Pʉɔ-Lɔ́mɑ 6:22 - Kɑɑ Fí

²² Lɑ́ pɑ́Ꞌ ɛ́ kɛ́ ḿbɛn ḿbɔ́ ŋkɔ̂ɔnɛ, mbɔ Sɛ́ kíɛꞋ ŋkʉ-nu kɛpɔŋ nǔu pʉʉ, pʉʉ tsʉ́Ꞌ pɛkwɑɑ pɛ́ lɑ́, pii yi ɛ́ sɛ́ ńcẅɛt ɛ́ pɑ́Ꞌ Sɛ́ sɛ́ ńcẅɛ́lɛ wʉ́ʉ pʉʉ pɔ́ ŋ́ɡẅɛɛ tsẅɛ́-pʉɔ pɛ́, ɛ́ ɡʉ ŋ́ɡɛ ńtsʉ́Ꞌ nɛmɛkŋɛ pʉʉ ɡẅɛɛ luk kɛ́mɛ,

Pʉɔ-Lɔ́mɑ 6:22 ပူးပေါင်းရင်းမြစ်များ

Mɑtʉ̈ɔ 13:40

Ndʉ́ŋndʉŋ pɑ́Ꞌ pɛ́ tsɔ́Ꞌnɛ yúu kɛpɔŋ ńtɔɔ múk lɑ́, ɛ́ ɡʉ ńdɑ́Ꞌ ḿbɛn ḿbɔ́ pɔ pɔ́Ꞌɔ, nǔu ndẅiknzʉʉ lɛ́Ꞌlɑ́Ꞌ.

Mɑtʉ̈ɔ 13:43

Ɛ́ ɡɔ́ ḿbɔ́ pɔ́Ꞌɔ, pʉɔ pínɛ pɔ́p zúꞋnɛnɛ Sɛ́ pɔ́ tsɛt ŋɡɔŋ ẅí Tɑ̌ɑ wɔp Sɛ́ sɑ́Ꞌnɛ, ḿbɔ́ ŋ́ŋwɑŋɛ pɑ́Ꞌ mɔ́nɛm lɑ́. Ŋu lɑɑ ŋ́ɡẅɛɛ mɛtúutɛ́ nɛlɔk ńzúꞋ nu ɑ zúꞋ.

Mɑtʉ̈ɔ 19:29

Mbɑ wɔ̌ lɑ́ ẅi ɑ kɑ nɑ́nɛ mɛndɑ́, ńnɑ́ pɔ́ɔpɛ́mɑ́ pɛ́ pɛ́ mbɛ́ɛnɛ mbɑ pɛ́ pɑŋɡɛ́, kɛ pɔ tɑ́t wɛ, kɛ pɔ mɑ́ wɛ, kɛ pɔ mbɔ́ŋkʉ̈ɔ́ pɛ́, kɛ pɔ mɛŋkɑ́Ꞌ mɛ́ ɔɔ, ntɛ́ lík yɑ́ɑ, ɑ ɡʉ ńdɑ́Ꞌ ḿbɛn ŋ́ɡẅɛɛ yîyɑ́ yúu ŋkɑ́ ŋkʉ, ḿbɛn ŋ́ɡẅɛɛ luk kɛ́ mɛ.

Mɑtʉ̈ɔ 25:46

Pɔnɛ pʉɔ ɡɔ́ɔ ŋ́kɛ́ ŋ́ɡʉ nɛ́ zʉꞋ yí pɔ́p ɡʉ ńdɑ́Ꞌ ńtswɛ́ zúꞋu, ńjʉ́ɔ pɔ ŋɡʉ̈ɔ́Ꞌ kɛ́ mɛ. Pʉɔ pí pɔ́p kɑ ɡɛnɛ yúu mi Sɛ́ sɛ́ ŋ́kɔŋ, pɔ́p kúu tsɛt luk kɛ́ mɛ.

Jɑ̂ŋ 15:16

«Pʉʉ ŋkɑɑ nɛ́ tsɔ́Ꞌ wɑ́ɑ pɔ́, mɔ kɑ tsɔ́Ꞌnɛ wʉ́ʉ, ńtúu wʉ́ʉ ŋɡɔ pʉʉ ɡʉ ɛ́fɑꞋ fɑꞋ yɑ́ɑ. Yúu mi pʉʉ ɡɛnɛ ńdɑ́Ꞌ ḿbɔ́ pɔ ɡú, mbɔɔ lɑ́Ꞌ ḿbɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pʉʉ lɑɑ ńdɔk lík yɑ́ɑ ńdɔ́ɔ pɔ ku mbɔ̌ Tɑ̌ɑ lɑ́, mbɔ ɑ ɡʉ ŋ́ɡɑ́ mbɔ̌ pʉʉ.»

