́p kɑ́ pɔ́ ŋ́kɔŋ nɛpɛ́m ntɛ́ yi Sɛ́ lɔknɛ ŋ́ɡɛ pʉɔ pɔ́ ndʉ́ŋndʉŋ mbi yɛ́ pɔ́ mbɑ mbíꞋŋɡɔ pɔ́p lɔɔ pɔ wɔp sɛ̂ndúŋ. Pɔ́p kɑ́ pɛ́m sɛ̂ndúŋ ẅi Sɛ́ fúnɛ nǔu ŋɡɔ pʉɔ pɔ́ ndʉ́ŋndʉŋ mbi yɛ́ pɔ́.

Pʉɔ-Lɔ́mɑ 11:11

N dɑꞋ ŋɡɔ́mbɑ̌ɑ, pɑ́Ꞌ pɑíslɑyɛ̂l kɑ pɔ́ tɛ ńtɛ́m ku yɔ́p nǔu Kɛlístɔ ḿvu Sɛ́ lɑ́, ɛ́ kɑ pɔ́ pɔ́Ꞌɔ, ḿbɔ́ ndɑꞋ ndɑꞋ? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Lɑ́ ɛ́ kɑ fú pɔ pɑ́Ꞌ pɔ́p tɛ́mnɛ ŋkwɛn yɔ́p, tɛ pʉɔ pi pɔ́p kɑ́ pɔ́ pɑíslɑyɛ̂l pɔ́ lɛɛtɛ nǔu ńduk. Sɛ́ kɑ pɔ́ ŋ́ɡɛ pɑ́Ꞌɑ nɛpɔ́ yi Pɑíslɑyɛ̂l ɡʉ ńzɑ́p lík nǔu, ŋ́kɔ́Ꞌ lɔ́ŋ.

Pʉɔ-Lɔ́mɑ 4:16

Ɛ́ yúu mi ɛ́ ɡɛnɛ, ŋu lɔk pɔ nɛzɑ́p tʉ́m nǔu Sɛ́ lɑ ŋ́ɡẅɛɛ yúu mi pɛ́ kɑ kɑ́Ꞌnɛ. Sɛ́ lɔk pɔ́Ꞌɔ, ŋ́ɡɑ́ pɔ fuꞋ níinɛ yɛ́, ɛ́ lɛɛ pɔ́Ꞌɔ, mbɑ wɔ̌ lɑ́ ẅi ɑ nǔu njẅɛt-Ábɛlɛhɑ̂m ɡẅɛɛ yɛ́ yúu. Tɛ ɛ́ pɔɔ pɔ́ ndɑꞋ pʉɔ pi pɔ́p nɑ́ŋnɛ ńzúꞋ yɔ́p pɔ mbɔ̌ nɛpʉ́ʉ pɔ́, ɛ́ pɛn ḿbɔ́ mbɑ pʉɔ pi pɔ́p zɑ́pnɛ yɔ́p pɔ tʉ́m nǔu Sɛ́ pɑ́Ꞌ Ábɛlɛhɑ̂m. A tɑ́t wɛkŋɛ pɛtsʉʉ pi pɛkŋɛ pʉɔ-Sɛ́.

1 Kɔlɛ̂ŋtɛ 1:23

Lɑ́ ɛ́ kɛ́ ŋ́ɡʉ nǔu pɛk, pɛk sɛ́ ɛ́sɑ́Ꞌ pɔ nu-Kɛlístɔ ẅi pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. Yîyɑ́ nu pɔ́ mbɔ̌ pɑyúdɑ ḿbɔ́ nu yi ḿbɔ́ pɛ́ zɛɛ mbɔɔ kẅíi tɛ ɛ́sẅíi ŋu pɔ́, ḿbɔ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́ ḿbɔ́ pɔ mɛnu-pɛpɑ́lɛ.

1 Pyɛ̂ 2:6

Pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: Pʉʉ jʉ́ɔ, n tíi ŋɡɔꞋ-nɛlẅí-ndɑ́, ńnɔŋ tʉ́sɔŋ-Siɔŋ, ɛ́ pɔ́ ŋɡɔꞋ ŋ́ɡẅɛɛ shʉ́ ḿbɛn ḿbɔ́ tʉʉndɛn ḿbɔ́ yi ŋu lɑɑ ńzɑ́p tʉ́m nǔu wɛ́, sʉ́ʉ pɔɔ lɑ́Ꞌ ŋ́kɔ́ ŋɡɑŋ pɔ́.

1 Pyɛ̂ 2:8

Ḿbɛn ḿbɔ́ ŋɡɔꞋ yi ɛ́ ɡʉ ŋ́ɡɛ pɛ́ vu sɛ́, ɛ́ mɑ́mɑ́ ŋɡɔꞋ yi pɛ́ ɡʉ kɔɔtɛ nǔu.» Pɔ́p ŋ́kɔɔtɛ nǔu, mbíꞋŋɡɔ pɔ́p lʉꞋ nɛzúꞋ sẅiŋɛ-sɛ́. Ɛ́ kɛ́ ḿbɔ́ pɔ pɑ́Ꞌ Sɛ́ kɑ zɑ́pnɛ ŋɡɔ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ nǔu pɔ́p.