Pʉɔ-Lɔ́mɑ 8:38 - Kɑɑ Fí

³⁸ N zɛɛ ḿbɔ́ ńtsuŋ ńjí ŋɡɔ, yɛcɔ́ yúu mi mbɔ ɛ́ fyɑk wɛkŋɛ pɛ Sɛ́ kɑ́ pɔ́ ɡú pɔ́, tɛ pɑ́Ꞌ ɛ́ lɑɑ ḿbɔ́ pɔ nɛvú, ḿbɔ́ pɔ ŋɡʉ̈ɔ́Ꞌ yi ɛ́ nǔu luk, ńzɛɛ ḿbɔ́ pɔ pɛcʉ̈ɔ́Ꞌ-Sɛ́, ḿbɔ́ pɔ yúu mi ɛ́ sɑ́Ꞌnɛ mbí, ḿbɔ́ pɔ yɔ ŋkɑ́ mbí kɛ pɔ yi ɛ́ ɡʉ ŋ́ɡɛ lɑ ńtɔ́ ɔɔ,

Pʉɔ-Lɔ́mɑ 8:38 ပူးပေါင်းရင်းမြစ်များ

Jɑ̂ŋ 10:28

Ŋ ɡɑ́ luk kɛ́mɛ mbɔ̌ pɔ́p, pɔ́p ŋ́ɡʉ ńdɑ́Ꞌ ḿbɛn ńtíi ndɔɔ kɛ́mɛ pɔ́. Sɑ̌ɑ ŋu pɛn mbɔɔ kuꞋ nɛfú mbɔ̌ mɔ ɛ́sɑꞋ wɔ́p pɔ́.

Pʉɔ-Lɔ́mɑ 14:7

Ɛ́ zɛɛ ŋ́ɡɔ́ ḿbɔ́, wɛcɔ́ ŋu wɛkŋɛ kɑ́ ɡɔ́ ḿbɔ́ ɡú ɛ́ pɔ́ nɛɡɛ yúu mi ɛ́ pɔŋnɛ wɛ́ pɔ́, wɛcɔ́ ŋu pɛn ŋ́kɛ́ ḿbɔɔ ɡɔ́ ḿpfú ɛ́ pɔ́ nɛɡɛ yúu mi ɛ́ pɔŋnɛ wɛ́ pɔ́.

Pʉɔ-Lɔ́mɑ 14:8

Pɛkŋɛ ɡɔ́ ḿbɔ́ ɡú ɛ́ pɔ́ pɔ ŋɡɔ pɛkŋɛ yúu-Tsɑpʉɔ, ŋ́ɡɔ ḿpfú ɛ́ pɔ́ pɔ ŋɡɔ pɛkŋɛ ɡʉ ḿbɔ́ yúu-Tsɑpʉɔ. Pɔ́Ꞌɔ lɑ́, pɛkŋɛ lɑɑ ḿbɔ́ pɔ ntʉʉ ɔɔ, mbɔ pɛkŋɛ pɔ́ pɔ pʉɔ-Tsɑpʉɔ, kɛ ḿpfú pfúnɛ ɔɔ, mbɔ pɛkŋɛ pɔ́ pɔ pʉɔ-Tsɑpʉɔ.

Pʉɔ-Lɔ́mɑ 4:21

ḿbɔ́ ńtsuŋ ńjí ŋɡɔ Sɛ́ ɡẅɛɛ mɛtʉʉ nɛlɔk ŋ́ɡɛ yúu mi jʉ́ Sɛ́ kɑꞋnɛ ɛ́ puutɛ.

Pʉɔ-Lɔ́mɑ 6:23

mbíꞋŋɡɔ yúu mi nu kɛpɔŋ lɔknɛ ńtsɔ́ꞋfɑꞋ ntɛ́ fɑꞋ-ŋu, ɛ́ pɔ́ pɔ ŋɡɑŋ nɛpfú, lɑ́ fuꞋ yi Sɛ́ ɡɑ́nɛ mbɔ̌ ŋu pɔ níinɛ, ɛ́ pɔ́ pɑ́Ꞌ ŋɡɑŋ lɑtnɛ mbʉʉ yɛ nǔu Tsɑpʉɔ Yɛ́su Kɛlístɔ, ŋ́ɡẅɛɛ luk kɛ́mɛ.