Jɑ̂ŋ 15:2

«A njʉ́ɔ pɔ́tʉ́ ẅi ɛ́ lɑtnɛ́nɛ nǔu mɔ ḿbɔɔ ńzɛ́m ntɑ́ɑ pɔ́, ŋ́kʉ́ɔꞋ, ńtɔ́ nǔu yi ɛ́ sɛ́ ńzɛ́m mɛntɑ́ɑ, ńniitɛ ŋ́kwɑk yîyɑ́, ɛ́ tsuŋ ńzɛ́m mɛntɑ́ɑ sʉ́Ꞌnɛ.»

Jɑ̂ŋ 4:36

Ŋu ẅí ɑ lɑknɛ yúu, ɑ sɛ́ ńcẅɛ́ɛ tsɔ́ꞋfɑꞋ yɛ́, ɛ́ pɔ́ pɑ́Ꞌ ɑ sɛ́ ńcúꞋlɛ yúu ńníꞋ tsɛt luk kɛ́mɛ. Nɛpɔ́ yi ŋu ɑ pinɛ pɔ́p ŋu ɑ lɑknɛ ɡʉ tɛmtɛ ńtsɑ́ɑtɛ.

Jɑ̂ŋ 8:32

Mbɔ pʉʉ ɡʉ ńjí nu nɛ́nẅín, nu nɛ́nẅín ńtsúꞋ wʉ́ʉ.»

Pʉɔ-Lɔ́mɑ 6:14

Nu kɛpɔŋ zɛɛ ḿbɔɔ ńdɑ́Ꞌ ŋ́ɡʉ ḿbɛn ŋ́ɡẅɛɛ wʉ́ʉ pɔ́, mbíꞋŋɡɔ pʉʉ kɑ́ pɛ́t ńnɛn nǔu sɛ̂ndúŋ nɛpʉ́ʉ pɔ́, pʉʉ ńtsʉ́Ꞌ ńnɛn pɔ nǔu sɛ̂ndúŋ ẅi Sɛ́ sɛ́ ńdɛɛ nǔu ŋ́ɡɑ́ fuꞋ níinɛ yʉ́ʉ, pʉʉ pɔ́ ŋ́ɡɛ yúu mi ɛ́ ndʉ́ŋndʉŋ.

Pʉɔ-Lɔ́mɑ 6:18

mbíꞋŋɡɔ Sɛ́ ŋ́kíɛꞋ ŋkʉ-nu kɛpɔŋ nǔu pʉʉ, pʉʉ ŋkɔ̂ɔnɛ ńtsʉ́Ꞌ pɛkwɑɑ-nu yi ɛ́ ndʉ́ŋndʉŋ.

Pʉɔ-Lɔ́mɑ 6:21

Pʉʉ kɑ jʉ́ pii kʉ̈ɔ́ nǔu yîyɑ́ ntɛ́ mɛfɑꞋ? Pʉʉ ŋkɔ̂ɔnɛ ńtsʉ́Ꞌ ŋ́kwɑŋɛ mîmɑ́ mɛfɑꞋ sʉ́ʉ kɔ́ wʉ́ʉ nǔu kɔ́nɛ, mbíꞋŋɡɔ ɛ́ ɡɔ́ ḿmɛ ŋ́ɡɑ́ pɔ nɛvú.

Pʉɔ-Lɔ́mɑ 7:25

Sɛ́ ɡʉnɛ ńtɔ́ tsɛtú ńcẅɛɛtɛ wɑ́ɑ. Ńdɛɛtɛ nǔu Tsɑpʉɔ wɛkŋɛ Yɛ́su Kɛlístɔ, ɡúꞌlɛ pɔ́ mbɔ̌ wɛ́. Ɛ́ pɔ́Ꞌɔ, jínu yɑ́ɑ pɔ́ ɛ́sẅíi wɑ́ɑ ŋɡɔ mɔ ɡẅɛɛnɛ nɛpʉ́ʉ-Sɛ́, lɑ́ mbɑp-mbʉʉ-ŋumɛsɔŋ yi ŋ ɡẅɛɛnɛ pɔ́ ńtsʉ́ʉnɛ wɑ́ɑ ŋ kúꞋlɛ pɔ nɛpʉ́ʉ-nu kɛpɔŋ.

