Pʉɔ-Lɔ́mɑ 5:20 - Kɑɑ Fí

²⁰ Lɑ́ ɛ́ pɛn ŋ́ɡʉ nǔu nɛpʉ́ʉ-Mɔ̌sɛ̂ɛ, mbɔ Sɛ́ kɑ pɔ́ ńzɑ́p nɛpɔ́ yi pʉɔ ɡʉ ŋ́ɡɛ ɛ́fú nǔu ńjʉ́ɔ ndɛn ẅi pɔ́p lɔknɛ ŋ́ɡɛ nu kɛpɔŋ pɔ́Ꞌɔ. Pɑ́Ꞌ mɛnu kɛpɔŋ sɛ́ ńzɑ́ɑ ŋɡɔ́ku lɑ́ Sɛ́ pɔ́ ńtsɑ́ɑ mɛjʉ́ŋ pʉɔ ŋ́ɡɑ́ fuꞋ níinɛ yɔ́p tɛ ńdɛɛ ntɛ́.

Pʉɔ-Lɔ́mɑ 5:20 ပူးပေါင်းရင်းမြစ်များ

Mɑtʉ̈ɔ 20:9

Pʉɔ pínɛ pɔ́p zɛ yɔ́p fɑꞋ nǔu nɛm yɛ́tɑ́ɑ ntsuŋkẅɛ́Ꞌ tɔ́, pɛ́ ɡɑ́ tɑ́Ꞌ pɑk-ŋkɑ́p mbɔ̌ mbɑ wɔ̌ lɑ́ nǔu pɔ́p.

Mɑtʉ̈ɔ 9:13

Ɛ́ yɛ́tɛ́ lɑ́ mɔ sɛ́ ńcú mbɔ̌ pʉʉ ŋɡɔ ɡʉnɛ ńzíꞋ yúu mi ɛ́ kɑ cẅɛtnɛ tsu-Sɛ́, ɑ ńcú ŋɡɔ: Mɔ, ŋ kɔŋ ŋɡɔ pʉɔ tsɑ́ɑmɛjʉ́ŋ pɛcɔ́, ńtsɑ pɔꞋ ẅí pɛ́ lɔknɛ ŋ́ɡúꞋlɛ wɑ́ɑ. Yɛ́su ɡɔ ḿmɛkŋɛ n cú ŋɡɔ: Mɔ ŋkɑɑ tɔ́ nɛfúŋ pʉɔ pɔ́p kwɑŋɛ ŋɡɔ pɔ́p nɛ́nẅín pɔ́, mɔ m̄bɔ́ ńtɔ́ ntɛ́ pɔ ɡɑŋmɛfɑɑnɛ ŋɡɔ pɔ́p pɛn mbɔ̌ Sɛ́.»

Lúkɑ́shi 7:47

Ɛ́ lɛɛ pɔ́Ꞌɔ, lɑ́ ɛ sẅíi wú ŋɡɔ, mɑŋɡɛ́ wɔ ńnyɛt yɔ ntɛ́ kɔŋɛ pɑꞋɑ, mbíꞋŋɡɔ pɛ́ ńdikŋɛ mɛnu kɛpɔŋ mɛ́ mi ɛ́ kɑ zɑ́ɑ mɔ́ tɛꞋ, ŋ́ɡɑ́ mbɔ̌ wɛ́. Lɑ́ ŋ́ɡʉ nǔu ŋu ẅi ɑ jʉ́ɔ ŋɡɔ mɛnu kɛpɔŋ mɛ́ mi pɛ́ likŋɛ́nɛ kɛ́ ḿbɔɔ zɛɛ ńzɑ́ɑ tɛꞋ pɔ́, mbɔ yɛ́ ŋkɔŋɛ ɡʉ ḿbɛn ḿbɔ́ pɔ mɔ́zʉꞋ.

Jɑ̂ŋ 10:10

Ntsɔ́ŋ tɔ́ yɛ́ pɔ nɛjɔ, pɔ nɛjẅí, pɔ nɛpʉ́ʉpɛ. Ŋ kɑ tɔ́ nɛpɔ́ yi pʉɔmɛsɔŋ ɡʉ ŋ́ɡẅɛɛ luk yí ɛ́ kwɑꞋ yɛ́tɛ́ tɛ ńdúkŋɛ.»

Jɑ̂ŋ 15:22

«Mɔ ḿbɔ́ pɛ́Ꞌnɛ, mbɔɔ tɔ́, m bɔ́ pɛ́Ꞌnɛ pɛk pɛ́ pɔ́p pɔɔ sẅiŋɛ, mbɔ yɛcɔ́ mɛnu kɛpɔŋ kɑ́ pɔ́ nǔu pɔ́p pɔ́. Lɑ́ ɛ́ kɛ́ ḿbɔ́ ŋkɔ̂ɔnɛ pɑ́Ꞌnɛ yɛcɔ́ nu mbɔ pɔ́p cú ńdɔk ńcẅɛ́ɛ tú yɔ́p ntɛ́ mɛnu kɛpɔŋ mɔ́p kɑ́ pɔ́ ɡú pɔ́.»

Pʉɔ-Lɔ́mɑ 4:15

Nɛpʉ́ʉ zɛɛ ŋ́ɡɛ lɔ́ŋ-Sɛ́ zɑ́ŋ zɑ́ŋnɛ mbíꞋŋɡɔ pʉɔ kɑ́ pɔ́ ŋ́kúꞋlɛ pɔ́. Ɛ́ kɑ pɔ́ pɛ́Ꞌnɛ nɛpʉ́ʉ pɔɔ ɡú pɔ́, mbɔ pʉɔ kɑ́ fɑɑnɛ nɛpʉ́ʉ pɑ́Ꞌnɛ pɔ́.

Pʉɔ-Lɔ́mɑ 6:1

Tɛ ɛ́ pɑ́Ꞌɑ pɛkŋɛ ŋ́ɡɛ ŋɡɔ́ku? Pɛkŋɛ kɛ́ ŋ́kẅiꞋ ŋ́ɡɛ pɔ nu kɛpɔŋ nɛpɔ́ yi Sɛ́ ɡʉ ńdɔk nɛlikŋɛ mɛfɑɑnɛ mɛkŋɛ, pɛ́ tsuŋ ńjʉ́ɔ pɑ́Ꞌ ɑ sɛ́ ŋ́ɡɑ́ fuꞋ níinɛ-pʉɔ kíi?

Pʉɔ-Lɔ́mɑ 6:14

Nu kɛpɔŋ zɛɛ ḿbɔɔ ńdɑ́Ꞌ ŋ́ɡʉ ḿbɛn ŋ́ɡẅɛɛ wʉ́ʉ pɔ́, mbíꞋŋɡɔ pʉʉ kɑ́ pɛ́t ńnɛn nǔu sɛ̂ndúŋ nɛpʉ́ʉ pɔ́, pʉʉ ńtsʉ́Ꞌ ńnɛn pɔ nǔu sɛ̂ndúŋ ẅi Sɛ́ sɛ́ ńdɛɛ nǔu ŋ́ɡɑ́ fuꞋ níinɛ yʉ́ʉ, pʉʉ pɔ́ ŋ́ɡɛ yúu mi ɛ́ ndʉ́ŋndʉŋ.