1 Kɔlɛ̂ŋtɛ 15:24

Ɛ́ pɑ́ɑtɛ ḿbɔ́ ŋkɑ́ yi ndǔmbí ḿmɛ. Kɛlístɔ ḿbík mbɑ kʉ̈ɔ́ lɑ́ yi ɛ́ sɛ́ ɛ́sɑ́Ꞌ mbí, ḿbík mbɑ tɑ́tndɑ́ wɔ́p, mbɑ kʉ̈ɔ́ lɑ́ yi ɛ́ ɡẅɛɛnɛ tʉʉ ndǔmbí, ḿbík pɔ́Ꞌɔ, ŋ́ɡɔ́ɔ ŋ́kɛ́ ŋ́ɡɑ́ nɛfɔɔ mbɔ̌ Sɛ́ Tɑ́t.

2 Kɔlɛ̂ŋtɛ 11:14

Ɛ́ kɑ́ pɔ́ pɔ́Ꞌɔ, ḿbɔ́ pɔ yɛcɔ́ nu mɑ̌ɑmɑɑnɛ pɔ́, mbíꞋŋɡɔ Sɑ́ttɑ pɛn ńnɑ́ŋ yɛ́ tɛ ɛ́shɔtnɛ ńtsʉ́Ꞌ ḿbɔ́ pɔ pɑ́Ꞌ Cʉ̈ɔꞋ-Sɛ́ ẅi ɑ fúnɛ zʉꞋ yi kyɛꞌ zúꞋu lɑ́.

2 Kɔlɛ̂ŋtɛ 4:13

ŊwɑꞋnɛ-Sɛ́ cú ŋɡɔ: Ŋ kɑ zɑ́p tʉ́m nǔu Sɛ́, ɛ́ yúu mi ɛ́ kɑ ɡɛnɛ n cú nu, pɛk kɑ lɔk pɑ́Ꞌ pɛk zɑ́pnɛ tʉ́m nǔu Sɛ́, nǔu yîyɑ́ ntɛ́, ŋ́ɡẅɛɛ yɛ́k pɔ nɛcú nu Sɛ́,

Ɛ́fɛ̂zɛ 1:21

A pɔ́ zúꞋu ńdɔk ńdɛɛ ŋɡɔŋ pɛcʉ̈ɔ́Ꞌ-Sɛ́ pɔ́p pɛfɔɔ pɔ́p mbɑ mɛcɔ́ mɛyúu mi ɛ́ ɡẅɛɛnɛ mɛtʉʉ tʉ́nɛ́pú. Ɛ́ lɛɛ pʉɔ tsʉʉ tɛ mbɑ pɑ́Ꞌ ŋɡɑŋ lɑɑ ḿbɔ́ pɔ wɔ̌ lɑ́, kɛ pɔ nǔu yɔ kɛm-njí ɔ́ɔ, kɛ pɔ nǔu yi ɛ́ ɡʉ ńdɑ́Ꞌ lɑ ńtɔ́ ɔ́ɔ.

Kɔlɔsíyɛ̂ŋ 1:16

Sɛ́ kɑ zɛɛ ŋ́ɡɛ mbɑ kʉ̈ɔ́ lɑ́ lɛɛ nǔu mbɔ́-Mɔ́ɔ nɛ lɑ jʉ́ Sɛ́ pɔ́ɔ. Pɛ́ lɑ́Ꞌ yúu tsʉʉ yi ɛ́ tʉ́nɛ́pú, mbɑ yi ɛ́ ndǔ tsɛ́tsɑ́Ꞌ, mɛyúu mi pɛ́ jʉ́ɔnɛ mbɑ mi pɛ́ kɑ́ pɔ́ ńjʉ́ɔ pɔ́, mbɑ kʉ̈ɔ́ lɑ́ yi ɛ́ ndǔmbí ɡẅɛɛnɛ mɛtʉʉ nǔu pʉɔ, ɛ́sɑ́Ꞌ pɛcɔ́. Sɛ́ kɑ ɡɛ mîmɑ́ mɛyúu lɛɛ nǔu mbɔ́-Mɔ́ɔ nɛ lɑ pɛ́ pɔ́ɔ, ḿbɛn ḿbɔ́ɔ ɛ́ pɔ́ pɔ yɛ́ Mɔ́ɔ nɛ.