Pʉɔ-Lɔ́mɑ 7:4

Ɛ́ pɛn ḿbɔ́ pɔ ndʉ́ŋndʉŋ pɔ́Ꞌɔ nǔu pʉʉ mbɑ̌ɑ pɔ́ɔpɛ́mɑ́ pɑ́ɑ. Pʉʉ ŋkɔ̂ɔnɛ ḿbɔ́ nǔu nu-nɛpʉ́ʉ ḿbɔ́ pɔ pɛpfú lɑ ńdɔk ŋ́kuꞋ pʉɔ-Sɛ́, mbíꞋŋɡɔ pʉʉ pɛ́ Kɛlístɔ kɑ tɛmtɛ ḿpfú ŋkɑ́ yi ɑ kɑ pfúnɛ, pʉʉ pɛ́ nɛpʉ́ʉ lɔk pɔ́Ꞌɔ, fɑkŋɛ pɑ́Ꞌ pʉʉ ɡʉ ńtsʉ́Ꞌ ḿbɔ́ pɔ pʉɔ wɛcɔ́ ŋu ndɛꞋ, pʉɔ-Yɛ́su Kɛlístɔ ẅí Sɛ́ kɑ ɡɛnɛ ɑ zẅíimɛ nǔu nɛvú. Nɛpɔ́ yi pɛkŋɛ ɡʉ ɛ́fɑꞋ mɛfɑꞋ mi ɛ́ mɛ sʉ́Ꞌnɛ mbɔ̌ Sɛ́.

Pʉɔ-Lɔ́mɑ 8:2

mbíꞋŋɡɔ ŋu zɛɛ ḿbɔ́ tɛ ńdɑt mbʉʉ yɛ nǔu Yɛ́su Kɛlístɔ nɛpʉ́ʉ ni ɛ́ tsʉ́Ꞌnɛ ɛ́sɑ́Ꞌ wɛ́ pɔ́ pɔ yɛ Zẅikŋɛ Lɛ́ɛnɛ́nɛ yi ɛ́ ŋ́ɡɛ pɛ́ pɔ́ ɡú. Mîmɑ́ mbʉ́ʉ kɑ cẅɛ́ɛ wɑ́ɑ mbɔ̌ nɛpʉ́ʉ ni ɛ́ jínɛ nu kɛpɔŋ, ḿbɔ́ mi ɛ́ ɡɛnɛ pɛ́ pfú.

1 Kɔlɛ̂ŋtɛ 7:22

Pʉʉ jí ŋɡɔ ŋu ẅí Tsɑpʉɔ kɑ ɡɔ́ fúŋ wɛ́, ɑ pɔ́ ŋkwɑɑ, ɑ cẅɛt ndɑ́-kwɑɑ nu kɛpɔŋ, ńtsʉ́Ꞌ ḿbɔ́ pɔ ŋu-Tsɑpʉɔ. Ɛ́ pɛn ḿbɔ́ pɔ ndʉ́ŋndʉŋ nǔu ŋu ẅí pɛ́ kɑ ɡɔ́ fúŋ wɛ́ ɑ pɔ́ ndúunút, ŋɡɑŋ ńtsʉ́Ꞌ ŋkwɑɑ Kɛlístɔ, ńdɔk ḿbɔ́ yɛ́ ŋu-Kɛlístɔ.

2 Kɔlɛ̂ŋtɛ 3:17

mbíꞋŋɡɔ Tsɑpʉɔ pɔ́ pɔ Zẅikŋɛ, zʉꞋ yi Zẅikŋɛ-Tsɑpʉɔ pɛn ḿbɔ́ zúꞋu lɑ́, yɛcɔ́ yúu mi ḿbɔ́ ɛ́ tɑ́ɑtɛ ŋu, pɔɔ pɛn ḿbɔ́ zúꞋu pɔ́.

Ŋɡɑlɑ̂t 1:10

Pʉʉ sẅíi wɑ́ɑ nɛ́ nu yi ɛ fúnɛ nɛcú lɑɑ, ɛ́ nyɛt ŋɡɔ mɔ sɛ́ ńtsɑ́ɑ ŋɡɔ nu yɑ́ɑ pɔŋ pʉɔmɛsɔŋ kɛ ŋɡɔ ɛ́ pɔŋ pɔ Sɛ́? Mɔ pɑ́Ꞌɑ ḿbɔ́ ńtsɑ́ɑ nɛɡɛ yúu mi ɛ́ ɡʉ ḿbɔŋ pʉɔmɛsɔŋ? Ɛ́ pɛ́Ꞌnɛ, m bɔ́ ńdɔɔ mbɑ nɛɡɛ yúu mi ɛ́ ḿbɔŋ pʉɔmɛsɔŋ, mbɔ ŋ kɑ́ pɛn ḿbɔ́ ŋu ẅí ɛ fɑꞋnɛ fɑꞋ-Kɛlístɔ pɔ́.