Kɔlɔsíyɛ̂ŋ 2:15

Sɛ́ kɑ pɔ́ ńdɔk pɔ́Ꞌɔ, ŋ́ɡẅɛɛ mɛzẅikŋɛ kɛpɔŋ, mi ɛ́ ɡẅɛɛnɛ tʉʉ, ḿbɔ́ ɛ́sɑ́Ꞌ ndǔmbí yɔ, ńcẅɛɛtɛ mɛtʉʉ mɔ́p ḿmɛꞋ, ńtɛ́m sʉ́ʉ tú pɔ́p mbi lɑ́Ꞌ. Ɛ́ pɔ́ pɑ́Ꞌ ɑ kɑ lɔknɛ wɔ́p ŋ́ɡɛ puꞋ-ntsɔ, Kɛlístɔ lɔk wɔ́p ŋ́kɑ́t ńnɛn ńdɔk ńdɛꞋlɛ ŋɡɔ ɑ jʉ́ ntsɔ.

2 Timɔtɛ́ɛ 1:12

Yɛ́tɛ ɡɛnɛ n jʉ́ɔ yɔ ntɛ́ ŋɡʉ̈ɔ́Ꞌ ŋkɔ̂ɔnɛ pɑ́Ꞌɑ mbíꞋ pɔ pɔ́Ꞌɔ. Lɑ́, sʉ́ʉ kɛ́ ḿbɔɔ ŋ́kɔ́ wɑ́ɑ nǔu pɔ́, mbíꞋŋɡɔ mɔ sɛ́ ńjí ŋu ẅi n zɑ́pnɛ tʉ́m nǔu wɛ́. N tsuŋ ḿbɔ́ ńjí ŋɡɔ ŋɡɑŋ ɡẅɛɛ mɛtʉʉ nɛlɔk ŋ́kúꞋlɛ nu yi ɑ kɑ lẅɛꞋnɛ mbɔ̌ mɔ, tɛ ŋ́kúu lɛ́Ꞌ yi Yɛ́su ńdɑ́Ꞌ ńtɔ́.

Ɛ́bɛlʉʉ 11:13

Pɔ́p pɛtsʉʉ kɑ ɡɔ́ ḿpfútɛ ḿbɔ́ ńzɑ́p tʉ́m yɔ́p pɔ nǔu Sɛ́, ŋ́kɛ́ ḿbɛ́t pɔ kɛ́ ɡẅɛɛ yúu mi Sɛ́ kɑ kɑꞋnɛ mbɔ̌ pɔ́p. Lɑ́ pɔ́p kɑ kɛ́ ńtʉ́ʉ ńjʉ́ɔ ɛ́ pɛ́t ŋɡɑ sɛsɑ, nu pɔŋ wɔ́p tɛꞋ, pɔ́p sɑ́ɑnɛ sɑ́ɑnɛ́nɛ ńcú ŋɡɔ pɔ́p ndǔ tsɛ́tsɑ́Ꞌ ḿbɔ́ pɔ pɛɡʉʉ, ḿbɛn ḿbɔ́ pɔ nɛɡwɑ́.

1 Pyɛ̂ 3:22

A kɑ kɔ́Ꞌ nɛ́ tʉ́nɛ́pú, ńnɑ́ŋ nǔu ɡúŋ pɔ́-Sɛ́ yi tʉʉ. A ŋkɔ̂ɔnɛ ḿbɔ́ ɛ́sɑ́Ꞌ pɛcʉ̈ɔ́Ꞌ-Sɛ́ tsʉʉ, ḿbɔ́ ɛ́sɑ́Ꞌ kʉ̈ɔ́ lɑ́ yi ɛ́ sɑ́Ꞌnɛ mbí, ɛ́sɑ́Ꞌ mɛtʉʉ tsʉʉ mi ɛ́ tʉ́.