Ŋɡɑlɑ̂t 5:13

Pɔ́ɔpɛ́mɑ́ pɑ́ɑ, ɛ́ ɡʉ nǔu pʉʉ, mbɔ Sɛ́ kɑ fúŋnɛ wʉ́ʉ pɑ́Ꞌ pʉʉ ɡʉ ńduk kwɑɑ-nɛpʉ́ʉ. Lɑ Kɔɔ pʉʉ lɛɛtɛ nǔu, ŋ́ɡɛ yúu mi mbʉʉ yʉʉ sɑ́Ꞌnɛ wʉ́ʉ pʉʉ ɡɛ. Tɛ ńtsʉ́Ꞌ pɔ́Ꞌɔ, pʉʉ ɡɛ ŋkɔŋɛ pɔ́ tsɛtsɛt pʉʉ, pʉʉ cẅɛ́lɛ́ mɛmbʉʉ mʉ́ʉ.

Ŋɡɑlɑ̂t 5:22

Lɑ́, mɛnu sʉ́Ꞌnɛ mi Zẅikŋɛ Lɛ́ɛnɛ́nɛ ɡɛnɛ ŋu ɡɛ ɛ́ mɔnɛ: Ḿbɔ́ nɛɡẅɛɛ ŋkɔŋɛ, ḿbɔ́ nɛnɑ́ŋ nɛ́ tsɑ́ɑtɛ, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛɡẅɛɛ kɔkmbʉʉ, ḿbɔ́ nɛtʉ́ʉ nɛcẅɛ́lɛ pʉɔ, ḿbɔ́ nɛɡẅɛɛ pɔŋtʉ́m, ḿbɔ́ nɛnɑ́ŋ kɛ́ pɔ́ ŋɡɑŋ mɛfúklɛ,

Ɛ́fɛ̂zɛ 5:9

N cú pɔ́Ꞌɔ, mbíꞋŋɡɔ, pii nɛpɔ́ zʉꞋ fúknɛ ɛ́ nɛɡɛ mɛnu sʉ́Ꞌnɛ, ŋ́ɡɛ mɛnu mi ɛ́ mbi Sɛ́ ḿbɔ́ ndʉ́ŋndʉŋ, ńnɑ́ŋ tsɛt nu nɛ́nẅín.

Filipɛ 1:11

Yɛ́su ɡʉ ńcẅɛ́lɛ́ wʉ́ʉ nɛfɑꞋ pɔ mɛfɑꞋ sʉ́Ꞌnɛ, nɛlɔk ŋ́ɡúꞋlɛ Sɛ́, ŋ́kɑꞋ lík yɛ́.

Filipɛ 4:17

N cú pɑ́Ꞌɑ, ɛ́ pɔɔ pɔ́ pɔ ŋɡɔ mɔ sɛ́ ńdɔɔ pɔ yúu mi pɛ́ ɡʉ ńtúu ŋ́ɡɑ́ mbɔ̌ mɔ pɔ́. Mɔ sɛ́ ńtsɑ́ɑ pɔ ŋɡɔ Sɛ́ fú nǔu ńníꞋ mbɔ́tnɛ nǔu pʉʉ.

Kɔlɔsíyɛ̂ŋ 1:10

Pɔ́Ꞌɔ, pʉʉ kuꞋ nɛnɑ́ŋ nǔu ntɛ́ yi Tsɑpʉɔ sɛ́ ŋ́kɔŋ, ḿbɔ́ ŋ́ɡɛ pɔ yúu mi ɛ́ pɔŋnɛ wɛ́, ɛ́fɑꞋ mɛfɑꞋ sʉ́Ꞌnɛ mɛntɛ́ mɛntɛ́, ŋ́kẅiꞋ ńjí jʉ́ Sɛ́.

Kɔlɔsíyɛ̂ŋ 4:12

Ɛpɑfɑlɑs ẅí ɑ ŋu lɑ́Ꞌ wʉʉ, cɛꞋlɛ wʉ́ʉ. Yɔ ŋu ẅí ɑ fɑꞋnɛ fɑꞋ-Yɛ́su Kɛlístɔ, ńnɑ́ŋ ŋɡɔŋ ŋkɑ́ tsʉʉ ḿbɔ́ ńdɔk nɛcɛꞋlɛ Sɛ́, ḿmɑꞋ ntsɔ nǔu tú yʉ́ʉ. A ɡɛ pɔ́Ꞌɔ, nɛpɔ́ yi pʉʉ ɡʉ tɛntɛ nǔu nu-Yɛ́su, yɛcɔ́ yúu pɔɔ pɛn ńjɑ́k nǔu pʉʉ pɔ́, pʉʉ ńnɑ́ŋ ŋɡɔŋ ŋkɑ́ tsʉʉ, ḿbɛ́m pɔ nɛɡɛ yúu mi Sɛ́ sɛ́ ŋ́kɔŋ ŋɡɔ pʉʉ ɡɛ.

Tîtɛ 1:1

Yɔ ŋwɑꞋnɛ fú mbɔ̌ mɔ Pɔ̂l, ɛ fɑꞋ fɑꞋ-Sɛ́, ḿbɛn ḿbɔ́ ŋɡɑŋntúu-Yɛ́su Kɛlístɔ. Sɛ́ kɑ zɑ́p wɑ́ɑ nɛɡɛ ŋɡɔ pʉɔ pi ɑ kɑ tsɔ́Ꞌnɛ zɑ́p tʉ́m nǔu wɛ́. Ḿbɛn ńjí nu nɛ́nẅín yi pɔ́p ńdɛɛtɛ nǔu ńnɑ́ŋ pɑ́Ꞌ ɛ́ pɔŋnɛ Sɛ́.

Ɛ́bɛlʉʉ 12:14

Pʉʉ lɔɔ pɑ́Ꞌ pʉʉ pɛ́ pʉɔ tsʉʉ ɡʉ ńnɑ́ŋ nɛ́ mbɔ́tnɛ. Pʉʉ lɔɔ mbɑ pɑ́Ꞌ pʉʉ ɡʉ ŋ́ɡɛ yúu mi Sɛ́ kɛ́ jʉ́ɔ lɔ́Ꞌ nǔu pɔ́. MbíꞋŋɡɔ ŋu lɑɑ ŋ́ɡɛ yúu mi Sɛ́ ɡʉ jʉ́ɔ lɔ́Ꞌ nǔu, mbɔ ŋɡɑŋ ńdɑ́Ꞌ ńjʉ́ɔ Tsɑpʉɔ pɔ́.

Jɑ̂k 1:1

A mɔ Jɑ̂k, mɔ ŋɡɑŋfɑꞋ-Sɛ́, mbɑ wɛ Tsɑpʉɔ Yɛ́su Kɛlístɔ. Ŋ ɡɑ́ yɔ ŋwɑꞋnɛ mbɔ̌ pʉʉ pɔ́ɔ-Sɛ́ pi pɔ́p nǔu mɛnjẅɛtndɑ́-pʉɔ-Islɑɛ̂l ntsɔ̌ppɑ́ nɛ́ nɛɡɛ́m, mbɔ pɔ́p kɑ sɑt mɔ́ zʉꞋ tsʉʉ ndǔmbí. N cɛꞋlɛ wʉ́ʉ.

1 Pyɛ̂ 1:9

Pʉʉ tsɑ́ɑtɛ mbíꞋŋɡɔ pʉʉ ɡʉ ŋ́ɡẅɛɛ yúu mi pʉʉ kɔŋnɛ, ńzɑ́p tʉ́m nǔu Sɛ́ mbíꞋ yɛ́tɛ́, ɛ́ pɔ́ pɑ́Ꞌ Sɛ́ ɡʉ ŋ́ɡɛ pʉʉ luk.

1 Pyɛ̂ 2:16

Pʉʉ lɔk mɑt wʉʉ ḿbɔ́ pɑ́Ꞌ pʉɔ pi pɛ́ kɑ cẅɛɛtɛ́nɛ wɔ́p ndɑ́-kwɑɑ. Lɑ́, kɔɔ ẅîwɑ́ nɛpɔ́ kɛ́ ńtsʉ́Ꞌ mbɔ̌ pʉʉ ḿbɔ́ ŋkwɑ́ yi pʉʉ ɡʉ ńdɔk ńdʉɔ mɛnu kɛpɔŋ. Pʉʉ lɔk mɑt wʉʉ ḿbɔ́ pɔ pɛkwɑɑ-Sɛ́.

Mɛnu ɛ́ ńdɑ́Ꞌ ńcẅɛt 7:13

Wɛcɔ́ tɑ́Ꞌ nǔu pɛlʉ́m ɡɔ́ɔ ŋ́kɛ́ ḿbíkŋɛ wɑ́ɑ ŋɡɔ: Pʉɔ pɔnɛ pi pɔ́p mɑꞋ mɛfúfú ndẅí lɑɑ pɔ́p pɛ́ wɔ̌, ḿbɛn ɛ́fú ɡɔ́?